Aktualitet

APELI/ Shtyhet seanca për ish-ministrin Saimir Tahiri dhe Jaeld Çelën, përballja e radhës më 11 qershor

  • Flet avokati Maks Haxhia, i vendosur para mediave: Duam pafajësinë!
  • Gjykata e Posaçme e la në burg, Jaeld Çela rekurs në Gjykatën e Lartë për ndryshimin e masës së sigurisë
  • Shtyhet seanca në Apel ndaj ish-ministrit të Brendshëm, Saimir Tahirit dhe ish-drejtorit të Policisë së Vlorës, Jaeld Çela. Gjyqi i radhës është vendosur më 11 qershor.
    Featured image of article: APELI/ Shtyhet seanca për ish-ministrin Saimir Tahiri dhe Jaeld Çelën, përballja e radhës më 11 qershor Saimir Tahiri dhe Jaeld Çela

    TIRANË– Gjykata e Posaçme e Apelit ka shtyrë sërish gjyqin ndaj ish-ministrit të Brendshëm, Saimir Tahiri dhe ish-drejtorit të Policisë së Vlorës, Jaeld Çela. Burime për Dosja.al bëjnë me dije se shkak për shtyjen e gjyqit ka qënë fakti se ish-ministri nuk ka qënë i njoftuar për seancën gjyqësore. Një tjetër shkak është edhe pandemia e koronavirusit. 

    Pas përfundimit të seancës, para mediave ka dalë avokati i ish-ministrit Tahiri, i cili bëri me dije se klienti i tij kërkonte me ngulm pafajësinë.

    Ne kërkojmë pafajësi. Nuk dua të vijoj me procedurën. Saimir Tahiri që nga momenti i parë dhe deri më tani ka kërkuar prerazi pafajsinë,”-Maks Haxhia.

    Seanca e radhës do të zhvillohet më 11 qershor, ku të pranishëm pritet që të jenë të gjitha palët. Kjo ishte hera e parë që ish-ministri Tahiri mungoi në sallën e gjyqit, duke zgjedhur që të përfaqësohet nga avokatët e tij. Ndërsa për herë të parë, pas 3 viteve në arrati, i pranishëm ka qënë edhe ish-kryepolici i Vlorës, Jaeld Çela.

    Për më shumë bëhu pjesë e grupit më viral në Facebook, Dosja.al

    Çështja “Tahiri” u ankimua në Apeli nga avokatët e ish-ministrit, që kërkojnë pafajësi dhe nga Prokuroria, e cila shprehet se ka prova për ta akuzuar për trafik droge, një nga akuzat që u rrëzua bashkë me të tjerat në shkallën e parë.

    Në shtator të vitit të shkuar, pas më shumë se 13 orësh përfundoi “Gjyqi i vitit”, ai për Saimir Tahirin. Gjykata e Krimeve të Rënda dënoi ish-ministrin e Brendshëm, Saimir Tahiri me 5 vite burg, për akuzën e “shpërdorimit të detyrës”, por për shkak të gjykimit të shkurtuar dënimi u ul me 1/3 dhe u caktua 3 vite e 4 muaj burg, që gjykata më pas e konvertoi në 3 vite shërbim prove. Tahiri paralajmëroi që asokohe se do ta apelonte vendimin dhe do të fitonte pafajësi.

    (k.m/dosja.al)

    Shto Koment