Aktualitet

Zgjaten me tre muaj hetimet e “Dosjes 184” në Dibër, prokurorët kërkojnë kohë

Tanimë dosja nuk emërtohet më si "Dosja 184" por "Dosja 385" për shkak se është regjistruar si procedim në Prokurorinë e Dibrës.
Featured image of article: Zgjaten me tre muaj hetimet e “Dosjes 184” në Dibër, prokurorët kërkojnë kohë Foto ilustruese

DIBËR– Prokuroria e Dibrës ka zgjatur me tre muaj afatin e hetimeve për “Dosjen 184”,  e cila flet për përfshirjen e zyrtarëve të lartë në blerjen e votave në zgjedhjet lokale për bashkinë e Dibrës.

Burime të Dosja.al bëjnë me dije se dy prokurorët Rifat Kojku dhe Belina Zeneli kanë kërkuar më shumë kohë për të studiuar rastin. Tanimë dosja nuk emërtohet më si “Dosja 184” por “Dosja 385” për shkak se është regjistruar si procedim në Prokurorinë e Dibrës.

Fillimisht rasti u mos nën shqyrtim nga Prokuroria e Krimeve të Rënda, e cila shpalli moskompetencë duke e deleguar çështjen në Dibër.

Më datë 11 shtator, dy prokurororët duhet t’i komunikonin akuzat dhe të merrnin si të pandehur personat e përmendur në përgjime më konkretisht Arben Keshi, Robert Aga, Drini Gjeçi, Bekim Krashi, Pjerin Ndreu.

Çfarë është dosja 184?

Për dosjen 184 ka patur disa versione. Opozita është shprehur se në këtë dosje janë të përfshirë Ministra të rëndësishëm të Qeverisë Rama të kohës në blerje votash. Damian Gjiknuri është publikuar nga PD si i përshirë në zgjedhjet e Dibrës, por pas përgjimeve të “BILD”, ishin shumë funksionar të PS të përfshirë në këtë çështje.

Në muajin qershor gazeta gjermane “Bild”, publikoi disa herë përgjime zyrtare të Prokuoris, ku emra të njohur në PS flisnin me njëri-tjetrin në lidhje me blerjen e votave. Në këto përgjime doli dhe Kryeministri Edi Rama, i cili pranoi që kishte folur me një funksionar në Dibër. Të gjitha bisedat për shit-blerje vote, kërcënimet për të votuar PS-në dhe kërcënimet për heqjet nga puna janë për zgjedhjet e pjeshme në Dibër në vitin 2016.

(k.m/dosja.al)

Shto Koment