Edi Rama, Kryeministër i Shqipërisë
TIRANË- Kryeministri Edi Rama ka prezantuar sot planin ekonomik A, për përballimin e situatës së COVID-19. Në një deklaratë për mediat, Rama tha se në këtë luftë jemi vetëm dhe qeveria ka menduar 4 plane, A, B, C dhe planin e fundit D, që do të vihet në fuqi nëse koronavirusi nuk largohet nga Shqipëria brenda 6 muajve. Por kreu i qeverisë tha se nuk dëshiron që ky plan të futet në fuqi, pasi vetëm Zoti mund ta ndihmojë vendin.
Në planin A, Rama tha se do preken ata që kanë më shumë ose marrin më shumë, ku tha se të gjithë deputetëve e ministrave e vetë atij do i mbahet gjysma e rrogës, por tha se e njëjta gjë nuk do të ndodhte me presidenti, të cilin e falenderoi për ndihmën në këtë situatë dhe se nuk donte të shkaktonte ndasi politike.
Më tej, në këtë plan përfshihen dhe ndihmë për sistemin e shëndetësisë, ku do jepen 2.5 miliardë Lekë, po ashtu 10 miliardë do shkojnë për komopanitë që nuk paguajnë dot punëtorët e tyre. Nga ku plan përfitojnë dhe shtresat në nevojë dhe biznesi i vogël. Po ashtu dhe ata që janë debitor në OSHEE do u fshihen të gjitha kamatë-vonesat.
PLANI I MASAVE TË QEVERISË
1) 2.5 miliardë lekë, ose 25 milionë dollarë për luftën në vijën e zjarrit, që vihen në dispozicion të Ministrisë së Shëndetësisë, për pajisje e materiale mjekësore apo mbështetje të stafeve mjekësore.
2) 10 miliardë lekë, ose 100 milionë dollarë, përmes instrumentit të një garancie sovrane për kompanitë që kanë vështirësi objektive për të paguar pagat e punonjësve.
3) 6.5 miliardë lekë, ose 65 milionë dollarë për nevojat më imediate:
o Për shtresat më në nevojë;
o Për biznesin e vogël;
o Për papunësinë e mundshme për shkak të luftës
4) 2 miliardë lekë, ose 20 milionë dollarë, që vihet në dispozicion të Ministrisë së Mbrojtjes, për Operacionin Humanitar.
5) 1 miliardë lek, ose 10 milionë dollarë, si fond rezervë për Këshillin e Ministrave, për cdo urgjencë të paparashikueshme.
Gjithashtu:
• Do të fshijmë përgjithmonë kamatvonesat për debitorët aktivë që kanë konsum energjie sot, familjarë apo biznes i vogël, me efekt financiar deri në 15 miliardë lekë, ose 150 milionë dollarë. Nga kjo masë do të përfitojnë 211 mijë e 24 abonentë.
• Do të riskedulojmë në 6 mujorin e dytë të vitit 2020 dhe në vazhdim, tatim fitimin për të gjithë biznesin deri në fashën nga 2 deri në 14 milionë lekë, ose nga 20 deri në 140 mijë dollarë xhiro.
• Shtyrja e dorëzimit të bilanceve për një periudhë deri në 1 qershor të këtij viti për bizneset që dorëzojnë bilancet në QKB online ose drejtë për drejtë.
Kryeministri u ka kërkuar të gjithëve që të jenë mirëkuptues dhe të bëjnë luftën e tyre me armikun e padukshëm, pasi në përdor trupin tonë si bazë ushtarake dhe na merr më të dashurit. Rama tha se të gjithë shqiptarët sot janë pjesë e familjes së tij dhe Shqipëria është një shtëpi e madhe më shumë dhoma. As në këtë fjalim nuk munguan as akuzat për opozitën, ku për Ramën po PD po bënë luftë politike dhe tregojnë ëndrra me gjellë pasanikësh.
Ndërkohë deri më tani bilanci i të prekurve me COVID-19 në Shqipëri. Brenda 24 orëve të fundit janë shënuar 5 raste të reja, duke shkuar në 64 nurmi i të infektuarve. Sot, konfirmohen tri italianë të prekur nga COVID-19, që janë shtetasit e parë të huaj që rezultojnë pozitivë. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Vatra e të infektuarve është zgjeruar në Tiranë, Rrogozhinë, Elbasan, Durrës, Lushnje, Fier dhe Kavajë. Jeta në vend është paralizuar thuajse totalisht, nuk ka transport publik, është ndaluar lëvizja me makinë apo me këmbë, si dhe shumë vende punë janë mbyllur. Në shërbim të shtetit do të jenë edhe spitalet private gjatë periudhës së emergjencës dhe kush nuk bindet do ketë gjobë deri në 5 milionë Lekë. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.
(A.B. Dosja.al)
-
19:31
Rama nuk rri dot pa e shprehur dashurinë: Motra e vëllezër, Zoti shqiptar është i madh. Ju dua shumë!
Kryeministri Edi Rama prezantoi sot planin ekonomik për të përballuar situatën e koronavirusit.
Gjatë gjithë kohës, Rama iu referua shqiptarëve si vëllezërit dhe motrat e tij, duke mos u drojtur për ta shprehur dashurinë.
“Motra dhe vëllezër nuk do të na e falë historia po të dalim kokoëulur nga kjo betejë pa armë. Zoti shqiptar është i madh. Ju dua shumë që të gjithëve,“-tha Rama.
-
19:28
Rama: 2.5 mld lekë për shëndetësinë. 10 mld lekë për kompanitë për pagat. 65 mln dollarë për kategoritë në nevojë. Falim kamatatvonesat për dritat, riskedulohet tatim fitimi për biznesin
Kryeministri Edi Rama ka prezantuar sot planin për përballimin e situatës së COVID-19. Rama tha se ky është plani A, ku do të ketë shtim fondesh për shëndetësinë, 10 miliiardë për kompanitë që nuk paguajnë dot pagat e punonjësve, po ashtu përfshihen dhe falja e kamatvonesave për debitorët e OSHEE-së.
PJESË NGA DEKLARATA
Plani ynë, për adresimin e nevojave për financim të atyre që janë prekur drejtpërdrejtë në ekonominë e tyre të përmuajshme, ka këto 7 pika:
1) 2.5 miliardë lekë, ose 25 milionë dollarë për luftën në vijën e zjarrit, që vihen në dispozicion të Ministrisë së Shëndetësisë, për pajisje e materiale mjekësore apo mbështetje të stafeve mjekësore.
2) 10 miliardë lekë, ose 100 milionë dollarë, përmes instrumentit të një garancie sovrane për kompanitë që kanë vështirësi objektive për të paguar pagat e punonjësve.
3) 6.5 miliardë lekë, ose 65 milionë dollarë për nevojat më imediate:
o Për shtresat më në nevojë;
o Për biznesin e vogël;
o Për papunësinë e mundshme për shkak të luftës
4) 2 miliardë lekë, ose 20 milionë dollarë, që vihet në dispozicion të Ministrisë së Mbrojtjes, për Operacionin Humanitar.
5) 1 miliardë lek, ose 10 milionë dollarë, si fond rezervë për Këshillin e Ministrave, për cdo urgjencë të paparashikueshme.
Gjithashtu:
• Do të fshijmë përgjithmonë kamatvonesat për debitorët aktivë që kanë konsum energjie sot, familjarë apo biznes i vogël, me efekt financiar deri në 15 miliardë lekë, ose 150 milionë dollarë. Nga kjo masë do të përfitojnë 211 mijë e 24 abonentë.
• Do të riskedulojmë në 6 mujorin e dytë të vitit 2020 dhe në vazhdim, tatim fitimin për të gjithë biznesin deri në fashën nga 2 deri në 14 milionë lekë, ose nga 20 deri në 140 mijë dollarë xhiro.
• Shtyrja e dorëzimit të bilanceve për një periudhë deri në 1 qershor të këtij viti për bizneset që dorëzojnë bilancet në QKB online ose drejtë për drejtë.
Nesër, datë 20.03.2020, ky plan do të hyjë në fuqi si Akti Normativ i ndryshimeve në Buxhetin 2020.
Të dashurit e mi, ndjesë, ju kam lodhur këto ditë e do ju lodh ende më shumë, por unë nuk jam kryeministri për ditët me diell, por jam i pari mës të barabartëve. Të gjithë jemi të kërcënuar njësoj. E gjithë Shqipëria është njësoj e kërcënuar. Por nëse në shumë shtëpi ka zahirje për dimër, në shtëpinë tonë ka vetëm bollk të zemrës sonë bujare. Sot ështëkoha për të kyrsyer çka mundemi.
-
19:24
Rama: Deputetët dhe ministrat do marrin gjysmën e rrogës, Metës nuk ia prekim, po na ndihmon
Kryeminisri Edi Rama në një konferencë për qytetarët prezantoi planin ekonomik për përballimin e situatës së koronavirusit. Kreu i qeverisë u shpreh se plani ishte menduar në detaje për një afat të pacaktuar, pasi nuk dihet sesa do të zgjasë dhe pandemia e covid-19. Rama u shpreh se plani i hartuar ishte për mbijetesë dhe se kishte përgjysmuar pagat e deputetëve të Kuvendit dhe të anëtarve të Këshillit të Ministrave. Teksa nuk i kurseu kunjat sërish ndaj kryedemokratit Lulzim Basha, numri një i maxhorancës, vlerësoi ndihmën e marrë nga presidenti Ilir Meta.
“Jo! Me të dalë ku të dalë, nuk dalim dot nga shtëpia dhe të biem në një gropë. Plani që do zbatojmë, nuk është ecje qorrazi. Plani ynë është një plan për më të dobëtit dhe ata që nuk rezistojnë gjatë. Ato përrallat me amerikën dhe gjermaninë, nuk janë ato që tregohen. Amerika dhe Gjermania i kanë ekonomikë me dhjamë dhe bëjnë si bëjnë. Shqipëria me dhjamë ka vetëm trutë e atyre që duan të qeverisin dhe që nuk dinë as tabelën e shumëzimit. Me mund do financojmë mbijetesën në luftë. Atyre që nuk shkojnë dot në punë, atyre që pa biznesin e vogël nuk mbijetojmë sot. Nëse lufta do të zgjasë, ata me halle reale nuk do t’i lënë vetëm. Të dytët nuk duhet të ankohen por të bëjnë luftën e tyre. Unë në fakt doja që në planin A të hiqnim diçka nga vetja. Por më bindën se ku mund të ishte si mesazh i gabuar. Nuk do prekim asnjë pagë tjetër përveç deputetëve dhe anëtarëve të këshillit të ministrave. Nuk e prekim as pagën e presidentit, i cili po bën sa mund për të ndihmuar,”-tha kryeministri në fjalën e tij.
-
19:20
Rama: Kemi plan A, B, C… nëse vazhdon mbi 6 muaj, Zoti na ndihmoftë për planin D, s’dimë ç’do ndodhë pastaj
Kryeministri Edi Rama ka thënë sot se qeveria ka gati disa plane për përballimin e situatës së COVID-19. Kreu i qeverisë tha se nëse virusi nuk largohet për 6 muaj, atëherë shteti nuk do të kishte më asnjë plan dhe Shqipëria do të mbetej në dorë të Zotit.
“Jemi vetëm në këtë luftë, askush që nuk flet shqip, qan shqip dhe mendon shqip nuk na ndihmon. Nuk kemi ku e shtrim dorën. Shumë pyesin veten se çfarë do bëhen me pagat tona këtë muaj, të tjerër thonë për ndihmën ekonomike dhe të tjerë që janë në çadër, por ka dhë të tjerë dhe të moshuar e të vetmuar. Unë do u dëgjoj të gjithëve, e do lundroj në komentet tuaja deri në 3 a 4 të mëngjesit dhe pas dy a tre orëve gjumë them se kur do mbaroj kjo luftë. Plani ynë i financimit të luftës nuk do jetë i vemtë, do ketë një plan A, një plan B dhe një C. Por nëse ky virus nuk ikën dhe për 6 muaj kemi dhe një plan D, por nëse ata që i dinë të gjitha nuk kanë gjetur ilaçin Zoti na ndimftë se nuk e dimë se çfarë do ndodhë“, u shpreh Rama.
-
19:15
Rama: S’mund të kemi një plan për t’i kënaqur të gjithë, të ardhurat në buxhetin e shtetit do të bien, në këtë luftë jemi vetëm!
Kryeministri Edi Rama në një konferencë live për qytetarët, paralajmëroi se të gjithë të ardhurat e shtetit do të binin në pikiadë. Kështu që kreu i qeverisë sqaroi që plani ekonomik për përballimin e koronavirusit do të ketë të ardhura të mjaftueshme por jo të kënaqshme pasi nuk dihet ende sa do të zgjasë. Rama gjithashtu theksoi me forcë se në këtë luftë Shqipëria është e vetme dhe se duhet të rezistojë.
“Në këtë luftë të hatashme, të ardhurat e shtetit do të bien në një pikadë të hatashme. Më dëgjoni me vëmendje. Plani ynë për të shpenzuar teksa punojmë shumë më pak se dje, do të kemi më pak të ardhura, nuk mund të jetë një plan për t’i kënaqur të gjithë sot. Veshët tuaj bakërdisën me plaftoma opozitare që e kthejnë detin në kos. Të ardhurat në buxhet do të bien shumë, po muaj tjetër? Po sikur mos të mjaftojmë nëse kjo luftë nuk mbaron? Ky pushtim pa armë n aka detyryar të jetojmë si në rrethim. Edhe demokracitë më të mëdha të planetit janë future në kështjellat e tyre. Në këtë luftë për rezistencë jemi VETËM,”– tha Rama.
-
19:13
Rama u drejtohet qytetarëve: Ju dua si të ishit familja ime, vëllezër dhe motra më mirëkuptoni
Kryeministri Edi Rama në një mësazh i është drejtuar sot qytetarëve ku u ka kërkuar mirëkuptim për situatën e krijuar. Rama ka thënë se i do të gjithë qytetarët si familjarët e tij, pasi Shqipëria sot është një familje e madhe me shumë dhoma.
“Ju dua shumë si njerëzit e shtëpisë sime, po mos më kërkoni që t’u mbaj iluzioni dhe t’u them se do dalim shpejt nga kjo situatë. Ndajeni mendjen kjo luftë nuk erdhi që të qëndroni në shtëpi dhe të hani e pini si në pushime, por kjo është një luftë. E di që nuk doni të dëgjoni këto që po ju them. E di që ju doni të dilni dhe jeni mërzitur nga të ndenjurit mbyllur brenda se dielli ua bën me sy. Territori i kësaj lufte nuk është toka, por trupi i njeriut.
Armiku na përdor ne si bazë ushtarake dhe na sulmon ne e na marr të afërmit e më të dashurit tanë. Kjo luftë është e parë në historinë e njerëzimit dhe i bën të gjithë bashkë. Kjo do të thotë motra dhe vëllezër që sa do që të kërkoni nga unë, në këtë shtëpinë tonë të përbashkët në lagjen më të varfër në Evropë, por të gjithë duhet të ndërgjegjësohen dhe qeveria do bëjë sa të mundet“, u shpreh Rama.
-
19:06
Kryeministri Edi Rama mban fjalim para shqiptarëve: Ndajeni mendjen! Ose luftojmë bashkë, ose biem në humnerë e s’do ketë kush të na qajë
Kryeministri Edi Rama ka prezantuar planin financiar për përballimin e pasojave të covid – 19, në një kohë kur vendi është tërësisht i izoluar. Në një lidhje live nga Facebook-u i tij, Rama fillimisht ka mbajtur një fjalim para shqiptarëve duke i kërkuar bashkëpunim për të kaluar përiudhën e vështirë që po kalon e gjithë bota dhe jo vetëm Shqipëria.
“Fjalët e sheqerosura për rreziqet që na kanosen sor janë një tradhëti që nuk duhet të prisni nga unë. Shikoni çfarë po ndodh në vende shumë më të zhvilluara se ne. Shtete me fuqi u kapën të pa përgatitur nga agresioni i një virusi të panjohur. U gjetën pa shtretër, pa maska deri tek numra të pamjaftueshëm mjekësh. Për çudinë më të madhe të kësaj bote, si Shqipëria si Amerika gjendjen si një anije në det të hapur. Ata që kemi më afër duhet t’i mbajmë sa më larg. Kjo është e para luftë që kazerma është shtëpi. Kjo është një luftë ku si ushtria amerikane dhe ajo shqiptare kanë një forcë goditëse:0. Motra dhe vëllezër ndajeni mendjen se jemi vetëm. O luftojmë bashkë, ose biem në një humbnerë dhe s’do ketë kush të na varrosë e jo më të na qajë.”, tha Rama.
