Aktualitet

Publikohen pamjet/ Si u grabit kisha në Durrës, pasi mbush xhepat me para, hajduti lëviz me telefon në dorë (VD)

Janë publikuar pamjet e Kishës e cila u grabit në Durrës një ditë më parë. Hajduti vjedh me shpejtësi të madhe paratë, dhe më pas del nga kisha me telefon në dorë.

Durrës- Dje në Durrës u grabit Kisha ortodokse e Shën Dominikut në Durrës ku u grabitën një shumë parash. Pas kësaj grabitje nga vetë Kisha janë publikuar pamjet e grabitësit i cili që vodhi arkën me para të kishës. Ajo që vihet re në videot e mëposhtme është se grabitësi pasi mbush xhepat me para del nga kisha me telefon në dorë por largohet me shpejtësi të madhe.

Në lidhje me këtë grabitje Kisha është shprehur se kërkon ndihmën e qytetarëve që në bashkëpunim me policinë, të identifikohet autori dhe të vihet përpara drejtësisë.

““Të vjedhësh është mëkat…akoma më shumë kur vjedh në Kishë!” Të dielën, Festa e Rrëshajeve, një person ka vjedhur para në Kishën tonë. Janë lekë të popullit që përdoren për t’iu ardhur në ndihmë nevojtarëve dhe për punimet në Kishë. Le të bashkëpunojme me Policinë e shtetit duke identifikuar këtë person. Njëkohësisht lutemi për të dhe për bashkësinë tonë famullitare që të këtë gjithnjë e më shumë një ndërgjegje të pastër”, thuhet në faqen e “Facebook”-ut të kishës.

Disa javë më parë u grabit Katedralja ortodokse “Apostull Pavli dhe Shën Asti” në Durrës. Mësohet se ajo u grabit nga persona të paidentifikuar të cilat morrën një shumë parash dhe u larguan nga vendi i ngjarjes. (lexo këtu)

J.V/Dosja.al

Shto Koment