Aktualitet

Shënohet viktima e 32-të nga COVID-19, Ministria: Vuante dhe nga sëmundje të tjera

Në një njoftim për mediat ministria bën me dije se vitkima vuante dhe nga limfoma e trurit dhe prej 3 javësh ndodhej e shtruar në spitalin Infektiv. 
Featured image of article: Shënohet viktima e 32-të nga COVID-19, Ministria: Vuante dhe nga sëmundje të tjera

TIRANË- Ministria e Shëndetisë ka njoftuar sot në mbrëmje se është shënuar viktima e 32-të nga COVID-19. Pas më shumë se 3 javësh që nuk është regjistuar asnjë viktimë, sot një 64-vjeçare ka humbur betejën e saj me koronavirusin. 

Në një njoftim për mediat ministria bën me dije se vitkima vuante dhe nga limfoma e trurit dhe prej 3 javësh ndodhej e shtruar në spitalin Infektiv. 

“Mbrëmjen e sotme ka ndërruar jetë në spitalin Infektiv një paciente 64-vjeçare nga Tirana, e konfirmuar me COVID-19, e cila ishte e shtruar prej 3 javësh në spital, në gjendje të rëndë. 64-vjeçarja që vuante prej 4 muajsh nga limfoma e trurit, nuk arriti dot të mbijetonte, pavarësisht mjekimit intensiv dhe përpjekjeve të stafit mjekësor.

Për më shumë bëhu pjesë e grupit më viral në Facebook, Dosja.al

64-vjeçarja është viktima e 32 e prekur nga COVID-19 në Shqipëri. Ministria e Shëndetësisë i shpreh ngushëllimet familjes së të ndjerës dhe apelon edhe një herë qytetarët të respektojnë rregullat e distancimit social, për të mbrojtur veten dhe të tjerët”, bën me dije ministria.

Më herët ministria e Shëndetësisë ka bërë me dije ditën e sotme se gjatë 24 orëve të fundit, pas testimit të 200 qytetarëve, kanë rezultuar pozitivë vetëm 8 prej tyre. Rovena Daja nga Instituti i Shëndetit Publik njoftoi se numri total i të infektuarve ka shkuar në 989. Harta është zgjeruar me 5 raste në Tiranë, 2 në Durrës dhe 1 në Krujë, kontakte të rasteve të mëparshme pozitive.

(A.B. Dosja.al)

Shto Koment