Aktualitet

Operacionin ‘Gjurmimi’/ Arrestimi i Ilir Selmanit, detajet e plota nga Policia: E kishim në vëzhgim prej kohësh

VIDEO
Në një njoftim për mediat Policia ka bërë me dije se ai është kapur sot në mesdite në rrugën "Endri Keko" dhe i është gjetur dhe sekuestruar një armë zjarri tip pistoletë dhe municion luftarak. "
Featured image of article: Operacionin ‘Gjurmimi’/ Arrestimi i Ilir Selmanit, detajet e plota nga Policia: E kishim në vëzhgim prej kohësh Pamje nga operacioni i policisë

TIRANË- Policia e Tiranës ka bërë të mundur sot arrestimin e Ilir Selmanit, i cili akuzohet si pjesë e klanin “Duka” dhe përgjegjës ëpr vrasjen e Santiago Malkos. Në një njoftim për mediat Policia ka bërë me dije se ai është kapur sot në mesdite në rrugën “Endri Keko” dhe i është gjetur dhe sekuestruar një armë zjarri tip pistoletë dhe municion luftarak.


Finalizimi i operacionit, pas një pune disajavore, me metoda speciale të hetimit. Kapet dhe vihet në pranga autori i dyshuar i vrasjes së shtetasit S. M., ndodhur në gusht të vitit 2019,“, shtohet në njoftim. 

NJOFTIMI I PLOTË

Për më shumë bëhu pjesë e grupit më viral në Facebook, Dosja.al

Finalizohet operacioni policor i koduar “Gjurmimi”, për kapjen e një personi me rrezikshmëri të lartë shoqërore, pjesëtar i një grupi të strukturuar kriminal. Operacioni, nga Komisariati i Policisë Nr. 2 dhe Sektori për Krimet e Rënda në Drejtorisë Vendore të Policisë Tiranë. Finalizimi i operacionit, pas një pune disajavore, me metoda speciale të hetimit. Kapet dhe vihet në pranga autori i dyshuar i vrasjes së shtetasit S. M., ndodhur në gusht të vitit 2019. Strukturat e Drejtorisë Vendore të Policisë Tiranë, në vijim të punës për kapjen e personave me rrezikshmëri të lartë shoqërore në fushën e krimeve ndaj personit, gjatë mesditës së sotme kanë finalizuar operacionin të koduar “Gjurmimi”, në kuadër të të cilit, nga shërbimet e Komisariatit të Policisë Nr. 2 dhe Sektori për Krimet e Rënda në Drejtorinë Vendore të Policisë Tiranë, në rrugën “Endri Keko”, u bë e mundur kapja dhe prangosja e shtetasit Ilir Selmani, 35 vjeç, banues në Tiranë. Për këtë shtetas, Gjykata e Shkallës së Parë për Krime të Rënda Tiranë ka vendosur masën e sigurimit personal “Arrest në burg”, si i dyshuar për kryerjen e veprave penale “Vrasja me paramendim” dhe “Mbajtja pa leje e armëve, armëve shpërthyese dhe municionit”, të kryera në bashkëpunim në formën e grupit të strukturuar kriminal. Shtetasit Ilir Selmani, në momentin e kapjes nga Policia, i është gjetur dhe sekuestruar një armë zjarri tip pistoletë dhe municion luftarak. Ky shtetas është një nga personat e dyshuar të ngjarjes së ndodhur me datë 27.08.2019, në rrugën “Xhanfize Keko”, ku ka mbetur i vrarë me armë zjarri shtetasi S. M.  Vijon puna për dokumentimin e plotë të kësaj ngjarjeje dhe aktivitetit kriminal të shtetasit Ilir Selmani. Materialet procedurale do t’i kalojnë Prokurorisë së Posaçme Kundër Korrupsionit dhe Krimit të Organizuar.

Selmani, prej 8 muajsh ishte në kërkim nga Policia pasi akuzohej si pjesë e grupit që vrau ish-efektivin e Policisë, Santiago Malkon. Sipas të dhënave në dosjen hetimore, Selmani, ka kthyer makinën në momentin që e ka udhëzuar Leonard Duka. Duka i ka kërkuar Ilir Selmanit që të kthente automjetin sepse më në fund kishte arritur ta identifikonin dhe lokalizonin objektivin e tyre, Malkon.

(a.b./dosja.al)

Shto Koment