Aktualitet

Vdes biznesmeni nga Puka nga COVID-19, MSH: Vuante nga diabeti, 123 të infektuar, 19 raste të reja brenda 24 orëve (HARTA)

Harta e të prekurve është shtrirë në Lezhë, Has dhe Berat, si dhe vijon të zgjerohet në Tiranë, Korçë, e Fier. Numri i të shtruarve në spitalin COVID 1 është 57, 2 prej të cilëve në terapi intensive, kurse të tjerët në gjendje të mirë.
Featured image of article: Vdes biznesmeni nga Puka nga COVID-19, MSH: Vuante nga diabeti, 123 të infektuar, 19 raste të reja brenda 24 orëve (HARTA) Eugena Tomini, perfaqesuese e ISHP

TIRANË– Rritet ndjeshëm numri i të prekurve me koronavirus në Shqipëri. Vetëm brenda 24 orëve të fundit janë regjistruar 19 raste të reja, duke e çuar në total numrin e të infektuarve në 123. Eugena Tomini, përfaqësuese e ISHP ka konfirmuar vdekjen e 5-të nga COVID-19, (Biznesmeni nga Puka për të cilin Dosja.al raportoi në mëngjes). ISHP bën me dije ai vuante nga “diabeti mellitus” dhe ishte prej 10 ditësh në terapi intensive. Një lajm i mirë është se tashmë numri i pacientëve të shëruar ka shkuar në 10. Gjithashtu mësohet se harta e të prekurve është shtrirë në Lezhë, Has dhe Berat, si dhe vijon të zgjerohet në Tiranë, Korçë, e Fier. Numri i të shtruarve në spitalin COVID 1 është 57, 2 prej të cilëve në terapi intensive, kurse të tjerët në gjendje të mirë.

NJOFTIMI I PLOTË: 

Ministria e Shëndetësisë: 19 raste të reja në 24 orë, 123 të prekur nga COVID-19 Një qytetar 49-vjeçar ka ndërruar jetë në spitalin infektiv. Deri tani 10 të shëruar pas testeve konfirmuese. Eugena Tomini Instituti i Shëndetit Publik informon për situatën më të fundit të COVID-19 në Shqipëri. Në 24 orët e fundit janë konfirmuar 19 raste të reja me COVID-19 dhe janë kryer 74 testime. Deri në këto momente testuar 930 janë raste të dyshuara dhe prej tyre janë të konfirmuar pozitivë me COVID-19, 123 numrin e të prekurve. Në 24 orët e fundit ka ndërruar jetë një pacient i shtruar prej 13 ditësh në spitalin infektiv, 49 vjeç nga Tirana. Pavarësisht përpjekjeve të ekipit mjekësor të spitalit Infektiv, 49 vjecari nuk arriti të mbijetojë. I ndjeri vuante nga diabeti mellitus dhe ishte prej 10 ditësh në terapi intensive. Ministria e Shëndetëisë dhe Mbrojtjes Sociale i shpreh ngushëllimet e sinqerta familjes së të ndjerit. Ju informojmë se, deri në këto momente kanë humbur jetën 5 persona të prekur nga COVID-19. Por lajm i mirë është se 10 qytetarë deri në këto momente janë shëruar (të shtruar dhe të vetëizoluar) pas dy testeve të kryera. Por ata duhet të qëndrojnë në vetëkarantinim për 14 ditë.
Harta e të prekurve nga COVID-19 eshte shtrirë tashmë edhe në Lezhë, Has dhe Berat dhe zgjerohet në Tiranë, Korçë, Fier, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e transmetimit të infeksionit.

Ndërsa shpërndarja gjeografike e rasteve pozitive, është si vijon:

Për më shumë bëhu pjesë e grupit më viral në Facebook, Dosja.al

• Tiranë 72 qytetarë
• Durrës 8 qytetarë
• Lushnje 4 qytetarë
• Elbasan 2 qytetarë
• Fier 12 qytetarë
• Rrogozhinë 2 qytetarë
• Kavajë 4 qytetarë
• Korcë 9 qytetarë
• Vlorë 4 qytetarë
• Shkodër 2 qytetarë
• Lezhe 1 qytetarë
• Berat 1 qytetarë
• Has 2 qytetarë

 

Ju informojmë se në spitalin Infektiv ndodhen aktualisht 57 pacientë të shtruar, 2 prej tyre janë në terapi intensive. Ndërsa pjesa tjetër e të shtruarve në pavion janë në gjendje të stabilizuar deri në këto momente. Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital!
Ministria ka vënë në dispozicion një linjë të gjelbër FALAS 0800 40 40 për çdo qytetar që kërkon informacon apo këshilla në lidhje me COVID-19. Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për cdo shqetësim tjetër që ata kanë.
Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!

Numri i prekurve me Covid-19 në vendin tonë sot ka shkuar në 123, ndërsa numri i viktimave ka shkuar në 5. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Ndërkohë harta e të prekurve në vend sa vjen dhe zgjerohet. Sot janë shënuar të infektuar edhe në Lezhë, Has dhe Berat. Edhe pse qytetarët sot e kanë të lejuar që të dalin deri në orën 13:00 nga shtëpia, radhë pafund janë shënuar tek trugu Agro-Kulturor dhe në spitalin Onkologjik. Ndërkohë kryeministri Edi Rama dje u shpreh se këtë javë do të ketë një “bum” të infektuarit si pasojë e kurbës natyrale të virusit. Ai bëri thirrje për respektimin e masave ndryshe do të vihet në zbatim “ligji i luftës”.

(f.g/dosja.al)

Shto Koment