Aktualitet

Zbardhet vrasja e kreut të Njësisë Kotë. Arrestohet 19-vjeçari i plagosur, në pranga dhe dy kushërinjtë e tij (EMRAT)

Arif Bejtaj është arrestuar në spitalin e Vlorës, pasi mbeti i plagosur dje gjatë përplasjes në fshatin Petë të Selenicës. Ndërkohë që më vonë pas dokumentimit të ngjarjes në pranga kanë rënë dhe Jaçe dhe Namik Bejtaj që janë të afërm me njëri tjetrin.
Featured image of article: Zbardhet vrasja e kreut të Njësisë Kotë. Arrestohet 19-vjeçari i plagosur, në pranga dhe dy kushërinjtë e tij (EMRAT) Pamje nga vendngjarja në fshatin Mavrovë

VLORË- Tre persona kanë rënë në pranga në lidhje me vrajsen e kreut të Njësisë Administrative të Fshatit Kotë. Të arrestuar kanë mbetur tre kushërinjtë, Namik, Jaçe dhe Arfi Bejtaj, të cilët akuzohen për vrajsen e Argjil Gjokës, që ishte dhe zyrtar i Bashkisë Selenicë.

Arif Bejtaj është arrestuar në spitalin e Vlorës, pasi mbeti i plagosur dje gjatë përplasjes në fshatin Petë të Selenicës. Ndërkohë që më vonë pas dokumentimit të ngjarjes në pranga kanë rënë dhe Jaçe dhe Namik Bejtaj që janë të afërm me njëri tjetrin.

NJOFTIMI I PLOTË

19-vjeçari Arif Bejtaj është arrestuar sot në spitalin e Vlorës. Policia zbardh ngjarjen e djeshme në Selenicë. Në pranga autorët. Arrestohen në flagrancë 3 shtetas, shpallet në kërkim 1 tjetër.

Më datë 11.06.2019, rreth orës 14:20, në fshatin Petë të Selenicës, pas një konflikti me armë zjarri midis disa personave, janë plagosur shtetasit A. B., 19 vjeç dhe A. Gj., 51 vjeç, ku si pasojë ky i fundit ka humbur jetën në Spitalin e Vlorës.

Pas hetimeve të kryera, dëshmive dhe provave të administruara, Policia ka zbardhur ngjarjen, duke vënë para përgjegjësisë penale autorët e dyshuar:

• N.B., 30 vjeç (arrestuar).
• J.B., 22 vjeç (arrestuar).
• A.B., 19 vjeç (arrestuar).
Të tre këta shtetas janë me banim në fshatin Mavrovë.

Gjithashtu është shpallur në kërkim shtetasi M.P. , 32 vjeç, banues në Vlorë dhe po punohet për kapjen e tij.

Këta shtetas në bashkëpunim me njëri-tjetrin për motive të dobëta kanë tentuar të vrasin me armë zjarri tip pistoletë dy vëllezërit F. O. dhe A. O., (70 dhe 65 vjeç), por pas ndërhyrjes për të shuar konfliktin humbi jetën Kryetari i Njësisë Administrative Kotë, shtetasi A. Gj.

Materialet në ngarkim të këtyre shtetasve iu referuan Prokurorisë, për veprat penale “Vrasja në rrethana të tjera cilësuese” kryer në bashkëpunim dhe “Mbajtja pa leje e armëve dhe municioneve luftarake”.

Ngjarja ndodhi mesditën e djeshme në fshatin Mavrovë të Bashksië Selenicë, ku disa bashkëfshatarë kanë pasur një konflikt me njëri tjetrin. Familja Bejtaj dhe një familjë tjetër ishin përplasur për tokën dhe mes tyre për të ulur tensionet ka ndërhyrë dhe Administratori i Njësisë Kotë. Gjatë sherrit janë nxjerrë armët dhe i vdekur ka mbetur kreu i Njësisë, Argjil Gjoka dhe i plagosur Arif Bejtaj.

(A.B. Dosja.al)

  • 11:14

    U vra gjatë sherrit mes banorëve, kush është kreu i Njësisë Administrative Kotë (FOTO)

    Ditën e djeshme në fshatin Mavrovë pas një konlikti mes disa banorëve ka mbetur i vdekur kreu i Njësisë Administrative në Kotë, Argjil Gjoka.

    Viktima Argjil Gjoka, kreu i Njësisë Administrative Kotë

    Dosja.al ka siguruar fotot e Gjokës, i cili ndërhyri që të shtuar sherrin por mbeti vet viktimë.

  • 9:21

    Zbulohen fotot, kush janë të arrestuarit për vrasjen e kreut të Njësisë Adminsitrative në Kotë

    Tre personat e arrestuar për vrasjen e kreut të Njësisë Adminsitrative Kotë, kishin lidhje me njëri-tjetrin. Dosja.al ka siguruar dhe fotot e të arrestuarve në Mavrovë.

     

    Të arrestuar kanë mbetur Arif Bejtaj, Jaçe Bejtat dhe Namik Bejtaj. Të tre akuzohen për vrajsen e kreut të Njësisë Adminsitrative Kotë, Argjil Gjoka.

Shto Koment