Aktualitet

Vodhi “Range Rover”-in në Velipojë dhe e braktisi në Mmaurras, arrestohet auori

Sipas njoftimit zyrtar, 23-vjeçari akuzohet se ka vjedhur automjetin luksoz, të tipit “Range Rover”, në pronësi të shtetasit D. D., 53 vjeç, banues në Tiranë, i cili ka qenë me pushime në plazhin e Velipojës, Shkodër.
Featured image of article: Vodhi “Range Rover”-in në Velipojë dhe e braktisi në Mmaurras, arrestohet auori Fuoristradë e braktisur në Mamurras
Përditësuar:

SHKODËR– Një 23-vjeçar me inicialet A.P., banues në Kurbin, është vënë në pranga pasi akuzohet se është autori i grabitjes së një makine në Velipijë, ngjarje e ndodhur pak ditë më parë. 

Sipas njoftimit zyrtar, 23-vjeçari akuzohet se ka vjedhur automjetin luksoz, të tipit “Range Rover”, në pronësi të shtetasit D. D., 53 vjeç, banues në Tiranë, i cili ka qenë me pushime në plazhin e Velipojës, Shkodër.

23-vjeçari vetëm pak ditë më parë, u shpall në kërkim. Ai u ndoq nga policia që nga Velipoja ku vodhi mjeti, e deri në dalje të Lezhës, ku autoritetet e ‘humbën’. Më pas, për të shpëtuar nga ndjekja e efektivëve, ai e braktisi mjetin në Mamurras dhe u largua me këmbë. Mjeti u gjet, ndërsa 23-vjeçari u shpall në kërkim dhe sot u vu në pranga. 

Për më shumë bëhu pjesë e grupit më viral në Facebook, Dosja.al

Njoftimi i policisë Shkodër

Zbardhet dhe dokumentohet vjedhja e një mjeti luksoz në Plazhin e Velipojës. Ndalohet autori i dyshuar i vjedhjes. Shërbimet e Komisariatit të Policisë Shkodër, në zbatim të planit të masave për mbarëvajtjen e sezonit turistik, kanë zbardhur dhe dokumentuar vjedhjen e një mjeti luksoz në plazhin e Velipojës. Në bashkëpunim me strukturat e DVP Lezhë, pas një pune të mirorganizuar u bë ndalimi i shtetasit A. P., 23 vjeç, banues në Mamurras, Kurbin. Ndalimi i këtij shtetasi u bë, pasi dyshohet të jetë autor i vjedhjes së automjetit luksoz, tip “Range Rover”, në pronësi të shtetasit D. D., 53 vjeç, banues në Tiranë, i cili ka qenë me pushime në plazhin e Velipojës, Shkodër. Vijon puna për zbardhjen dhe dokumentimin e ngjarjeve të tjera në të cilat mund të jetë i implikuar ky shtetas. Materialet iu referuan Prokurorisë së Rrethit Gjyqësor Shkodër, për veprën penale “Vjedhja”.

(f.m/dosja.al)

Shto Koment