Aktualitet

Sanitarja zhvati familjen e pacientes së vdekur, reagon spitali Shefqet Ndroqi: Jemi të lënduar dhe të befasuar, distancohemi nga ngjarja

Spitali në një deklaratë të bërë për mediat shprehen se janë të lënduar dhe të befasuar nga ky veprim koprruptiv, çnjerëzor që ka kryer sanitarja e institucionit.
Featured image of article: Sanitarja zhvati familjen e pacientes së vdekur, reagon spitali Shefqet Ndroqi: Jemi të lënduar dhe të befasuar, distancohemi nga ngjarja Foto ilustruese

TIRANË– Spitali ‘Shefqet Ndroqi’ ka reaguar pas skandalit që u bë publik mbrëmjen e djeshme se sanitarja e spitalit, hiqej si infermiere përballë vajzës së pacientes së shtruar me Covid duke i zhvatur para për ‘përkujdesjen’ e saj.

Spitali në një deklaratë të bërë për mediat shprehen se janë të lënduar dhe të befasuar nga ky veprim koprruptiv, çnjerëzor që ka kryer sanitarja e institucionit.

Për më shumë bëhu pjesë e grupit më viral në Facebook, Dosja.al

Gjithë personeli shëndetësor i spitalit “Shefqet Ndroqi” ndjehet tejet i lënduar, befasuar nga veprimi korruptiv, ç’njerëzor i sanitares me inicialet T.A dhe dënon me forcë këtë akt të paligjshëm, korruptiv i bërë publik në emisionin investigativ ‘STOP’. Ky akt i shëmtuar dhe i papërgjegjshëm nuk mundet kurrsesi të njollosë punën vetëmohuese dhe të jashtëzakonshme të personelit shëndetësor të spitalit “Shefqet Ndroqi”. Personeli shëndetësor i spitalit duke u distancuar nga ky veprim do të vazhdojë të ofroj me përkushtim shërbimin shëndetësor në kohë dhe me cilësi. Mbas shkarkimit nga puna e sanitares i kërkojmë autoriteteve kompetente të kryejnë hetimin deri në fund të këtij rasti. Personeli i shërbimit shëndetësor ‘Shefqet Ndroqi’”, thuhet në reagimin e spitalit “Shefqet Ndroqi”.

(A.B)/Dosja.al

Shto Koment