Aktualitet

Përgjimet nxjerrin zbuluar grupin e Fushë Krujës, arrestohen 11 persona që shisnin hashash (Detaje+Video)

11 persona kanë rënë në prangat e policisë së Fushë Kruëjs dhe të paktën 20 të tjerë janë proceduar. Ata akuzohen për shitje të lëndëve narkotike.
Përditësuar:

FUSHË KRUJË- Policia e Fushë Krujës ka zhvilluar një mega operacion në Nikël Borizanë dhe në të gjithë zonën e Fushë kruëjs. Për pasojë 11 persona kanë rënë në pranga dhe të paktën 20 të tjerë janë proceduar.

Dosja.al ka zbardhur emrat e 6 prej të arrestuarve të cilët janë: Gerald Rraja, Aurel Tema, Gilmando Bami, Edvin Zalla banues në Fushe Krujë, Elvis Qoku dhe Xhilion Xhemlloari, banues në Tiranë.

Ndërkohë të arrestuarëve të tjerë u dihen vetëm inicialet për momentin. Ata janë: G. B., 20 vjeç, banues në Kameras, Fushë Krujë, Xh. Xh., 24 vjeç, banues ne Tiranë, A. T., 19 vjeç, banues në Larushk, Fushë Krujë, E. Q., 25 vjeç , banues ne Tiranë, E. Z., 39 vjeç, banues në Fushë Krujë.

Mëoshet se të arrestuarit kanë qenë në përgjim dhe janë kapur teksa bënin pazare për drogën e sekuestruar.

Operacioni është ende në vijim, ndërkohë në videon e publikuar nga Policia e Shtetit shihet se si të rinjtë janë shtrirë në mes të rrugës për t’u arrestuar. Një tjetër e kanë ndaluar dhe e kanë zbritur nga makina, për t’i vënë prangat. 

(A.B/F.M/ Dosja.al)

  • 12:43

    Të shtrirë në mes të rrugës, si u arrestuan trafikantët e Fushë Krujës, njërin e zbresin nga makina (Video)

    Policia ka dhënë detaje të reja në lidhje me operacionin e zhvilluar në Fushë Krujë.

    Në videon e publikuar nga faqja e tyre në Facebook shihet mënyra se si janë arrestuar disa nga naëtarët e grupit që shisnin drogë në këtë zonë.

    Njërin prej tyre shihet që e kanë shtrirë në mes të rrugës për t’i vënë pranga.

    Ndërkohë një tjetër e kanë zbritur nga makina dhe më pas e kanë arrestuar. 

    Policia e Shtetit

    Finalizohet një tjetër operacion policor për goditjen e veprimtarisë kriminale në fushën e narkotikëve

    Operacioni nga Departamenti i Policisë Kriminale, Drejtoria e Forcës së Posaçme Operacionale, DVP Durrës, Komisariati i Policisë Krujë, DVP Tiranë, nën drejtimin e Prokurorisë së Rrethit gjyqësor Krujë.

    Operacioni i ndjekur me metoda speciale te hetimit prej disa muajsh.

    Goditet një grup që merrej me shpërndarje të lëndëve narkotike.

    Nën drejtimin e Prokurorisë së Rrethit Gjyqësor Krujë, pas një hetimi proaktiv disa mujor me metoda speciale të hetimit nga Komisariati i Policisë Krujë në bashkëpunim me Forcën e Posaçme Operacionale në Policinë e Shtetit, u finalizua operacioni policor ku si rezultat u arrestuan në flagrancë shtetasit:

    1. B., 20 vjeç, banues në Kameras, Fushë Krujë.

    Xh. Xh., 24 vjeç, banues ne Tiranë.

    1. T., 19 vjeç, banues në Larushk, Fushë Krujë.
    2. Q., 25 vjeç , banues ne Tiranë.
    3. Z., 39 vjeç, banues në Fushë Krujë

    Shërbimet e policisë kanë bërë të mundur kapjen në flagrancë të këtyre shtetaseve, të cilët ishin duke shkëmbyer një sasi lënde narkotike të dyshuar si Cannabis Sativa, të ndarë në doza të vogla, gati për shitje.

    Nën drejtimin e Prokurorisë, vijon puna për dokumentimin e plotë ligjor të veprimtarisë kriminale të ushtruar nga këta shtetas, si dhe për evidentimin dhe kapjen e personave të tjerë të përfshirë në këtë aktivitet kriminal.

    Për arsye se operacioni është në vijim, nuk bëjmë me dije të dhëna të tjera.

Shto Koment