Aktualitet

Shkrumbohen gjatë natës dy makina në Vlorë, dyshohet zjarrvënie e qëllimshme, flet pronari i “Benz-it”: Nuk kam konflikte

Shkrumbohen gjatë natës dy makina në Vlorë. Skënder Demaj, pronari i mjetit tip "Benz"është shprehur se nuk ka konflikte me asnjë person. Dyshohet se zjarrvënia ka qenë e qëllimshme.

VLORË- Dy makina janë djegur në orët e para të mëngjesit të sotëm në Vlorë në rrugën “Veledin Kollozi”. Mësohet se mjeti tip ‘Benz’ me targë AA 250 JG është në pronësi të Skënder Demajt dhe ndërsa pronari i mjetit tjetër tip furgoni nuk dihet ende.

Dyshohet se zjarri i është vënë qëllimisht makinës tip “Benz” dhe më pas është përfshirë nga flakët edhe furgoni që ndodhej pranë.

Në lidhje me këtë ngjarje ka dhënë dëshminë e tij në polici edhe Skënder Demaj, i cili është shprehur se nuk ka konflikte me asnjë person.

“Nuk kam pasur konflikte kohët e fundit dhe as më parë. Nuk e di se kush mund të ma ketë bërë këtë gjë”, mësohet të ketë thënë ai.  Policia ka nisur hetimet për ngjarjen dhe po heton të shkuarën e pronarit të dy mjeteve.

Njoftimi:

Më datë 05.07.2018, rreth orës 03:30, në lagjen “Lef Sallata” Vlorë, dyshohet se në rrethana ende të paqarta është përfshirë nga flakët automjeti “Mercedes Benz” në pronësi të shtetasit S.D.

Si pasojë e flakëve është djegur aksidentalisht edhe një “Mercedes Benz” tjetër parkuar afër (pronë e një subjekti juridik) i cili është dëmtuar pjesërisht.

Grupi hetimorë po kryen hetimet e mëtejshme në lidhje me sqarimin e rrethanave.

J.V/Dosja.al

Shto Koment