Aktualitet

Ngjarja HORROR në Kombinat, Policia e Prokuroria në këmbë, hetim të gjitha sekteve fetare. Blerta Josifi përballet me drejtësinë

Policia e Shtetit dhe Prokuroria kanë nisur hetimet ndaj të gjitha sekteve fetare që operojnë në vend dhe propagandën që ata u përcjellin ndjekësve të tyre.
Featured image of article: Ngjarja HORROR në Kombinat, Policia e Prokuroria në këmbë, hetim të gjitha sekteve fetare. Blerta Josifi përballet me drejtësinë Zhaneta, Anisa dhe Blerta Josifi

TIRANË– Ngjarja horror, ku nënë e bijë Zhaneta dhe Anisa kishin vendosur që të vetëflijoheshin në emër të “ringjalljes” ka ngritur në këmbë autoritetet. Policia e Shtetit dhe Prokuroria kanë nisur hetimet ndaj të gjitha sekteve fetare që operojnë në vend dhe propagandën që ata u përcjellin ndjekësve të tyre.

Por nuk mbaron këtu… E mbijetuara e vetme e familjes Josifi do të përballet me akuzën e “moskallëzimit të krimit” lidhur me vdekjen e motrës. 34-vjeçarja pohoi vetë se e motra kishte mbi 15 muaj që e kishte vdekur, dhe se do të ringjallej.

POR SI NDODHI NGJARJA QË TRONDITI VENDIN:

Për më shumë bëhu pjesë e grupit më viral në Facebook, Dosja.al

Nëna dhe dy vajzat, Anisa dhe Blerta, ishin praktikantë të sektit, “Dëshmitarët e Jehovait”. Fillimisht në shtëpi, në rrethana që ende nuk dihen kishte ndërruar jetë Anisa. Nënë e bijë e mbanin prej rreth 15 muajsh në shtëpi, duke e lyer me vaj e uthull, ndërkohë që ishin në pritje të “ringjalljes së saj”. Ndërsa Zhaneta dhe Blerta, vendosën që të mos ushqeheshin, duke u sakrifikuar sipas tyre për të “sunduar me Krishtin”. Pas shumë ditësh pa pasur mundësi të komunikonte me të motrën, një prej vëllezërve të Zhanetës njoftoi Policinë. Menjëherë sapo u mor sinjali, në banesë shkuan forcat zjarrfikëse, të cilat në pamundësi për të hapur derën kryesore, u futën nga dritarja e tualetit. Në korridor e shtrirë ishte Blerta, ndërsa në një prej divanëve ishte Zhaneta. Ndërsa Anisa, tashmë e mumifikuar ishte vendosur mbi krevat e mbuluar me batanije dhe jorganë.

E vetmja me shenja jete, edhe pse të dobëta ishte Blerta, e cila u dërgua në spital në gjendje të vetëdijshme. E reja, e cila tashmë ndodhet në urgjencën e spitalit psikiatrik Nr.5, ka dëshmuar, se së bashku me nënën kishin 40 ditë që nuk ushqeheshin. Të trija gratë besonin tek Ringjallja dhe ishin praktikante të sektit të Dëshmitarëve të Jehovait, por nuk ishin të regjistruara.

(k.m/dosja.al)

Shto Koment