Bota

Lajm i mirë për Anglinë, nis transporti për dozat e para të vaksinës anti-Covid

Këto janë dozat e para që do të shkojnë në Britaninë e Madhe, pasi brenda këtij viti është deklaruar se do të transportohen 10 milion doza vaksine, ndërsa në total Anglia ka porositur 40 milion doza të mjaftueshme për të vaksinuar 20 milion persona.  
Featured image of article: Lajm i mirë për Anglinë, nis transporti për dozat e para të vaksinës anti-Covid Fotot Ilustruese

ANGLI- Kamionët e parë me dozat e vaksinës anti-Covid janë nisur në Angli. Mediat e huaja bëjnë të ditur se 800 mijë dozat e para janë nisur për në Angli, ku prej tyre mund të injektohen 400 mijë njerëz. Këto janë dozat e para që do të shkojnë në Britaninë e Madhe, pasi brenda këtij viti është deklaruar se do të transportohen 10 milion doza vaksine, ndërsa në total Anglia ka porositur 40 milion doza të mjaftueshme për të vaksinuar 20 milion persona.

Kategoritë e para që do të vaksinohen janë personat e moshuar, punonjësit mjekësor, të moshuarit në azile dhe personat me sëmundje shoqëruese.  Ndërkohë që në lidhje me fillimin e transporit të vaksinave ka folur edhe Kreu i Pfizer i cili ka thënë se kjo është një lajm i mirë dhe historik.

Për më shumë bëhu pjesë e grupit më viral në Facebook, Dosja.al

Vaksina anti-Covid e Pfizer dhe BioNTech u miratua ditën e djeshme në Angli nga Agjencia Rregullatore e Barnave dhe Produkteve Shëndetësore (MHRA). Anglia është bërë kështu vendi i parë në botë që ka miratuar një vaksinë anti-Covid për përdorim masiv.

(I.A/dosja.al)

Shto Koment