Aktualitet

Grabiti me armë pasagjerët e autobusit në Tropojë dhe vrau policin, ekstradohet nga Kroacia 35-vjeçari! Sillet nga Roma edhe i riu i dënuar për drogë

Në Shqipëri, është rikthyer nga Kroacia Jonald Bushati, i cili ishte shpallur në kërkim nga Gjykata e Shkodrës. Nga Italia u ekstradua një 29-vjeçar i lindur në Bulqizë, i quajturVladi Sinani alias Vladimir Sinani.
Featured image of article: Grabiti me armë pasagjerët e autobusit në Tropojë dhe vrau policin, ekstradohet nga Kroacia 35-vjeçari! Sillet nga Roma edhe i riu i dënuar për drogë Foto ilustruese

TIRANË– Dy të rinj janë ekstraduar në Shqipëri pasi akuzoheshin për “prodhim e mbajtje narkotikës” dhe “vjedhje me armë”. Në Shqipëri, është rikthyer nga Kroacia Jonald Bushati, i cili ishte shpallur në kërkim nga Gjykata e Shkodrës. 

Ishte ishte liruar para kohe me kusht dhe ishte largua pa shlyer pjesën e mbetur të dënimit për 3 vite e 8 muaj e 24 ditë burg. 35-vjeçari Bushati, në bashkëpunim me një person tjetër grabitën me armë pasagjerët e linjës Bajram Curri-Lekbibaj, duke qëlluar për vdekje një punonjës policie.

Ndërkohë nga Italia u ekstradua një 29-vjeçar i lindur në Bulqizë, i quajtur Vladi Sinani alias Vladimir Sinani. 29-vjeçari ishte shpallur në kërkim pasi Gjykata e Dibrës e ka dënuar me 4 vjet e 8 muaj burg për prodhim dhe shitje të lëndëve narkotike.

NJOFTIMI I PLOTË:

Interpol Tirana

Falë shkëmbimit në kohë të informacionit mes Interpol Tiranës dhe homologëve, bien në prangat e policisë dhe ekstradohen drejt Shqipërisë, dy të kërkuar për vepra penale kundër personit, armëmbajtjes pa leje dhe në fushën e narkotikëve

Për më shumë bëhu pjesë e grupit më viral në Facebook, Dosja.al

Nga Specialistët e Interpol Tirana u krye ekstradimi nga Zagreb/Kroaci drejt vendit tonë i shtetasit shqiptar Joland Bushati, 35 vjeç, banues në Lekbibaj.

Ky shtetas ishte i shpallur në kërkim, pasi Gjykata e Shkallës së Parë Shkodër ka vendosur revokimin e vendimit të Gjykatës së Shkallës së Parë Tropojë, për lirimin para kohe me kusht dhe vazhdimin e vuajtjes së dënimit për pjesën e mbetur për 3 vite e 8 muaj e 24 ditë burg, i cili ka marrë formë të prerë me datë 04.01.2019, për veprën penale ”Vjedhje me pasojë vdekjen” e kryer në bashkëpunim dhe “Prodhim e mbajtje pa leje të armëve e municioneve luftarake”.

Ky shtetas në bashkëpunim me shtetasin A. P., ka grabitur me armë pasagjerët e linjës “Bajram Curri-Lekbibaj” duke qëlluar për vdekje shtetasin N. Gj., me detyrë punonjës policie. Si rezultat i bashkëpunimit të Interpol Tirana me Interpol Zagreb/Kroaci, u bë i mundur arrestimi i tij në Kroaci dhe ekstradimi drejt vendit tonë.

Po nga Z.Q.K Interpol Tirana u krye ekstradimi nga Roma/Itali, i shtetasit shqiptar Vladi Sinani alias Vladimir Sinani, 29 vjeç, lindur në Bulqizë.
Ky shtetas ishte i shpallur në kërkim ndërkombëtar nga Z.Q.K Interpol Tirana, pasi Gjykata e Rrethit Gjyqësor Dibër, e ka dënuar me 4 vjet e 8 muaj burg, për veprën penale “Prodhim dhe shitje e lëndëve narkotike”.

Si rezultat i bashkëpunimit të Interpol Tirana me Interpol Roma, u bë i mundur arrestimi i tij në Itali, duke u finalizuar me ekstradimin drejt vendit tonë.

(k.m/dosja.al)

Shto Koment