Politike

SHBA për ndryshimet kushtetuese: Për të ardhur keq, kuptojmë zhgënjimin e opozitës. Do të shohim nëse drejtuesit do ta mbajnë fjalën e tyre, vijoni dialogun

Më tej shtohet se mirëkuptojnë e kuptojnë zhgënjimin e Opozitës së Bashkuar, ndërsa mirëpresin vendosmërinë e tyre për të mbetur të angazhuar në institucione dhe procese demokratike, përfshirë Këshillin Politik, në mënyrë që të dëgjohen zërat e të gjithë shqiptarëve.
Featured image of article: SHBA për ndryshimet kushtetuese: Për të ardhur keq, kuptojmë zhgënjimin e opozitës. Do të shohim nëse drejtuesit do ta mbajnë fjalën e tyre, vijoni dialogun Yuri Kim, ambasadore e SHBA në Shqipëri

TIRANË- Ambasada e SHBA në Tiranë ka reaguar pas votimit të ndryshimeve kushtetuese në Kuvend. Në një deklaratë për mediat, SHBA shprehet se është për të ardhur keq që nuk u miratuan me frymën e konsensusit të marrëveshjes së 5 qershorit. 

Më tej shtohet se mirëkuptojnë e kuptojnë zhgënjimin e Opozitës së Bashkuar, ndërsa mirëpresin vendosmërinë e tyre për të mbetur të angazhuar në institucione dhe procese demokratike, përfshirë Këshillin Politik, në mënyrë që të dëgjohen zërat e të gjithë shqiptarëve.

Ne do të shohim nëse drejtuesit do ta mbajnë fjalën e tyre“, shkruhet në deklaratë, duke shtuar se ashtu siç vepruan në arritjen e marrëveshjes së 5 qershorit, udhëheqësit shqiptarë duhet të tregojnë gatishmërinë dhe aftësinë e tyre për të negociuar marrëveshje që vënë në radhë të parë interesat më të mira të popullit shqiptar.

DEKLARATA E PLOTË

Për më shumë bëhu pjesë e grupit më viral në Facebook, Dosja.al

Më 23 korrik, Parlamenti miratoi legjislacionin për të kodifikuar marrëveshjen e 5 qershorit për reformën zgjedhore, e cila u arrit në një mënyrë transparente dhe gjithëpërfshirëse përmes Këshillit Politik. Sot, Parlamenti miratoi ndryshime në Kushtetutë që do të mundësojnë masa shtesë për reformën zgjedhore. Ndërsa ky veprim ishte në kompetencën e Parlamentit, është për të ardhur keq që nuk u mor në të njëjtin frymë me të cilën u arrit marrëveshja e 5 qershorit.

Ne i kujtojmë shumicës deklaratat e saj se, megjithë miratimin e sotëm në Parlament, ata synojnë të angazhohen me të gjithë partitë në Këshillin Politik, në mirëbesim dhe me qëllimin për të arritur në marrëveshje për zbatimin e legjislacionit mbi listat e hapura dhe koalicionet. Ne e kuptojmë zhgënjimin e Opozitës së Bashkuar, ndërsa mirëpresim vendosmërinë e tyre për të mbetur të angazhuar në institucione dhe procese demokratike, përfshirë Këshillin Politik, në mënyrë që të dëgjohen zërat e të gjithë shqiptarëve. Përsërisim, se ne do të shohim nëse drejtuesit do ta mbajnë fjalën e tyre. Ashtu siç vepruan në arritjen e marrëveshjes së 5 qershorit, udhëheqësit shqiptarë duhet të tregojnë gatishmërinë dhe aftësinë e tyre për të negociuar marrëveshje që vënë në radhë të parë interesat më të mira të popullit shqiptar.

Deklarata e SHBA vjen pas vendimit të Kuvendit, që miratoi me 106 vota pro ndryshimet kushtetuese të propozuara nga Partia Socialiste dhe opozita parlamentare. Listat e deputetëve në zgjedhjet e vitit 2021 do të jenë të hapura ndërsa koalicionet parazgjedhore nuk do të jenë si në zgjedhjet e shkuara. Opozita tha se kjo është një maskaradë e kryeministrit për të vënë interesat personale mbi ato të shqiptarëve. Ndërsa ndërkomëbatrët shprehën zhgënjimin e tyre shprehën keqardhje, duke thënë se do të donin, që ndryshimet kushtetuese të kishin dakordësinë e të gjitha palëve.

(A.B. Dosja.al)

Shto Koment