Aktualitet

Prokurori i dosjes ‘Llalla’, Klodian Braho konfirmohet nga Vettingu, gati për SPAK

Sipas trupës gjykuese të KPK, Braho nuk kishte probleme me pasurinë,  profesionalizmin dhe pastërtinë e figurës. Hapi i fundit, është vendimi i Komisionerit Publik, për të parë nëse do e çojë në KPA vendimin e KPK.
Featured image of article: Prokurori i dosjes ‘Llalla’, Klodian Braho konfirmohet nga Vettingu, gati për SPAK Klodian Braho dhe Adriatik Llalla

TIRANË– Prokurori i Krimeve të Rënda, Klodian Braho është konfirmuar nga Komisioni i Pavarur i Kualifikimit, duke i dhënë mundësinë për t’u bërë pjesë e SPAK, (Prokuroria e Posaçme). Ai njihet edhe si prokurori që heton sot ish-kryeprokurorin Adriatik Llalla, që ishte eprori i tij. Braho është i gjashti në listën e KLP për t’u bërë pjesë e SPAK

Sipas trupës gjykuese të KPK, Braho nuk kishte probleme me pasurinë,  profesionalizmin dhe pastërtinë e figurës. Hapi i fundit, është vendimi i Komisionerit Publik, për të parë nëse do e çojë në KPA vendimin e KPK.

Çfarë është SPAK ose siç njihet ndryshe Prokuroria e Posaçme?

Për më shumë bëhu pjesë e grupit më viral në Facebook, Dosja.al

SPAK është njësia që do të ndjekë çështjet penale në emër të shtetit shqiptar kundër korrupsionit të niveleve të larta drejtuese dhe krimit të organizuar. SPAK ka të drejtë të përfaqësojë shtetin në të tre shkallët e gjyqësorit siç janë Gjykata e Shkallës së Parë, Gjykata e Apelit dhe ajo e Lartë.

SPAK është e pavarur në funksionim dhe ushtron detyrën përmes prokurorëve të Posaçëm që do të emërohen nga Këshilli i Lartë i Prokurorisë. Prokurorët e SPAK do të kenë një mandat 9-vjeçar dhe ky mandat mund të ndërpritet vetëm nga Inspektoriati i Lartë i Drejtësisë.

(F.g/dosja.al)

Shto Koment