Politike

Opozita ngrihet në këmbë për Teatrin/ Basha ‘kokë më kokë’ me aleatët, rinisin protestat: Menjëherë!

Opozita rikthehet me protesta. Kryedemokrati Lulzim Basha në një prononcim për mediat është shprehur se opozita e bashkuar do të nisë menjëherë rezistencën mbarëpopullore. Basha gjithashtu ka përmendur edhe marrëveshjen e tri viteve më parë me Ramën, duke e konsideruar të gabuar.
Featured image of article: Opozita ngrihet në këmbë për Teatrin/ Basha ‘kokë më kokë’ me aleatët, rinisin protestat: Menjëherë!

TIRANË–  Opozita e Bashkuar do t’i rikthet protestave masive gati një vit pas tubimeve të fundit. Pas shembjes së godinës së Teatrit Kombëtar dhe atij Eksperimental, kryedemokrati Lulzim Basha ka mbledhur në seli me urgjencë të gjithë aleatët, me të cilët ka vendosur rifillimin e tubimeve. Në fjalën e tij, Basha gjithashtu është shprehur se të gjitha protestat e opozitës do të zhvillohen duke respektuar të gjitha kushtet higjenike për të parandaluar përhapjen e pandemisë së koronavirusit.

Në tre vjetorin e takimit të tij me Ramën, Basha ka përmendur edhe marrëveshjen e bujshme për të cilën pranoi se ishte e gabuar duke shtuar se diçka e tillë nuk do të ndodhte më dhe se opozita do të organizonte një rezistencë mbarëpopullore kundër qeverisë së tij.

E para që shkoi në selinë blu për të zhvilluar takimin ishte kryetarja e Lëvizjes Socialiste për Integrim, Monika Kryemadhi, e cila u shoqërua nga nënkryetari Petri Vasili. Më pas, mbledhjes iu bashkuan edhe aleatët e tjerë. 

Për më shumë bëhu pjesë e grupit më viral në Facebook, Dosja.al

Gjatë orëve të para të ditës së sotme është shembur godina e Teatrit Kombëtar. Aksioni për shembjen e kësaj godine ka nisur 04:30 të mëngjesit të sotëm, ku pati përplasje.  Mësohet se në Polici janë shoqëruar Gazment Bardhi, Edi Paloka, aktori Neritan Liçaj, Monika Kryemadhi, Robert Budina, Titi Seranaj, Silva Caka dhe dhjetëra qytetarë. Por përplasjet vijojnë, pak më parë dhjetëra qytetarë çanë kordonin e policisë, në sheshin pranë teatrit. Basha ka paralajmëruar aksion opozitar, ndërsa Kryemadhi iu bëri thirrje shqiptarëve që braktisin gjendjen e fatkeqësisë natyrore.

(F.g/dosja.al)

  • 13:55

    “Do të organizojmë një rezistencë mbarëpopullore”/ Basha: Në protesta do të respektohen kushtet higjenike

    Kryedemokrati Lulzim Basha një deklaratë për mediet u shpreh se shumë shpejt opozita e bashkuar do i rikthehet protestave. Basha sqaroi se opozita e bashkuar do të organizojë një rezistencë mbarëpopullore dhe gjatë protestave do të  respektohen edhe kushtet higjenike.

    “Aty ku sot u dhunua teatri u përgatit flijimi i lirive të çdo qytetari. Synimi ynë është që këtë zemërim që e ndjemë të gjithë sot, në shpirtrat tanë, rruga për ta shporrur këtë bandit është me votën masive. E kuptoj këtë frustim, është frustimi jot, me siguri je pa gjumë.  prandaj të lutem shumë më jepni pak mirëkuptim. Do të organizojmë një rezistencë mbarëpopullore. Do të zhvillojnë protestat duke respektuar kushtet higjenie. do t;i bëjmë thirrje qytetarëve për të protestuar kundër këtij rregjimi, ne sot jemi krah çdo qytetari që dhunohet”,  tha Basha. 

  • 13:49

    ‘Kokë më kokë’ me aleatët, Basha rikujton marrëveshjen me Ramën: U gabova! Premton protesta, nisin menjëherë

    Kryedemokrati Lulzim Basha ka premtuar protesta të reja nga opozita e bashkuar, disa orë pas shembjes së godinës së Teatrit Kombëtar. Në një prononcim për mediat pas mbledhjes me aleatët është shprehur, Basha është shprehur gjithashtu se opozita do të mbështesë për protesta edhe Aleancën për Mbrojtjen e Teatrit. Gjithashtu, Basha në fjalën e tij ka kujtuar edhe marrëveshjen e tre viteve më parë me kryeministrin Edi Rama duke pranuar se kishte bërë një gabim, që nuk do të përsëritej më.

    Dita e sotme është një shembull i keq se vendi drejtohet një kriminel që ka marrë peng kulturën dhe shpirtin e Shqiptarëve. Kemi ekspozuar lidhjet me krimin dhe korrupsionin. Nga kjo pikëpamje e sotmja është një aferë e radhës. Rama për xhepat e tij ka sakrifikuar mirëqënien e shqiptarëve. Si sot tre vjet më parë u ula me këtë njeri me shpresën dhe besimin se forcat politike mund ta arrinin këtë marrëvëshie. Koha tregoi se u gabova. Garantoj shqiptarët se ky gabim nuk do të përsëritet më kurrë. Vendimi i parë është mbështetja për të gjitha protestat nga ana e Aleancës dhe nisja e protestave nga opozita. Nis me një efekt të menjëhershëm,”-u shpreh Basha.

Shto Koment