Aktualitet

Pa tmerr me sy, gruaja e Everest Çakës rrëfen çastet e atentatit: Na përplasën, vrasësi erdhi dhe qëlloi me breshëri nga ana e shoferit

Më pas, Çaka shton se ka parë që nga ana e shoferit ka dalë vrasësi dhe ka qëlluar të shoqin e saj me breshëri plumbash duke e lënë të vdekur në vend.
Featured image of article: Pa tmerr me sy, gruaja e Everest Çakës rrëfen çastet e atentatit: Na përplasën, vrasësi erdhi dhe qëlloi me breshëri nga ana e shoferit Everest (Ibrahim) Çaka

TIRANË– Gruaja e Everest Çakës, Silvana ka rrëfyer momentin e tmerrit kur i vranë të shoqin para syve të saj. Përpara grupit hetimor, Çaka ka treguar se fillimisht janë janë përplasur me makinë dhe ajo ka menduar se kanë pësuar një aksident.

Më pas, Çaka shton se ka parë që nga ana e shoferit ka dalë vrasësi dhe ka qëlluar të shoqin e saj me breshëri plumbash duke e lënë të vdekur në vend.

“Fillimisht na goditi një makinë nga pas, menduam se bëmë aksident, dhe ndaluam menjëherë. Më pas vrasësi u afrua te xhami i makinës, dhe e qëlloi Everestin me breshëri, plumbat e kapën në krahë, gjoks, dhe në qafë. Vrasësi erdhi dhe qëlloi ngjitur xhamin e hapur nga ana e shoferit. E bënë shoshë nga plumbat nga qafa dhe në gjoks. Një plumb më goditi në krah. Dola menjëherë dhe thirra për ndihmë. E kuptova që goditja nga pas e makinës ishte rrengu i mirëmenduar i vrasësve që na kishin zënë pritë,”- mësohet të ketë thënë ajo.

Çaka u vra në sy të gruas teksa shkonte tek prindërit e saj në lagjen “Skënderbej” të Elbasanit.

Për më shumë bëhu pjesë e grupit më viral në Facebook, Dosja.al

Kush ishte Everest Çaka?

Everest Çaka 12 vite më parë ka qenë i arrestuar nga policia e Elbasanit për ekzekutimin e Gëzim Alikajt te Ura e Zaranikës në Elbasan. Në vitin 2007, viktimës iu ekzekutua vëllai, brenda një disco-je në Barcelonë. Çaka, bashkë me Elton Hykën dhe Ardit Spahiun, akuzohej për ekzekutimin e shoferit, pasi vëllai i të ndjerit kishte qëlluar për vdekje vëllanë e Çakës në vitin 2007, brenda një disco-je në Barcelonë. Megjithatë akuzat nuk u provuan kurrë dhe Çaka u la i lirë.

Çaka është djali i tezes, Ardit alias Arjan Spahiu, i cili është ekzekutuar në Belgjikë. Ky i fundit është kunati i Erion Alibejt, i cili është i arrestuar tashmë si porositës i disa atentateve që kanë tronditur Elbasanin. 

(f.m.dosja.al)

Shto Koment