Aktualitet

Shpërthen tritoli tek dera e banesës në Kamëz, Policia: Kemi identifikuar autorin

Sipas informacioenve dyshohet se shkaku i këtij sulmi me eksploziv ka ardhur si pasojë e konflikteve të mundshme familjare që Gjergj Kola ka patur
Featured image of article: Shpërthen tritoli tek dera e banesës në Kamëz, Policia: Kemi identifikuar autorin Foto ilustruese
Përditësuar:

KAMËZ- Një shpërthim i fuqishëm ka ndodhur gjatë natës në një banesë në Kamëz. Sipas informacioneve mësohet se një sasi tritoli ka shpërthyer në derën e banesës së Gjergji Kolës.

Fatmirësisht asnjë prej familjarëve nuk ka qenë në shtëpi dhe nuk ka të lënduar. Sipas informacioenve dyshohet se shkaku i këtij sulmi me eksploziv ka ardhur si pasojë e konflikteve të mundshme familjare që Gjergj Kola ka patur. Ndërkohë policia e shtetit ka zbuluar autorin dhe po punon për kapjen e tij.

NJOFTIMI I PLOTË

Më datë 19.08.2019, rreth orës 22:14, në rrugën “Mujo Ulqinaku”, në Kamëz, në oborrin afër derës së banesës së shtetasit Gj. K, ka shpërthyer një sasi e vogël lënde e dyshuar plasëse, duke shkaktuar dëme të vogla materiale.

Në momentin e shpërthimit në banesë nuk ka patur njeri. Pas veprimeve të para hetimore Policia ka identifikuar autorin e dyshuar dhe po punon per kapjen e tij. Per arsye hetimore nuk bëhen me dije të dhënat e tij. Në bashkëpunim me Prokurorinë po vijon puna hetimore për sqarimin e rrethanave të ngjarjes.

(A.B. Dosja.al)

Shto Koment