Politike

Tjetër SHERR në Durrës! Kreu i PS-së në Manëz përplaset fizikisht me nënkryetarin e PD-së, Gazmend Luku përfundon në polici bashkë me vëllanë e nipat

Pas përplasjes fizike, policia ka shoqëruar në komisariat Lukun. Bashkë me këtë të fundit, uniformat blu kanë marrë edhe të vëllanë e nipat e nënëkryetarit të PD-së në Durrës.
Featured image of article: Tjetër SHERR në Durrës! Kreu i PS-së në Manëz përplaset fizikisht me nënkryetarin e PD-së, Gazmend Luku përfundon në polici bashkë me vëllanë e nipat Foto nga ngjarja

DURRËS– Kryetari i Partisë Socialiste në Manëz, Muharrem Sula është përplasur fizikisht me nënkryetarin e Partisë Demorkatike në Durrës, Gazmend Lukun. Mësohet se ngjarja ka ndodhur mbrëmjen e sotme.

Pas përplasjes fizike, policia ka shoqëruar në komisariat Lukun. Bashkë me këtë të fundit, uniformat blu kanë marrë edhe të vëllanë e nipat e nënëkryetarit të PD-së në Durrës. Në videon e publikuar nga Balkan Web, shihet policia e cila shkon në vendngjarje, ku dhe ka ndodhur konfrontimi mes palëve. 

Ende nuk dihen rrethanat e ngjarjes apo arsyet që kanë ccuar Lukun dhe Sulën drejt një përplasje fizike. Më herët në njërën prej KZAZ-ve në Durrës u regjistrua një tjetër sherr.

Ishte ish-kryebashkiaku Vangjush Dako që replikoi ashpër me kreun e PD-së së qytetit bregdetar Ferdinand Xhaferri Replikat mes tyre nxitën sherr fizik mes mbështetësve të të dyja palëve. Policia në njoftimin e saj për ngjarjen e ndodhur ka thënë se personat e konfliktuar janë shoqëruar në polici dhe për ta do të ndiqen procedurat ligjore. 

Për më shumë bëhu pjesë e grupit më viral në Facebook, Dosja.al

Njoftimi i policisë:

Manëz/Informacion paraprak

Më datë 27.04.2021, në orën 20:30, në Manëz, në rrugë, janë konfliktuar verbalisht shtetasit G. L., M. L., D. L., M. S., Sh. L., M. H., dhe M. H., të cilët janë shoqëruar në ambientet e Policisë për tu pyetur mbi rrethanat e konfliktit dhe për tu trajtuar në zbatim të procedurave ligjore.

(f.m/dosja.al)

Shto Koment