Politike

Takoi kreun e komunës së Mitrovicës, Basha: Të bashkohemi, përballe asaj që po ndodh me çlirimtarët e UÇK

Pas një takimi me Bahtirin, Basha shkruan se të gjithë duhet të jenë të bashkuara përballë asaj që po ndodh me luftëtarët e UÇK-së. 
Featured image of article: Takoi kreun e komunës së Mitrovicës, Basha: Të bashkohemi, përballe asaj që po ndodh me çlirimtarët e UÇK Agim Bahtiri dhe Lulzim Basha

TIRANË– Kryetari i Partisë Demokratike Lulzim Basha ka mbështetu apelin e kreut të komunës së Mitrovicës, Agim Bahtiri. Pas një takimi me Bahtirin, Basha shkruan se të gjithë duhet të jenë të bashkuara përballë asaj që po ndodh me luftëtarët e UÇK-së. 

“Kënaqësi dhe emocion i veçantë, takimi i sotëm me kryetarin e Komunës së Mitrovicës, Agim Bahtiri. Mbështes plotësisht apelin e tij për krerët e partive politike, qofshin në Shqipëri edhe në Kosovë, që të bashkohemi përballë asaj që po ndodh me çlirimtarët e UÇK. Gjatë takimit i shpreha mirënjohjen dhe zotit Halit Barami, që ka dhënë një kontribut të jashtëzakonshëm në dokumentimin e dhunimit sistematik të të drejtave të njeriut në Kosovë dhe në veçanti, në dokumentimin e spastrimit etnik dhe genocidit në zonën e Mitrovicës,”- shkruan Basha krah fotove që janë shkrepur gjatë takimit.

Për më shumë bëhu pjesë e grupit më viral në Facebook, Dosja.al

Bahtiri zbarkoi sot në zyrën e Bashës, të cilin e ka shpallur edhe qytetar nderi. Pas takimit në selinë e Partisë Demokratike, Bahtiri ndaloi që të mbante një fjalë të shkurtër për mediat, duke u shprehur se numri një i PD-së nuk kishte lidhje me akuzat me të cilat është përballur ditët e fundit për zhdukjen e kasetës së masakrës së Krushës. Ai shtoi se Basha ishte nip në Kosovë dhe se kontributi i tij pas luftës ishte i paharrueshëm, duke e bërë të meritonte edhe postin e qytetarit të nderit. 

(f.m/dosja.al)

Shto Koment