Aktualitet

Shkon në 15 numri i viktimave, 3 persona ndërrojnë jetë brenda 24 orëve. 243 të infektuar me COVID-19 në Shqipëri

VIDEO
Aktualisht, nga 243 personat e infektuar, në shërbimin infektiv aktualisht janë 77 të shtruar, 8 prej tyre janë në terapi intensive, ndërsa 3 persona kanë ndërruar jetë gjatë 24 orëve të fundit. Pjesa tjetër e të shtruarve në pavion janë në gjendje të stabilizuar deri në këto momente.
Featured image of article: Shkon në 15 numri i viktimave, 3 persona ndërrojnë jetë brenda 24 orëve. 243 të infektuar me COVID-19 në Shqipëri Zv/Ministrja e Shëndetësisë dhe Mbrojtjes Sociale, Mira Rakacolli
Përditësuar:

TIRANË–Numri i personave të infektuar me Covid-19 në Shqipëri ka shkuar në 243, ndërsa 3 persona kanë ndërruar jetë brenda 24 orëve, duke e çuar në 15 numrin e viktimave. Zv/Ministrja e Shëndetësisë dhe Mbrojtjes Sociale, Mira Rakacolli bëri me dije se në 24 orët e fundit janë testuar 145 persona të dyshuar, prej të cilëve janë konfirmuar 20 raste të reja me COVID-19.  

Viktima e parë për këtë 24-orësh u shënua gjatë natës. Bëhet fjalë për një 62-vjeçar nga Durrësi, ndërsa pasditen e sotme ndërroi jetë një pacienti 77-vjeçar I. B., nga Kavaja, i cili pësoi infarkt miokardi. Sipas Ministrisë së3 Shëndetësisë, 77-vjeçari vuante nga disa sëmundje si: Diabet mellitus, insuficience renale kronike dhe insuficiencë kardiake. Përveç tij, ka ndërruar jetë edhe 69-vjeçari me iniciale R. P nga Hasi. Ai trajtohej prej 8 ditësh në spitalin Infektiv, ndërsa prej 3 ditësh gjendja e tij ishte rënduar dhe ishte në respiracion të drejtuar (i intubuar). 

Aktualisht, nga 243 personat e infektuar, në shërbimin infektiv aktualisht janë 77 të shtruar, 8 prej tyre janë në terapi intensive, ndërsa vetëm 1 prej tyre është intubuar. Pjesa tjetër e të shtruarve në pavion janë në gjendje të stabilizuar deri në këto momente.

Për më shumë bëhu pjesë e grupit më viral në Facebook, Dosja.al

Lajmi i mirë është që numri i pacientëve të shëruar ka shkuar në 52, pasi gjatë 24 orëve të fundit janë shëruar edhe 8 pacientë të tjerë. Harta e të prekurve nga COVID-është zgjeruar në 17 qytete, ku mbizotërojnë 129 raste në Tiranë, 26 në Durrës 23 në Fier dhe 15 në Korçë. Qytetet e tjera kanë nga 1-5 raste.

Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Respektoni masat e distancimit social sepse vetëm kështu mund ta përballojmë këtë sfidë! Ministria e Shëndetësisë apelon qytetarët të telefonojnë në numrin 127 të urgjencës kombëtare nëse dyshojnë se kanë shenja të COVID-19.

(f.m/dosja.al)

  • 22:36

    Mbylli sytë pasditen e sotme nga koronavirusi/ Si u infektua 77-vjeçari nga Kavaja, shkoi në tre spitale të ndryshme derisa rezultoi pozitiv me covid-19

    Foto ilustruse

    Një prej viktimave të koronavirusit është edhe një 77-vjeçar nga Kavaja mbylli sytë, i cili ndërroi jetë nga një infarkt miokardi. Mësohet se i moshuari 77-vjeçari nga Syneji i Kavajës vuante nga disa sëmundje të tjera kronike, të cilat ia ndërlikuan edhe gjendjen mjekësore. 77-vjeçari vuante nga disa sëmundje: Diabet mellitus, insuficience renale kronike dhe insuficiencë kardiake. Mësohet se i moshuari ishte nisur për tek Infektivi në Tiranë më 16 mars, pasi sapo ishte kthyer nga Italia. Burime për Dosja.al bëjnë me dije se ai ka kryer një vizitë në spitalin e qytetit të Kavajës dhe më pas është dërguar në Durrës. Sapo atij i është bërë testi, i moshuari është nisur me urgjencë në Tiranë. Ndërkohë familjarët u karantinuan menjëherë dhe u testuan me tampon por rezultuan të gjithë negativë.

  • 22:36

    Mbylli sytë pasditen e sotme nga koronavirusi/ Si u infektua 77-vjeçari nga Kavaja, shkoi në tre spitale të ndryshme derisa rezultoi pozitiv me covid-19

    Foto Ilustruese

    TIRANË- Një prej viktimave të tërmetit është edhe një 77-vjeçar nga Kavaja mbylli sytë, i cili ndërroi jetë nga një infarkt miokardi. Mësohet se i moshuari 77-vjeçari nga Syneji i Kavajës vuante nga disa sëmundje të tjera kronike, të cilat ia ndërlikuan edhe gjendjen mjekësore. 77-vjeçari vuante nga disa sëmundje: Diabet mellitus, insuficience renale kronike dhe insuficiencë kardiake. Mësohet se i moshuari ishte nisur për tek Infektivi në Tiranë më 16 mars, pasi sapo ishte kthyer nga Italia. Burime për Dosja.al bëjnë me dije se ai ka kryer një vizitë në spitalin e qytetit të Kavajës dhe më pas është dërguar në Durrës. Sapo atij i është bërë testi, i moshuari është nisur me urgjencë në Tiranë. Ndërkohë familjarët u karantinuan menjëherë dhe u testuan me tampon por rezultuan të gjithë negativë.

    (k.m/a.k/dosja.al)

  • 20:51

    Tjetër LAJM I MIRË nga Infektivi, shërohen 5 pacientë me koronavirus, 2 ishin në gjendje të rëndë

    Pacientët e shëruar

    Ministrja e Shëndetësisë, Ogerta Manastirliu ka dhënë lajmin e mirë se edhe 5 pacientë të tjerë, nga Tirana, Fier dhe Kavaja janë shëruar nga koronavirusit. Sipas saj, të gjithë kanë qënë për më shumë se 2 javë në spitalin Infektiv, madje 2 prej tyre kanë qënë në gjendje të rëndë, megjithatë ia kanë dalë që të shpëtojnë.

    Pesë pacientë nga Tirana, Fieri dhe Kavaja kanë lënë sot spitalin infektiv të shëruar nga covid-19. Mjekët thonë se dy prej tyre kanë qenë në gjendje të rënduar, por pas më shumë se 12 ditë trajtimi intensiv me medikamentet që sot përdoren për trajtimin e COVID-19 edhe në vendet e tjera të Botës, ja kanë dalë ta mundin sëmundjen dhe sot u kthyen në shtëpi. Deri tani 52 të shëruar,”-shkruan ministrja.

  • 18:23

    Ministria e Shëndetësisë: Edhe dy pacientë me COVID-19 kanë ndërruar jetë

    Foto ilustruese

    Numri i viktimave të COVID-19 ka shkuar në 15. Në një njoftim për mediat Ministria e Shëndetësisë, bën me dije se sot pasidte kanë dërruar jetë dhe dy pacientë të tjerë që ishin të intubuar në ditët e fundit. Sipas njoftimit bëhet me dije se të dy pacientët kishin sëmundje të tjera shoqëruese si: diabet mellitus, insuficience renale kronike dhe insuficiencë kardiake dhe një prej tyre ka pësuar infakt miokardi.

    NJOFTIMI I PLOTË

    15 viktima të prekur nga COVID-19 në Shqipëri. Dy pacientë kanë ndërruar jetë në spitalin infektiv, të konfirmuar me COVID-19. Pacienti 77-vjeçar I. B., nga Kavaja, i konfirmuar me COVID-19 po trajtohej prej 2 javësh në spitalin infektiv, teksa ndërroi jetë në mënyrë të papritur nga një infarkt miokardi. 77-vjeçari vuante nga disa sëmundje: Diabet mellitus, insuficience renale kronike dhe insuficiencë kardiake. Ka ndërruar jetë gjatë ditës së sotme edhe pacienti R. P 69-vjeç nga Hasi, i konfirmuar me COVID-19, i cili është trajtuar prej 8 ditësh në spitalin Infektiv ndërsa prej 3 ditësh gjendja e tij ishte rënduar dhe ishte në respiracion të drejtuar (i intubuar). Pacienti R. P ka qenë në gjendje të rëndë shëndesore gjatë gjithë kohës dhe pavarësisht përpjekjeve të mjekëve, nuk arriti të mbijetojnë. Shkon në 15 numri i qytetarëve që kanë humbur jetën me COVID-19 në Shqipëri. Ministria e Shëndetësisë dhe Mbrojtjes Sociale u shpreh ngushëllimet familjeve të të ndjerëve dhe apelon qytetarët t’i respektojnë me shumë rigorozitet masat e distancimit social dhe izolimit, pasi janë përcaktuese për frenimin e përhapjes së COVID-19.

  • 12:27

    DETAJE/ 3 krye-infermierë të spitalit Infektiv në Tiranë të infektuar me COVID-19

    Foto nga Infektivi

    Mes të infektuarve me COVID-19 në vendin tonë janë edhe 3 kryeinfermierë të spitalit Infektiv në Tiranë. Burimet për Dosja.al bëjnë me dije se infermierët janë të shtruar tek spitali Infektiv. Nuk dihet ende gjendja shëndetësore e tyre.

    Mëngjesin e sotëm u mësua se i infektuar është edhe Andi Koraqi, shefi i Laboratorit të Mikrobiologjisë në QSUT. Pak ditë më parë, u njoftua se i prekur nga COVID-19 është edhe kreu i Urgjencës Kombëtare, Skënder Brataj. Po kështu, është prekur nga COVID-19 edhe drejtoresha e Përgjithshme e Shërbimeve të Kujdesit Shëndetësor, Mirela Cami.

  • 11:02

    I bëri xhaxhait të infektuar frymëmarrje ariticiale, nipi del me Covid-19, e afërmja: Askush s’na bëri tampon, janë katër të sëmurë

    Një nga 20 rastet e reja që ajnë shënuar brenda 24 orëve në Shqipëri si të infektuar me koronavirus është edhe nipi i një familjeje në Shkodër. Personi në fjalë mësohet se e ka marrë koronavirusin nga xhaxhai i tij i infektuar, pasi këtij të fundit i ka bërë frymëmarrje artificiale. Gjithsej në këtë familje janë katër të infektuar: gjyshja, xhaxhai, nusja e xhaxhait dhe djali i sotëm. E afërmja e kësaj familjeje ka rrëfyer për Abcnews se askush nuk u ka bërë tamponin edhe pse në atë familje ka pasur të infektuar. Ndërsa kur xhaxhai ishte ndjerë keq, nipi i kishte bërë frymëmarrje artificiale atij. Në rrethin e Shkodrës janë gjthsej 8 persona të infektuar.

  • 10:46

    Bashkëshortja e rastit të parë dhe infermiere, dalin detaje për të infektuarën në Mirditë

    Spitali i Rrëshenit

    Dosja.al kanë zbardhur detaje mbi rastin e ri të infektuar me Covid-19, në Mirditë. Mësohet se personi në fjalë është infermiere dhe bashkëshortja e rastit të parë që u infektua me koronavirus. Pacienti i parë i infektuar me koronavirus është tashmë i shëruar dhe ndodhet në shtëpinë e tij. Ai iu nënshtrua edhe dy testeve për Covid-19, që rezultuan negativë.

  • 10:29

    Viktima e 13 me koronavirus është nga Durrësi, 62-vjeçari kishte edhe probleme të tjera shëndetësore

    Foto ilustruese

    Numri i personave që kanë humbur jetën për shkak të Covisd019 ka shkuar në 13. Në një deklaratë për mediat, zv/ministrja mira Rakacolli bëri me dije se mëngjesin e sotëm ka ndërruar jetë një tjetër pacient me koronavirus.

    Bëhet fjalë për një 62-vjeçar nga qyteti i Durrësit, i cili vuante edhe nga sëmundje të tjera bashkëshoqëruese me Covid-19. Ndërkohë mbrëmjen e kaluar ka ndërruar jetë në spitalin Infektiv një paciente 82-vjeçare nga Tirana.

Shto Koment