Aktualitet

Në kërkim për grabitjen në Rinas dhe vrasjen e vëllezërve Haxhia, Policia në kërkim të Talo Çelës: Do shpërblehet me 10 mijë € kush jep informacion për të

Në një njoftim për mediat, Policia bën me dije se Çela është një person me rrëzikshmëri të lartë shoqërore dhe kërkon ndihmën e qytetarëve për të zbuluar vendndodhjen e tij. 
Featured image of article: Në kërkim për grabitjen në Rinas dhe vrasjen e vëllezërve Haxhia, Policia në kërkim të Talo Çelës: Do shpërblehet me 10 mijë € kush jep informacion për të Talo Çela, grabitja në Rinas, vëllezërit Viktor e Besmir Haxhiaj

TIRANË- Talo Çela është personi më i kërkuar në Shqipëri. Ky informacion jepet nga Policia e Shtetit, e cila sot ka kërkuar dhe ndihmën e qytetarëve. Në një njoftim për mediat, Policia bën me dije se Çela është një person me rrëzikshmëri të lartë shoqërore dhe kërkon ndihmën e qytetarëve për të zbuluar vendndodhjen e tij.  “Për këdo që do të japë informacion të vlefshëm që do çojë në lokalizimin dhe kapjen e këtij personi, Policia e Shtetit ka vënë në dispozicion shumën 10 mijë euro“, shtohet në njoftim.

Talo Çela është person i shpallur në kërkim kombëtar dhe ndërkombëtar, pasi Gjykata për Krimet e Renda Tiranë i ka caktuar masën e sigurisë “Arrest në burg”, për veprat penale “Vrasja e punonjësit të policisë” kryer në bashkëpunim, mbetur në tentativë, “Vjedhja me armë e kryer në bashkëpunim”, në kuadër të grupit të strukturuar kriminal dhe “Vrasja me paramendim, kryer në bashkëpunim”. 49-vjeçari është në kërkim, pasi është i dyshuari kryesor për grabitjen e ndodhur në prill të vitit 2019 në Rinas dhe për vrasjen e dy vëllezërve Haxhia në Durrës. 

Talo Çela

NJOFTIMI I PLOTË

Në vijim të punës për kapjen e personave me rrezikshmëri të lartë shoqërore që janë të shpallur në kërkim, Policia e Shtetit, duke vlerësuar si mjaft të rëndësishëm dhe rezultativ bashkëpunimin me qytetarët, kërkon sërish bashkëpunimin dhe kontributin e tyre për të lokalizuar vendndodhjen e një personi shumë të kërkuar, shtetasit Talo Çela, 49 vjeç, lindur dhe banues në Elbasan. Për këdo që do të japë informacion të vlefshëm që do çojë në lokalizimin dhe kapjen e këtij personi, Policia e Shtetit ka vënë në dispozicion shumën 10 mijë euro.

Talo Çela është person i shpallur në kërkim kombëtar dhe ndërkombëtar, pasi Gjykata për Krimet e Renda Tiranë i ka caktuar masën e sigurisë “Arrest në burg”, për veprat penale “Vrasja e punonjësit të policisë” kryer në bashkëpunim, mbetur në tentativë, “Vjedhja me armë e kryer në bashkëpunim”, në kuadër të grupit të strukturuar kriminal dhe “Vrasja me paramendim, kryer në bashkëpunim”.

Ky shtetas është autori i dyshuar i ngjarjes së datës 09.04.2019, ndodhur në pistën e aeroportit “Nënë Tereza”, në Rinas, Tiranë, ku persona të maskuar, nën kërcënimin e armëve të zjarrit, kanë arritur të vjedhin një sasi të konsiderueshme vlerash monetare të cilat po ngarkoheshin në avion dhe më pas gjatë shkëmbimit të zjarrit me Policinë, mbeti i vrarë njëri prej autorëve kryesorë të kësaj ngjarjeje.

Për më shumë bëhu pjesë e grupit më viral në Facebook, Dosja.al

Gjithashtu ky shtetas është i dyshuar si autor i ngjarjes së datës 27.04.2020, në lagjen 14/1 Durrës, në vendin e quajtur “Tregu i makinave”, Shënvlash, Durrës, ku u vranë me armë zjarri 2 vëllezërit Haxhia. Për çdo informacion që i shërben kapjes së këtij personi, qytetarët të telefonojnë në numrin e celularit 069 41 06 823, si dhe në numrin pa pagesë 112 apo në Komisariatin Dixhital, duke iu garantuar anonimat të sigurt.

NGJARJET NË TË CILËT ËSHTË PËRFSHIRË TALO ÇELA

Talo Çela është i akuzuar për grabitjen e 4.6 milionë eurove, ngjarje e ndodhur në 9 pprill të vitit 2019 në Rinas. Përsa i oërket grabitjes së Rinasit, Prokuroria e Posaçme kundër Krimit dhe Korrupsionit, (SPAK), ka përfunduar hetimet për grabitjen e Rinasit dhe në një njoftim për mediat, SPAK bëri me dije se janë marrë të pandehur 8 persina. I vetmi nga anëtarët e grupit që nuk ka rënë në pranga është Talo Çela. Ai akuzohet se ka ndihmuar në modifikimin e furgonit, duke e kthyer në një mjet hetimor për të t’u futur lehtë në aeroportin e Rinasit dhe për të kryer grabitjen.

Po ashtu ai dyshohet se është përfshirë në ekzekuimin e vëllezërve Viktor dhe Besnim Haxhia në Durrës. Talo Çela dhe Nuredin Dumani, pasi akuzohen se janë ekzekutorët. Vëllezërit Haxhia u ekzekutuan më 27 prill brenda makinës së tyre, të llojit “Voklswagen”, me 55 plumba. Besmir dhe Viktor Haxhia u vranë tek parku i tregut të makinave në Durrësit, aty ku kishin edhe një biznes të tyre.

(A.B. Dosja.al)

Shto Koment