Aktualitet

Plagosi babë e bir në Durrës, arrestohet 39-vjeçari (Emri)

Ai u kap dy orë pas ngjarjes, teksa i dehur, qëlloi me armë zjarri mbi dy krushqit e tij dhe u largua. Policia sekuestroi edhe armën me të cilën kreu plagosjen dhe mjetin e Llullës.
Featured image of article: Plagosi babë e bir në Durrës, arrestohet 39-vjeçari (Emri)

DURRËS– Altin Llulla, 39 vjeç, është vënë në pranga pasi akuzohet se ka plagosur babë e bir, mbrëmjen e sotme në Durrës, Haxhi dhe Marenglen Balla. Ai u kap dy orë pas ngjarjes, teksa i dehur, qëlloi me armë zjarri mbi dy krushqit e tij dhe u largua. Policia sekuestroi edhe armën me të cilën kreu plagosjen dhe mjetin e Llullës.

Njoftimi i policisë Durrës: Kapet pas dy orë ndjekjeje nga shërbimet e Policisë së Durrësit, autori i dyshuar i plagosjes së dyfishtë me armë zjarri. Policia e Durrësit zbardhi dhe dokumentoi në kohë rekord, ngjarjen e ndodhur më parë, ku mbetën të plagosur me armë zjarri babë e bir. Vihet në pranga autori kryesor i dyshuar për plagosjen e dy shtetasve, falë dhe bashkëpunimit me qytetarët. Policia gjeti dhe sekuestroi armën e krimit pistoletë dhe automjetin e autorit. Policia e Durrësit, menjëherë pas njoftimit të marrë për ngjarjen e ndodhur, organizoi punën dhe falë reagimit në kohë dhe veprimeve të shpejta e profesionale bëri të mundur që pas dy orë ndjekjeje dhe kërkimesh, falë edhe mbështetjes së qytetarëve, të kapë dhe vërë në pranga shtetasin A. Ll., 39 vjeç. Ky shtetas dyshohet se pas një konflikti të çastit, nën efektin e alkoolit ka plagosur me armë zjarri shtetasit H. B., 63 vjeç dhe M. B., 39 vjeç (bab e bir), të cilët ndodhen në spital, nën kujdesin e mjekëve, jashtë rrezikut për jetën. Materialet do t’i kalojnë Prokurorisë së Rrethit Gjyqësor Durrës, për veprime të mëtejshme.

Për më shumë bëhu pjesë e grupit më viral në Facebook, Dosja.al

(f.m/dosja.al)

Shto Koment