Aktualitet

Urdhëroi vrasjen e Artan Cukut, Greqia nuk ekstradon Jambellin

Bledar Jambelli 38 vjeç, u arrestua nga homologët grekë, pas një operacioni të gjatë në dhjetor të vitit 2018, por ata nuk kanë pranuar ta eksradojnë drejt Shqipërisë.
Featured image of article: Urdhëroi vrasjen e Artan Cukut, Greqia nuk ekstradon Jambellin Bledar Jambelli, Artan Cuku dhe Mikel Shallari

TIRANË– Gjykata greke ka vendosur të mos ekstradojë Bledar Jambellin. Autoritetet shqiptare janë njoftuar me anë të një njoftimi zyrtar nga Gjykata Greke.

Bledar Jambelli 38 vjeç, u arrestua nga homologët grekë, pas një operacioni të gjatë në dhjetor të vitit 2018, por ata nuk kanë pranuar ta eksradojnë drejt Shqipërisë.

Në qershor të vitit 2017 Gjykata e Krimeve të Rënda dha masën “arrest me burg” në mungesë për Bledar Jambellin akuzohej për urdhërimin e ekzekutimit të komisar Artan Cukut.

Jambelli u shpall në kërkim ndërkombëtar. Emri i Jambellit u dha nga vetë Mikel Shalari që u arrestua si vrasësi i Cukut.

Shallari bashkëpunoi me drejtësinë dhe pranoi se kishte marrë një shumë prej tre mijë eurosh për ta kryer vrasjen. Ai deklaroi se i ishte premtuar nga Bledar Jambelli se do të merrte 22 mijë euro për këtë vrasje.

Artan Cuku u ekzekuta në prill të 2017-ës, në hyrje të pallatit ku banonte. Ndërkohë hetuesit kanë zbuluar edhe motivet që e shtynë 38-vjeçarin të urdhëronte vrasjen e Cukut.

Gjithçka ka nisur për shkak të rihapjes së një dosjeje në vitin 2012, kohë kur kryekomisari Cuku ishte Drejtor i Policisë Vlorë. Kryekomisari e rihapi këtë dosje të mbyllur nga prokuroria dhe gjeti prova të reja për vrasjen e Shpëtim Mukës dhe Ervis Shehut në vitin 1997, e njohur si masakra e “Pusit të Mezinit”.

Provat e reja sollën edhe arrestimin e Bledar Jambellit. Gjithsesi 38-vjeçari u la i lirë nga gjykatat shqiptare për mungesë provash në vitin 2013, por Jambelli nuk harroi të hakmerrej.

4 vite më vonë, pikërisht në 2017, ai pagoi Shallarin për të vrarë kryekomisarin Cuku.

(f.m/dosja.al)

Shto Koment