Aktualitet

Kamëz/ Babai besimtar s’lë vajzat të shkojnë në shkollë, policia shkon ta çojë në gjykatë dhe ai nxjerr armën dhe qëllon në ajër, RENEA e bind të dorëzohet (EMRI+NGJARJA)

FOTO
Ronald Kryemadhi, kryefamiljar nga Kamza ka kundërshtuar sot shoqërimin e policisë për në gjykatën e Tiranës për çështjen që po ndiqet për dhunë në familje. Kryemadhi qëlloi me armë në ajër, hodhi kallashnikovin dhe hyri në banesë. Në vendngjarje shkoi edhe RENEA. Pas negociatave ai pranoi të vetëdorëzohej. Jaupi: Nuk lejonte fëmijët të shkonin në shkollë se ishte besimtar. 
Featured image of article: Kamëz/ Babai besimtar s’lë vajzat të shkojnë në shkollë, policia shkon ta çojë në gjykatë dhe ai nxjerr armën dhe qëllon në ajër, RENEA e bind të dorëzohet (EMRI+NGJARJA) Pamje nga vendi i ngjarjes

TIRANË– Një seri të shtënash me armë janë dëgjuar paraditen e sotme në Kamëz, ku një kryefamiljar ka kërcënuar edhe policinë e Shtetit se do t’i qëllonte. Pas të shtënave, policia rrethoi banesën, ndërsa Ronald Kryemadhi., i cili dyshohet se vuante edhe nga probleme të shëndetit mendor, hodhi armën jashtë dhe u fut në banesë.

Menjëherë në Kamëz zbarkuan edhe forcat RENEA, që kanë bërë negocimin me Kryemadhin për t’u dorëzuar.

Pas 30 minutash, ai ka dalë nga banesa dhe ka vendosur që t’i dorëzohet policisë. Drejtori i Policisë Tiranë, Rebani Jaupi, sqaroi mediat se bëhej fjalë për një besimtar i cili iu kishte ndaluar vajzave të tij që të shkonin në shkollë.

Për më shumë bëhu pjesë e grupit më viral në Facebook, Dosja.al

Jaupi tha se policia ka shkuar fillimisht për të bërë shoqërimin e tij në gjykatë, pasi ai ndiqet penalisht me akuzën e dhunës në familje. Kur policia ka hyrë në banesën e tij, Kryemadhi ka nxjerrë armën dhe në këtë moment situata është agravuar.

(F.g/dosja.al)

  • 12:51

    "Nuk çohen fëmijët në shkollë se bëhen prostituta", miku i Kryemadhit të arrestuar u kthehet policëve: Pendohuni tek Allahu se do ndëshkoheni, ju shkatërroftë

    Një besimtar, mik i Ronald Kryemadhit që u vu në pranga ditën e sotme pasi kërcënoi efektivët e policisë ka rrëfyer detaje të tjera në lidhje me ngjarjen. Përpara kamerës së Faxëeb, i riu tregon se Kryemadhi nuk i linte vajzat të shkonin në shkollë pasi zhvishen dhe bëhen prostituta. Personi në video u kthehet policëve dhe u kërkon llogari për arrestimin e Kryemadhit. Ai shton se e ka vëlla mysliman dhe se policët duhet të pendohen para Allahut për atë që kanë bërë, ndryshe do ndëshkohen.“Nëse ka sha dikënd e marr unë përgjegjësi që e ka bërë. Allahu u shkatërroftë, Allahu u shkatërroftë, Allahut u shkatërroftë , kush i hap luftë një njeriu të Allahut, Allahu iu shkatërron. U dashka me e çu një fëmijë në shkollë dhe me i zhvesh. Shteti urdhëron me çu fëmijët në shkollë, me i qit prostituta, zotërinë e kam vëlla mysliman. E njoh shumë mirë, është njeri i qetë, unë iu bëj këshillë ju që të pendoheni te Allahu para se t’iu vijë vdekja. Pse e arrestoni, për çka arsye e keni arrestuar atë vëlla, jepni llogari te Allahu, do të pendoheni për këtë që po bëni. Allahu u shkatërroftë, Allahu i shkatërroftë, je në luftë me Allahun, kanë qenë edhe më të fortë se ju dhe i ka shkatërruar Allahu,”- shprehet qytetari në videon e mëposhtme.

  • 12:34

    "Fëmijët e mi i shkollon Allahu", 40 minutat e tmerrit në Kamëz, kërcënimi i babait besimtar për policinë dhe vajzat: Do t'ju vras (DINAMIKA)

    Kanë qenë minuta tmerri ato të paradites së kësaj të mërkure në Kamëz, ku në banesën e Ronald Kryemadhit është luajtur një skenë e padëgjuar. Babai i dy vajzave ngriti në këmbë policinë e Shtetit, pasi një patrullë e komisariatit nr.5 shkoi për t’a shoqëruar për në gjykatë, pasi ai nuk kishte pranuar të paraqitej vullnetarisht. Sapo efektivët kanë hyrë në oborrin e banesës së tij, Kryemadhi, ka nxjerrë armën e tij tip pistoletë, dhe i ka kërcënuar efektivët. “Do t’ju vras po erdhët më këtu”, mësohet të ketë thënë Ronald Kryemadhi, i tha Dosja.al, një burim tejet i afërt me ngjarjen.

    Në këtë moment, ai ka hedhur armën jashtë dhe ka hyrë brenda. Policët e Patrullës të alarmuar, kanë raportuar në radio për përforcime. RENEA, efektivë të FNSH-së por edhe vetë drejtori i Policisë së Tiranës, shkuan jashtë banesës së Kryemadhit. Aty është bërë rrethimi i banesës së tij, dhe negociimi. Përgjatë 40 minutave ku RENEA ka kërkuar që Ronald Kryemadhi të dorëzohej, ky i fundit, ka kërcënuar se do të vriste vajzat dhe policinë. Shkaku i konfliktit ka nisur në muajin qershor 2019, kohë kur, familja e tij e ka akuzuar Kryemadhin për dhunë në familje. Kryemadhi njihet si një besimtar radikal i fesë islame. Burime i thanë Dosja.al se ai i pengonte vajzat të shkonin në shkollë pasi sipas tij, “i shkollon Allahu”. 

  • 11:56

    Zbardhet ngjarja në Kamzë/ Autori kanosi me armë policinë, vetëdorëzohet pas negociatave. Jaupi: Nuk lejon fëmijët të shkojnë në shkollë

    Drejtori i Policisë së Tiranës, Rebani Jaupi ka zbardhur ngjarjen në Kamëz, ku është arrestuar Ronald Kryemadhi. Gjatë një deklarate për mediet Juapi u shpreh se Kryemadhi akzuohet për dhunë në familje dhe në momentin që policia ka shkuar për ta çuar në Gjykatën e Tiranës, ai ka kanosur me armë këta të fundit. Pas dita minutash negociatash, Kryemadhi është vetëdorëzuar në Polici. Jaupi ka shtuar më tej se i arrestuari nuk lejonte fëmijët e tij që të shkonin në shkollë.

    “Kemi shoqëruar në mënyrë të detyrueshme një person për ta çuar në gjykatën e Tiranës. Ky akuzohet për dhunë në familje dhe nuk lejon që fëmijët të shkojnë në shkollë, pasi është besimtar. Sapo ka ardhur në banesë ky shtetas ka kundërshtuar punonjësit e policisë dhe nëse nuk do të largoheshin do të qëllone. Negociuam me të dhe u bë e mundur negocimi me këtë shtetas nga një punonjës i RENEA-s. Po bëjmë kontrollin e banesës, se përveç kallashnikovit ka pasur edhe një pistoletë.”, u shpreh për mediet Jaupi.

  • 11:56

    Përplasja në Kamzë, Policia: Shkuam për ta shoqëruar për në Gjykatë, kanosi me pistoletë efektivët (EMRI)

    Pamje nga vendi i ngjarjes

    Policia ka reaguar për ngjarjen e ndodhur në Kamzë, ku një qytetar nuk u është bindur udhrit të policëve dhe i ka kanosur me pistoletë. Në një reagim për mediat Policia sqaron se efektivët kanë shkuar në banesën e Ronald Kryemadhi, për ta shoqëruar në Gjykatë, por ai u është përgjigjur me armë.

    Më pas janë thirrur përforcime, ku FNSH dhe RENEA kanë bërë rrethimin e banesës, dhe më pas kanë arritur për të bindur Kryemadhin për tu dorëzuar. Tashmë ai është shoqëruar në ambientet e Komisariatit të Policisë Nr. 5, për veprimeve të mëtejshme.

    NJOFTIM I PLOTË

    Shërbimet e Komisariatit të Policisë Nr. 5 kanë shkuar në banesën e shtetasit Ronald Kryemadhi, për ta shoqëruar në Gjykatë, në zbatim të kërkesës së saj, për shoqërim të detyrueshëm të tij. Në momentin që shërbimet e Policisë kanë hyrë në banesë ky shtetas ka nxjerrë një armë zjarri pistoletë dhe ka kanosur punonjësit e Policisë për vrasje në rast se do afroheshin dhe më pas është mbyllur në banesë.

    Menjëherë në ndihmë të Policisë lokale kanë shkuar forcat e DVP Tiranë, FNSH dhe RENEA dhe është bërë rrethimi i banesës, vendosja e perimetrit të sigurisë, evakuimi i banorëve dhe ndalimi i qarkullimit në perimetrin e sigurisë. Pas negociatave të bëra nga Forcat Speciale RENEA me autorin, për t’u dorëzuar, ku i fundit, pas gjysmë ore, është vetëdorëzuar, në pamundësi për t’u larguar nga banesa.

    Personi është shoqëruar në ambientet e Komisariatit të Policisë Nr. 5, për veprimeve të mëtejshme. Grupi hetimor vijon kontrollin në banesë, për gjetjen dhe sekuestrimin e armës së zjarrit.

Një Koment në “Kamëz/ Babai besimtar s’lë vajzat të shkojnë në shkollë, policia shkon ta çojë në gjykatë dhe ai nxjerr armën dhe qëllon në ajër, RENEA e bind të dorëzohet (EMRI+NGJARJA)

  1. Ska faj i shkreti prind. ku është katandisur ky vënd. Drogë e pasiguri, shoqëri e shthurur, drejtorë e mësuesë partiak e me diploma të rreme. Po të rendisësh të gjitha, s’gjenë një gjë normale.

Shto Koment