Aktualitet

Policia-qytetarëve: Deri në 22:00 do punojë Kakavija dhe Kapshtica, nesër në fuqi rregullat e reja

Policia njofton s epikat kufitare do qëndojnë të hapura deri në orën 22:00, e më pas do hyjnë në fuqi rregullat e reja. 
Featured image of article: Policia-qytetarëve: Deri në 22:00 do punojë Kakavija dhe Kapshtica, nesër në fuqi rregullat e reja Makinat në Kakavijë

TIRANË- Policia e Shtetit u ka bërë sot thirrje qytetarëve që të zbatojnë rregullat dhe të informohen para se të nisen drejt pikave kufitare. Në një njoftim për mediat, Policia njofton s epikat kufitare do qëndojnë të hapura deri në orën 22:00, e më pas do hyjnë në fuqi rregullat e reja. 

Nga nesër të gjithë qytetarët që do shkojnë në Greqi do jetë të detyruar të qëndrojnë një javë në karantinë. “Policia Kufitare apelon qytetarët që duan të udhëtojnë në drejtim të Greqisë që mos ndërrmarin udhëtime pa pasur me vete dokumentacionin e mësipërm, pasi Policia ka ngritur pika kontrolli në drejtim të Kakavijes si dhe në drejtim të Kapshticës. Nuk do të lejohet asnjë qytetar që ka qëllim destinacionin final Greqinë të udhëtojë në drejtim të këtyre pikave pa pasur dokumentacionin e nevojshëm“, njoftohet më tej.

NJOFTIM I PLOTË

Rikujtesë mbi rregullat e reja për lëvizjen në Pikat Kufitare drejt Greqisë. Policia e Shtetit rikujton të gjithë qytetarët që duan të udhëtojnë në drejtim të Greqisë, se nisur nga masat kufizuese për shkak të COVID-19, duke filluar nga ora 06:00 deri në orën 22:00 të çdo dite në vijim, për të hyrë në Republikën e Greqisë, nëpërmjet PKK Kakavije do të lejohet të kalojnë vetëm 750 shtetas në ditë, ndërsa nga PKK Kapshticë vetëm 300 shtetas në ditë.

Për të hyrë në Republikën e Greqisë 🇬🇷 prej mëngjesit të datës 17 gusht qytetarët duhet të kenë me vete: ✅ Çertifikatën e kryerjes së testit COVID-19, jo më vonë së 72 orë nga dita e udhëtimit dhe rezultati të jetë NEGATIV; ✅ Testimi të jetë bërë nga autoriteti shtetëror (Instituti i Shëndetësisë) ose nga çdo spital apo klinikë e certifikuar dhe e njohur nga shteti;

Për më shumë bëhu pjesë e grupit më viral në Facebook, Dosja.al

✅ Certifikata të përmbajë të dhënat personale të personit, numrin e pasaportës ose të kartës greke, rezultatin negativ të testit, emrin e Institucionit ku është kryer testimi, adresën, numrin e telefonit, si dhe të jetë e përkthyer në gjuhën angleze; ✅ Do të lejohen të hyjnë në Republikën e Greqisë shtetasit që kanë leje qëndrimi greke ose shtetësi greke, punëtorët sezonal, si dhe çdo shtetas që ka marrë konfirmim nga autoriteti përkatës; ✅ Çdo shtetas që do të hyjë gjithashtu duhet të këtë plotësuar formularin PLF.

Sot, pas komunikimeve të pandërprera me homologët grekë është mundësuar që në PKK Kakavije të vijojë puna me ritëm duke u ardhur në ndihmë qytetarëve që janë në pritje në radhë, për të kaluar në shtetin grek. Gjithashtu po pas komunikimeve intensive me homologët grekë, në këto momente në Kapshticë ka nisur puna normalisht e do të vijojë deri në orën 22:00 të mbrëmjes, ndërsa nga nesër në orën 06:00 të mëngjesit në të dyja pikat e kalimit do të aplikohen masat e raja anti-COVID.

Policia Kufitare apelon qytetarët që duan të udhëtojnë në drejtim të Greqisë që mos ndërrmarin udhëtime pa pasur me vete dokumentacionin e mësipërm, pasi Policia ka ngritur pika kontrolli në drejtim të Kakavijes si dhe në drejtim të Kapshticës. Nuk do të lejohet asnjë qytetar që ka qëllim destinacionin final Greqinë të udhëtojë në drejtim të këtyre pikave pa pasur dokumentacionin e nevojshëm.

Ky njoftim i Policisë së Shtetit vjen në një kohë kur situata e kalimit në Kakavijë dhe Kapshticë po normalizohet. Në Kapshticë nuk ka më radhë makinash, por Policia në bilisht ka ngitur postblloqe, ndërsa në Kakavijë vijon puna me ritme të shpejta por sërish ka radhë. 

(A.B. Dosja.al)

Shto Koment