Aktualitet

Organizoi lojëra fati, arrestohet 24-vjeçari në Tiranë, kapet edhe pronari i lokalit (NJOFTIMI)

Gjithashtu u procedua penalisht edhe pronari i lokalit, shtetasi O. D. (R)., 25 vjeç, banues në Tiranë, për veprat penale “Vënia në dispozicion e lokaleve për lojëra të palejuara dhe “Mbajtja pa leje e municionit “
Featured image of article: Organizoi lojëra fati, arrestohet 24-vjeçari në Tiranë, kapet edhe pronari i lokalit (NJOFTIMI) Foto ilustruese

TIRANË- Policia e Shtetit ka arrestuar një 24-vjeçar nga Tiana, pasi akuzohet se ka organizuar lojëra fatit të palejuara. Në një njoftim për mediat, PSh thotë se aktiviteti është zbuluar në bulevardin “Ramush Haradinaj”, dhe është proceduar edhe pronari i lokalit.

NJOFTIMI I PLOTË: 

Tiranë. Goditet një tjetër rast i organizmit të kundërligjshëm të lojërave të fatit. Vihet në pranga 1 shtetas dhe procedohet penalisht pronari i lokalit. Shërbimet e Komisariatit të Policisë Nr. 5, në vijim të punës për parandalimin, evidentimin dhe goditjen e paligjshmërisë, bazuar edhe në informacionet e marra në rrugë operative se në një lokal në bulevardin “Ramush Haradinaj” zhvillohej veprimtari kriminale në fushën e lojërave të fatit, kanë organizuar punën dhe kanë ushtruar kontroll në ambientet e lokalit.

Për më shumë bëhu pjesë e grupit më viral në Facebook, Dosja.al

Si rezultat i kontrollit u kap dhe u arrestua në flagrancë, për veprën penale “Organizimi i lotarive të palejuara”, shtetasi B. J., 24 vjeç, banues në Tiranë, pasi u konstatua duke ushtruar aktivitetin e palejuar të lojërave të fatit.

Gjithashtu u procedua penalisht edhe pronari i lokalit, shtetasi O. D. (R)., 25 vjeç, banues në Tiranë, për veprat penale “Vënia në dispozicion e lokaleve për lojëra të palejuara dhe “Mbajtja pa leje e municionit “, pasi ky shtetas kishte vënë në dispozicion lokalin e tij për organizimin e lotarive të palejuara, si dhe gjatë kontrollit të ushtruar në banesën e tij iu gjet dhe sekuestrua në cilësinë e provës materiale një sasi municioni luftarak. Materialet i kaluan Prokurorisë së Rrethit Gjyqësor Tiranë, për veprime të mëtejshme.

(f.m;f.g/dosja.al)

Shto Koment