Aktualitet

Gjykata rrëzon VKM-në/ S’pranon zgjerimin e Parkut Kombëtar në Malin e Tomorrit, banorët: Vendim skandaloz. Klosi. Do apelojmë!

Gjykata Administrative nuk ka pranuar zgjerimin e mbrojtjes në Malin e Tomorrit. Banorët janë indinjuar nga vendimi, ndërsa ministri i Turizmit Blendi Klosi ka premtuar apelimin.
Featured image of article: Gjykata rrëzon VKM-në/ S’pranon zgjerimin e Parkut Kombëtar në Malin e Tomorrit, banorët: Vendim skandaloz. Klosi. Do apelojmë! Mali i Tomorrit

BERAT– Gjykata Administrative ka rrëzuar Vendimin e Këshillit të Ministrave për zgjerimin e zonës së mbrojtur në Parkun Kombëtar të Malit të Tomorrit.

Në lidhje me këtë vendim të Gjykatës në Berat është mbajtur një aktivitet sensibilizues për të kundërshtuar atë pasi ai nuk është pritur mirë nga banorët.

Disa prej banorëve mbanin edhe pankarta në duar ku shkruhej se gjyqtari do ta pësonte nga Vettingu dhe nga Abaz Aliu. 

“Vendimi u mor nën ndikimin e interesave të ngushta të guroreve. Vendimi skandaloz, do ta apelojmë në Gjykatën e Lartë. Prej vitesh guroret kanë shkatërruar malin dhe jetën tone,”-shprehen banorët.

I pranishëm në aktivitetin e organizuar ka qënë edhe ministri i Turizmit Blendi Klosi, prefektja e qarkut të Beratit dhe biznesmenë.

Për më shumë bëhu pjesë e grupit më viral në Facebook, Dosja.al

Në fjalën e tij Klosi u shpreh se lufta për të mbrojtur pasuritë natyrore është e pa kthyeshme dhe se do t’i shkojnë deri në fund për ta hedhur poshtë vendimin.

“Vendimi i gjyqtarëve ishte i papranueshëm. Interesi i disa guroreve ka ndikuar në vendimin e dhënë prej tyre. Nga sot do të nisi mbledhja e firmave të qytetarëve që më pas do t’i çohen komisionit të Vettingut. Nuk do të lejojmë që të preket jeta e qytetarëve. Peticionit do i bashkohet, Skrapari, Poliçani, Berati, Kuçova, Ura Vajgurore. Mijëra firmat e mbledhura do të mbështesin apelimin e këtij vendimi,“- është shprehur ministri Klosi.

Në përfundim të pranishmit firmosën edhe një peticion për të kundërshtuar këtë vendimin e Administratives duke premtuar se do ta kalonin çështjen tek Gjykata e Lartë.

Thuajse në të njëjtën kohë vitin e shkuar, Ministria e Mjedisit bllokoi guroret që operonin në Malin e Tomorrit. Në një konferencë për shtyp, asokohe ministri Klosi deklaroi se ka pasur abuzime të mëdha në gërmime por edhe ndryshim të koordinatave të lejeve të dhëna.

(k.m./dosja.al)

Shto Koment