Aktualitet

Vetëm 6 raste të reja me koronavirus në vend/ 856 të infektuar, mbi 70% janë shëruar. Ja vatrat me të pacientë ‘aktivë’

VIDEO
856 të infektuar dhe 627 persona të shëruar ky është bilanci i koronavirusit në vendin tonë. Sot është dita e 10 që në vend nuk ka asnjë viktima nga pandemia globale.
Featured image of article: Vetëm 6 raste të reja me koronavirus në vend/ 856 të infektuar, mbi 70% janë shëruar. Ja vatrat me të pacientë ‘aktivë’

TIRANË– Ministria e Shëndetësisë, ka përditësuar shifrat e koronavirusit në vend. Sot janë shënuar vetëm 6 raste të reja, 3 në Krujë dhe po aq në Tiranë, duke shënuar në total 856 të infektuar. Ndërsa 7 pacientë janë shëruar, duke çuar totalin në 627 persona.

Në 24 orët të fundit janë testuar 224 qytetarë të dyshuar si të prekur me Covid-19, por vetëm 2.67 % e tyre rezultuan pozitivë 6 qytetarë. Aktualisht në dy spitalet COVID, në spitalin infektiv dhe spitalin “Shefqet Ndroqi”, janë të shtruar 29 pacientë dhe vetëm 4 prej tyre janë në terapi intensive. Sot është dita e 10 që në vend nuk ka asnjë viktima nga pandemia globale.

Në të gjithë vendin,janë 198 persona aktivë, të cilët janë nga Tirana, Kruja, Shkodra, Fieri dhe Kamza, por më pak se 15% e  tyre po trajtohet në spital.

 

DEKLARATA E PLOTË:

COVID-19/ Ministria e Shëndetësisë: Në 24 orët e fundit 6 raste të reja, 7 të shëruar

Përqindja e pozitivitet ditor 2.67 % e totalit të testimeve. 198 raste aktive, më pak se 15% e tyre po trajtohen në spitale. Marjeta Dervishi Instituti i Shëndetit Publik

Ju bëjmë me dije të dhënat e 24 orëve të fundit të situatës së COVID 19 në Shqipëri.
Situata epidemiologjike në vend paraqitet e qëndrueshme mbeshtetur në identifikimin e rasteve të deritanishme dhe gjurmimin epidemiologjik në mënyrë aktive. Në 24 orët të fundit janë testuar 224 qytetarë të dyshuar si të prekur me Covid-19. Sot është përqindja më e ulët e pozitivitetit ndaj totalit të testimeve, me vetëm 2.67 %. Në 24 orët e fundit kanë rezultuar pozitivë 6 qytetarë, përkatësisht nga 3 raste në Tiranë dhe Krujë, ndërsa të shëruar janë 7 qytetarë. Gjatë ditëve të fundit kemi një përmirësim të situatës edhe në spitale. Aktualisht në dy spitalet COVID, në spitalin infektiv dhe spitalin “Shefqet Ndroqi”, janë të shtruar 29 pacientë dhe vetëm 4 prej tyre janë në terapi intensive, dhe prej më shumë se 10 ditësh nuk kemi asnjë humbje jete. Që nga fillimi i epidemisë deri më sot janë konfirmuar pozitivë me COVID-19 në të gjithë vendin 856 qytetarë. Prej tyre 627 qytetarë, pra mbi 70% tashmë janë shëruar. Në të gjithë vendin aktualisht janë 198 persona aktivë me COVID19, kryesisht ne Tiranë, Krujë, Shkodër, Fier, Kamëz. Me pak se 15% e te prekurve aktivë po marrin trajtim në spitalet Covid, pjesa tjetër ndiqet nga mjeku i familjes. Siç jeni në dijeni edhe kjo fundjavë si fundjava e shkuar do të ketë të njëjtat rregulla. Do të lejohen të moshuarit sipas orarit të përcaktuar, si dhe familjet dhe fëmijët deri në 14 vjec. Gjatë ditës së shtunë do të ushtrojnë aktivitetin marketet dhe farmacitë deri në orën 17:30 ndërsa të dielën do të jetë të mbyllura. Ndërsa nga dita e hënë do të ketë një tjetër lehtësim masash. Për këtë arsye Ministria e Shëndetësisë dhe Mbrojtjes Sociale i fton qytetarët të respektojnë rregullat, të ruajnë distancimin fizik dhe higjienën personale; bizneset të zbatojnë me shumë rigorozitet protokollet e sigurisë për të ruajtur shëndetin e qytetarëve. Qytetarët duhet të jenë të kujdesshëm të mos neglizhojnë shenjat e sëmundjes Covid-19, ndaj ju lutemi telefoni në numrin unik të Urgjencës Kombëtare, 127. Për informacion në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40.

COVID-19 – Statistika (9 Maj 2020)

Teste të kryera 10268

Raste pozitive 856

Raste të shëruara 627

Raste Aktive 198

Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Për më shumë bëhu pjesë e grupit më viral në Facebook, Dosja.al

Shpërndarja gjeografike e rasteve aktive është si vijon:

Tiranë 95

Krujë 63

Shkodër 17

Kamëz 9

Fier 4

Kurbin 3

Elbasan 3

Mirditë 1

Berat 1

Durrës 1

Korçë 1

(k.m/dosja.al)

Shto Koment