Aktualitet

Në kundërshtim me aktin normatv, SPAK rrëzon OFL për 48 sekuestro

Prokuroria e Posaçme ka vlerësuar se nga 148 pasuri të sekuestruara, 48 janënë kundërshtim me aktin normativ.
Featured image of article: Në kundërshtim me aktin normatv, SPAK rrëzon OFL për 48 sekuestro SPAK

TIRANË –Prokuroria e Posaçme ka rrëzuar Operacionin Forca e Ligjit në lidhje me 48 sekuestro preventive. Sipas SPAK, sekuestron janë kryer në kundërshtim me aktin normativ. OFL paraqiti pranë SPAK 148 pasuri, në mesin e të cilëve 99 automjetet dhe 49 truall. Nga këto, SPAK vlerësoi se 48 pasuri, 33 automjete dhe 15 truall, janë në kundërshtim me aktin normativ. Ndërkohë po vijon puna për verifikimin e 28 pasurive të tjera.

Njoftimi i plotë i SPAK

Për më shumë bëhu pjesë e grupit më viral në Facebook, Dosja.al

Mbi zbatimin e Aktit Normativ Nr.1, datë 31.01.2020 në periudhën nga data 31.01.2020 deri 31.05.2020. Drejtoria e Përgjithshme e Policisë së Shtetit, në zbatim të Aktit Normativ Nr.1, datë 31.01.2020, nga hyrja në fuqi e këtij akti dhe deri me datën 31.05.2020, ka paraqitur për vlerësim në Prokurorinë e Posaçme 80 raste sekuestrimesh, duke kërkuar vlerësim sekuestroje për 148 pasuri. Nga 148 pasuri të dërguara për vlerësim sekuestro, 99 pasuri janë automjete dhe 49 janë pasuri të paluajtshme (truall dhe objekte). Gjithashtu në një rast është dërguar për vlerësim masa e bllokimit të pasaportës e vendosur në kushte emergjente për një shtetase. Prokuroria e Posaçme ka marrë në shqyrtim të gjitha rastet e paraqitura dhe ka dhënë zgjidhje ligjore për të gjitha kërkesat e paraqitura nga Drejtoria e Përgjithshme e Policisë së Shtetit, si më poshtë : Janë vlerësuar të ligjshme sekuestrot e bëra nga Policia e Shtetit dhe është kërkuar vendosja e sekuestros nga Gjykata e Posaçme e Shkallës së Parë për Korrupsionin dhe Krimin e Organizuar për 72 pasuri. Nga të cilat 15 pasuri të paluajtshme dhe 57 raste automjete. Është vlerësuar se për 48 pasuri, nga të cilat 15 të paluajtshme dhe 33 automjete, sekuestro në kushtet e emergjencës, apo kërkesa për sekuestrim e paraqitur nga Policia e Shtetit është bërë në kundërshtim me kërkesat e Aktit Normativ Nr.1, datë 31.012020 dhe në këto kushte është vendosur kthimi i materialeve Policisë së Shtetit. Brenda afatit ligjor vazhdon shqyrtimi i kërkesavë te Policisë së Shtetit për vendosje sekuestro për 28 pasuri, nga të cilat 19 të paluajtshme dhe 9 automjete. Në lidhje me rastin e bllokimit të pasaportës është vendosur kthimi i saj, pasi bllokimi ishte bërë në kundërshtim me kërkesat e Aktit Normativ Nr.1, datë 31.012020 Aktualisht prokurorët e Prokurorisë së Posaçme, për rastet që gjykata ka vendosur sekuestro të pasurive janë duke pregatitur kërkesat për konfiskim për t’i paraqitur në Gjykatën e Posaçme për Korrupsionin dhe Krimin e Organizuar. Tiranë, më 04.06.2020

(g.sh./dosja.al)

Shto Koment