AktualitetPolitike

Lobimi rus/ Prokuroria e Tiranës zgjat me 3 muaj hetimet për Lulzim Bashën

Prokuroria e Tiranës zgjat hetimet me 3 muaj hetimet për Lulzim Bashën.
Featured image of article: Lobimi rus/ Prokuroria e Tiranës zgjat me 3 muaj hetimet për Lulzim Bashën Lulzim Basha.

Tiranë- Për akuzat për lobim rus në Shqipëri, janë zgjatur me tre muaj hetimet nga Prokuroria e Tiranës, për kreun e PD-së Lulzim Bashën, Arben Ristanin dhe Ilir Dervishin.

Konkretisht, Basha, Ristani dhe Dervishi akuzohen për “Pastrim të produkteve të veprës penale ose veprimtarisë kriminale (pastrim parash)” dhe “Falsifikim të vulave, stampave ose formularëve”, akuza këto që rrezikojnë t’i dënojnë deri ne 10 vite burg.

Sqarojmë se Prokurorisë së Tiranës i janë dashur 20 muaj hetime për të dalë në konkluzionin se Lulzim Basha, kryetar i PD dhe dy funksionarët e lartë të kësaj partie duhen të merren të pandehur për financimin e dyshimtë të përdorur për lobimin në SHBA.

Prej disa muajsh Prokuroria e Tiranës ka në dorë dy letër-porositë që kanë ardhur nga SHBA dhe Skocia duke thënë se i gjithë hetimi është bazuar në prova që faktojnë se Partia Demokratike e ka fshehur financimin, duke deklaruar në formularin e financimeve të fushatës për partinë vetëm 25 mijë dollarë dhe jo shumë prej 650 mijë dollarësh.

J.V/Dosja.al

Shto Koment