Aktualitet

312 viktima/ Rëndohet bilanci, Covid-19 u merr jetën gjashtë personave, mes tyre dhe një infermieri, 135 të infektuar brenda 24 orëve

  • Ky është infermieri që mbylli sytë sot
  • Një 63-vjeçar nga Tirana, i cili ka ushtruar detyrën e infermierit në spitalin e Traumës dhe vuante nga sëmundje bashkëshoqëruese, një 64-vjeçar nga Mati, një 71-vjeçare nga Divjaka dhe 3 qytetarë nga Tirana : një 77-vjeçar ; një 72-vjeçare dhe një 80-vjeçare, nuk e kanë fituar dot betejën me CoVID-19.
    Featured image of article: 312 viktima/ Rëndohet bilanci, Covid-19 u merr jetën gjashtë personave, mes tyre dhe një infermieri, 135 të infektuar brenda 24 orëve Marjeta Dervishi
    Përditësuar:

    SHQIPËRI– 312 viktima, 3814 të infektuar aktivë dhe 5976 të shëruar. Ky është bilanci i Covid-19 në Shqipëri, që nga fillimi i pandemisë, në muajin mars. Dr. Marjeta Dervishi nga Instituti i Shëndetit Publik, gjatë përditësimit të të dhënave për 24 orët e fundit, bëri me dije se 6 persona, mes tyre një infermier, kanë ndërruar jetë në 24 orët e fundit, duke e çuar numrin e viktimave në 312.

    Një 63-vjeçar nga Tirana, i cili ka ushtruar detyrën e infermierit në spitalin e Traumës dhe vuante nga sëmundje bashkëshoqëruese, një 64-vjeçar nga Mati, një 71-vjeçare nga Divjaka dhe 3 qytetarë nga Tirana : një 77-vjeçar ; një 72-vjeçare dhe një 80-vjeçare, nuk e kanë fituar dot betejën me CoVID-19.

    Nga 860 testime qe janë kryer në 24 orët e fundit, ku përfshihen përfshihen edhe testime të kryera në laboratorët jo publike, që përmbushin përkufizimin e rastit, për konfirmim diagnoze pozitive apo të dyshuara, sipas vlerësimit të ISHP, 135 qytetarë rezultojnë të prekur nga virusi SARS COV2. Shpërndarja gjeografike e rasteve pozitive ditore është si vijon: 33 raste në Tiranë, 29 në Elbasan, 13 në Lezhë, 10 në Krujë, 7 në Lushnje, nga 4 raste në Durrës, Kamëz, Gjirokastër, nga 3 raste në Fier, Kurbin, Kavajë, Pukë, Berat, Librazhd, nga 2 raste në Vlorë, Mirditë, Pogradec, Sarandë, Kolonjë, nga 1 rast në Shkodër, Rrogozhinë, Gramsh.

    Në spitalin Infektiv dhe “Shefqet Ndroqi” po trajtohen 189 pacientë të konfirmuar pozitivë me COVID-19, 12 në terapi intensive nga të cilët 4 pacientë janë të intubuar.
    Gjithashtu në dy spitalet COVID janë duke marrë shërbim të specializuar 17 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.

    Ndërsa 94 qytetarë e kanë fituar betejën me virusin e rrezikshëm në 24 orët e fundit. Që nga fillimi i epidemisë janë mbi 10 mijë të prekur nga COVID 19, prej tyre, 60% janë të shëruar, ndërsa 3814 janë persona aktivë me COVID19.

    Nisur nga fakti se një pjesë e rasteve pozitive lidhen me grumbullime në ceremoni festive apo mortore, rikujtojmë qytetarët se ndalohen të gjitha grumbullimet pasi janë burim i përhapjes së infeksionit, duke vënë në rrezik shëndetin tuaj dhe të afërmve tuaj. Ministria e Shëndetësisë dhe Mbrojtjes Sociale apelon edhe një herë për më shumë kujdes për respektimin e rregullave të higjienës, vendosjes së detyrueshme të maskës në ambientet e mbyllura dhe respektimit të distancimit fizik. Nëse dyshoni se jeni i prekur ose keni shenja të sëmundjes duhet të qëndroni të izoluar dhe telefononi në numrin e Urgjencës Kombëtare 127. Ministria e Shëndetësisë ka vënë në dispozicion të qytetarëve linjën e gjelbër 0800 40 40 për të kontaktuar mjekun e familjes apo për çdo informacion tjetër rreth Covid19.

    Për më shumë bëhu pjesë e grupit më viral në Facebook, Dosja.al

    COVID-19 – Statistika (5 Shtator 2020)
    Testime totale 67057

    Raste pozitive 10102
    Raste të shëruara 5976
    Raste Aktive 3814

    Humbje jete 312 (Qarku Tiranë 149, Durrës 41, Shkodër 36, Elbasan 19 , Fier 16, Korçë 12, Lezhë 12, Kukës 8, Vlorë 6, Dibër 7, Gjirokastër 4, Berat 2)

    Shpërndarja gjeografike e rasteve aktive sipas qarqeve:
    Tiranë 2054
    Durrës 466
    Shkodër 296
    Lezhë 204
    Elbasan 154
    Korçë 135
    Kukës 129
    Vlorë 125
    Fier 113
    Berat 69
    Dibër 35
    Gjirokastër 34

    (A.K;F.M/dosja.al)

    Shto Koment