Politike

Meta vijon sulmet ndaj Dvoranit: Katica jonë i Reformës në Drejtësi. Provat po shtohen, video po përgatitet

Më tej Kreu i Shtetit kujton dhe videon që do të tregojë nesër e cila  është pjesë e kallëzimit kundër kreut të KED.
Featured image of article: Meta vijon sulmet ndaj Dvoranit: Katica jonë i Reformës në Drejtësi. Provat po shtohen, video po përgatitet Ilir Meta dhe Ardian Dvorani

TIRANË– Presidenti i Shqipërisë, Ilir Meta ka vijuar dhe sot akzuat kundër kreut të Këshillit të Emërimeve në Drejtësi, Ardian Dvoranit. Në një reagim në rrjetin social Facebook, Meta shkruan se është skandaloz presioni politik ndaj KED dhe anëtares së Gjykatës Kushtetuese, Vitore Tusha.

Për të gjitha presionet Meta bën përgjegjës, Ardian Dvoranin, për të cilin thotë se ka bërë akte kriminale dhe është Katica e Reformës në Drejtësi, duke e krahasuar me prokuororen speciale në Maqedoninë e Veriut e cila tashmë është në burg. Më tej Kreu i Shtetit kujton dhe videon që do të tregojë nesër e cila  është pjesë e kallëzimit kundër kreut të KED.

“Skandaloz presioni politik ndaj KED dhe anëtares së Gjykatës Kushtetuese, Vitore Tusha! I vetmi përgjegjës për aktet kriminale të militantit Ardian Dvorani është vetëm ai, përndryshe Katica jonë i Reformës në Drejtësi. Nuk ka Rilindje lokale dhe ndërkombëtare që e shpëton atë nga përgjegjësia e rëndë penale. Katica jonë bëri një akt shumë më të rëndë se vendosja e gjobës së një biznesmeni. Katica jonë donte të vidhte gjithë Gjykatën Kushtetuese të Shqipërisë. Provat po shtohen. Garantet e krimit kushtetues po dalin vetë. Video po përgatitet!”, shkruan Meta në Facebook. 

PËRPLASJA META-DVORANI

Ngërçi KED-Presidencë-Kuvend, ka shkaktuar një amulli me Gjykatën Kushtetuese, pasi Meta nuk e njeh Arta Vorpsin si anëtare të saj dhe për rrjedhojë nuk i ka bërë as betimin, ndërsa Kuvendi dhe KED, po. Meta ka dekretuar dhe betuar në vend të Vorpsit, Marsida Xhaferllarin, e cila bashkë me Vorpsin bëri sot “xing” në dyert e Gjykatës Kushtetuese.

Për situatën e krijuar, Meta deklaroi në një konferencë për mediat se do të kallëzojë penalisht të hënën në prokurori, Dvoranin për dy akuza, shpërdorim detyre dhe përvetësim të titullit apo detyrës. Meta tha se KED ka vetëm rol procedurial për t’u marrë me dokumentacionet e Parlamentit, Gjykatës dhe Presidentit, dhe se vendimet e marra nga Dvoranin nuk janë kryer në mënyrë kolegjiale por individuale. Kreu i shtetit, e akuzoi Dvoranin se ka dërguar listat e vakancave përnjëherazi, qëllimisht, dhe se ka shpërdoruar detyrën me botimin në Fletoren zyrtare të kandidatëve.

(A.B. Dosja.al)

Shto Koment