Aktualitet

Nxorrën informacion për për depon e armëve të bandave në Elbasan, pezullohen katër efektivët e policisë (EMRAT)

  • FOTO/ Ja kush janë dy informatorët e superaksionit në Elbasan, dy policët ‘tradhtarë’
  • Ka shkuar në 4 numri i efektivëve të pezulluar nga superaksioni në Belsh. Dy specialistë të kriminalistikës, janë nën hetim administrativ. Zyrtarët akuzohen se kanë ndjerë informacione në lidhje me arsenalin e armëve të gjetur në magazinën e një karburanti. Në kërkim është pronari i karburantit, Ilir Beko.
    Featured image of article: Nxorrën informacion për për depon e armëve të bandave në Elbasan, pezullohen katër efektivët e policisë (EMRAT)

    ELBASAN– Ka shkuar në 4 numri i efektivëve të pezulluar, të cilët akuzohen për nxjerrje të informacioneve nga operacionin i armëve të gjetura në Elbasan.

    Fillimisht u pezulluan nga detyra dy efektivë policie me detyrë përkatësisht inspektor i Krimeve të Rënda dhe Specialist Krimesh, Edvin Gjyli dhe Eduart Hasani.

    Ndërsa pasditen e sotme burime për Dosja.al bënë me dije se janë pezulluar nga detyra edhe Albjon Xhitozi, shef i Krimeve në Cërrik dhe Bilal Semanaj, shef i komisariatit të Cërrikut.

    Dyshohet se ata kanë nxjerrë foto të armëve të sekuestrua nga superaksioni duke rrezikuar kështu hetimet.

    Të pezulluarve u janë sekuestruar telefonat, ndërsa në hetim administrativ janë edhe dy specialistë të kriminalistikës, por ndaj tyre mësohet se nuk ka asnjë masë pezullimi.

    I vetmi person në kërkim nga superaksioni i RENEA-ve në Belsh është Ilir Beko, pronari i karburantit “Eldio Petrol”, në ambientet e të cilit, në një magazinë, u gjet edhe arsenali i armëve.

    Magazina me armë të sofistikuara u gjet në Papër të Elbasanit. Më datë 1 korrik, një ditë pas atentit që ju bë vëllezërve Baho, ku mbeti i vdekur një prej tyre, 22-vjeçari Klevi, policia dhe RENEA nisën kontrollin të imtësishëm në zonën e Elbasanit.

    Gjatë kontrollit ata zbuluan se në ambientet e një karburanti ishte një magazinë me armë të ndryshme të sifistikuara.

    Mes tyre kishte 17 armë të kalibrave të ndryshëm, 7 kallashnikovë, armë gjahu, tritol C4, e  disa lloje të tjera pistoletash me silenciator.

    Ende nuk dihet se si janë futur këto armë në Shqipëri pasi përdoren nga ushtria e NATO-s dhe janë tepër të sofitstikuara. Ndërkohë lidhur me magazinën e armëve të sekuestruara është shpallur në kërkim një person. Bëhet fjalë për shtetasin Ilir Beko që është njëkohësisht edhe pronari i karburantit “Eldio Petrol”, ku u gjetën armët.

    (f.m/dosja.al)

    • 20:11

      Nxorrën foto të armëve nga superaksioni i Elbasanit, pezullohen edhe dy zyrtarë të tjerë

      Bilal Semanaj, armët e sekuestruara në Elbasan dhe Albion Xhitoni

      Ka shkuar në katër numri i të pezulluarve për publikimin e informacionit për depon e armëve në Elbasan. Sipas informacioneve mësohet se të pezulluar janë shefi i komisariatit të Cërrikut, Bilal Semanaj dhe shefi i krimeve në Cërrik, Albion Xhitoni.

    • 19:57

      U drejtoi armën protestuesve në Kukës, kush shefi i Krimeve që u pezullua për armët e bandave në Elbasan

      Albjon Xhitoni, shefi i krimeve në Cërrik duke i drejtuar armën protestuesve

      Albjon Xhitoni, shefi i Krimeve në Cërrik, është pezulluar sot nga detyra. Bashkë me të u larguan përkohësisht nga puna dhe 4 efektivë të tjerë.

      Ata akuzohen se kanë nxjerrë informacione në lidhje me me operacionin e policisë që zbuloi një depo armësh në përdorim nga banda kriminale në një magazinë karburanti në aksin Elbasan-Papër.

      Më tej shtohet se Albjon Xhitoni  dyshohet se ka pasur komunikim të drejtëpërdrejtë me gazetarët dhe ka shpërndarë fotot e armatimeve.

      Por kush është Xhitoni?

      Ai është një emër i njohur në situata problemetike në radhët e uniformave blu. Kujtojmë se në vitin 2015, në një protestë pa leje në Rrugën e Kombit kundër OSHEE-së për pagesën së debive dhe kamatvonesave të energjisë elektrike, Albjon Xhitoni, në atë kohë shef i Krimeve në Kukës, gjatë një përplasje me protestuesit që bllokuan qarkullimin e automjeteve, ka nxjerrë armën duke ua drejtuar protestuesve. Ku ka qenë një nga episodet, ku Xhitoni ka marrë vërejtje për ushtrimin e detyrës së tij.
    • 19:57

      I apasionuar pas puros e mjeteve ushtarake, kush është shefi i Cërrikut që u pezullua për armët e bandave në Elbasan?

      Bilal Semanaj

      Pas akuzave se ka publikuar foton e armëve nga operacioni i Elbasanit, i kryer më 1 korrik mësohet se shefi i komisariatit të Cërrikut, Bilal Semanaj është pezulluar nga detyra.

      Burime për Dosja.al bëjnë me dije se Semanaj është pezulluar vetëm për dy ditë pasi dyshohet se gjatë operacionit i është dërguar një foto e armëve, si një i apasionuar pas tyre.

      Po kush është Bilal Semanaj?

      Semanaj u emërua në Cerrik më prill të këtij viti nga drejtori i Përgjithshëm i Policisë, Ardi Veliu. Nga shef i Komisariatit të Policisë Peqin, ai u tranferua në Cërrik.

      Në një kërkim të thjeshtë në rrjetet e tij sociale vihet re pasioni që ai ka për armët dhe aeroplanëve.

      Semanaj i veshur me një xhup lëkure, i cili ka të gdhëndura simbolet e marinës amerikane dhe me një puro në gojë, ka pozuar para disa mjeteve të ndryshme fluturuese.

    • 12:35

      FOTO/ Ja kush janë dy informatorët e superaksionit në Elbasan, dy policët 'tradhtarë' nxorrën sekretin hetimor

      Personat që shikoni në fotot e mëposhtme janë dy efektivët që u pezulluan ditën e sotme.  

      Eduart Hasani dhe Edvin Gjyli

      Specialist i Krimeve Edi Gjyli dhe Inspektori i Krimeve të Rënda janë tashmë nën hetim administrativ pasi nxorrën sekretin hetimor në lidhje me superaksionin që zhvilloi RENEA në Elbasan ku u zbulua arsenali me armë të sofistikuara.

    Shto Koment