Aktualitet

E vranë me thikë dhe e hodhën në kanal/ Zbardhet vrasja e 23-vjeçarit në Fier, arrestohen dy të rinj

  • I kërkoi ndihmë të atit, zbardhet telefonata e fundit që bëri Florian Selimi para se ta vrisinin (DETAJET)
  • Për vrasjen e Florian Selimit janë arrestuar S.S, 26 vjeç dhe  K.M, 20 vjeç. Policia sqaron se ngjarja e rëndë ka ndodhur për motive të dobëta.
    Featured image of article: E vranë me thikë dhe e hodhën në kanal/ Zbardhet vrasja e 23-vjeçarit në Fier, arrestohen dy të rinj Viktima Florian Selimi

    Fier- Një ngjarje e rëndë ndodhi ditën e djeshme në Fier, pasi u vra me thikë një 23-vjeçari Florian Selimi.

    Për këtë ngjarje në prangat e policisë kanë rënë S.S, 26 vjeç dhe  K.M, 20 vjeç, banues në fshatin Sulaj. Policia sqaron se dy të rinjtë në bashkëpunim me njëri tjetrin, për motive të dobëta, kanë vrarë me mjet prerës shtetasin F.S, 23 vjeç, i cili ka ndërruar jetë.

    Njoftimi i policisë:

    Fier

    Policia e Fierit zbardh dhe dokumenton vrasjen e 23 vjeçarit në fshatin Hamil.

    Arrestohen 2 autorët e dyshuar.

    Specialistët për Hetimin e Krimeve të Rënda në Drejtorinë Vendore të Policisë Fier, pas një pune të mirëfilltë hetimore, zbardhën dhe dokumentuan ngjarjen e ndodhur gjatë natës së datës 11.08.2019 në fshatin Hamil ku u gjet i vrarë me thikë 23 vjeçari F.S.

    Në përfundim të hetimeve u arrestuan shtetasit:

    S.S, 26 vjeç, banues në fshatin Sulaj.

    K.M, 20 vjeç, banues në fshatin Sulaj.

    Gjatë natës së datës 11.08.2019, në fshatin Hamil, këta shtetas në bashkëpunim me njëri tjetrin, për motive të dobëta, kanë vrarë me mjet prerës shtetasin F.S, 23 vjeç, i cili ka ndërruar jetë.

    Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje me dashje” e kryer në bashkëpunim dhe “Prodhimi dhe mbajtja pa leje e armëve të ftohta”.

    23-vjeçari Florian Selimi nga Tropoja u gjet dje i pajetë një kanal në Fier, pasi ishte vrarë me thikë.  Ai prej 20 vitesh jetonte në fshatin Sulaj. Duhet të themi se në vitin 2015, Selimi është akuzuar se ka vjedhur një makinë, të cilën më pas e ka djegur në rrethana të paqarta. (lexo këtu)

    J.V/Dosja.al

    Shto Koment