Aktualitet

Lirohet me kusht pas 8 muajsh reperi Stresi, u arrestua në Linzë pas akuzave për trafik droge

  • Me një femër misterioze në hotel, si u arrestua Stresi në Linzë, iu gjet armë dhe drogë
  • Menjëherë pas lirimit të Stresit, reagon bashkëshortja e tij: Faleminderit Zot(Foto)
  • Vendimi është marrë sot në një seancë të zhvilluar pa praninë e mediave dhe mësohet se togat e zeza kanë pranaur kërkesën e këngëtarit për lirim. Në përfundim të seancës Stresi ka fituar lirinë e tij me kush. Ai prej muajit tëtor kur u bë dhe arrestimi ka vuajtur paraburgimin në burgun e Fushë-Krujës.
    Featured image of article: Lirohet me kusht pas 8 muajsh reperi Stresi, u arrestua në Linzë pas akuzave për trafik droge

    TIRANË- Këngëtari i njohur Arkimed Lushaj, i njohur si Stresi është liruar sot nga Gjykata e Tiranës. Vendimi është marrë sot në një seancë të zhvilluar pa praninë e mediave dhe mësohet se togat e zeza kanë pranaur kërkesën e këngëtarit për lirim. Në përfundim të seancës Stresi ka fituar lirinë e tij me kush. Ai prej muajit tëtor kur u bë dhe arrestimi ka vuajtur paraburgimin në burgun e Fushë-Krujës.

    KOHA NË BURG

    Arkimed Lushaj, i njohur me emrin e artit si Stresi, për hërë të parë ka qëndruar kaq gjatë në burg. Në kohë që u arrestua në një hotel në Linzë, ku policia i gjeti kokainë dhe armë, ai konkurronte në “Këngën Magjike”. Ai la konkurrimin me mes, por përshendeti fansat me anë të një mesazhi në rrjetet sociale nga qelia ku po ndiqte kolegët e tij teksa performonin. Por gjatë kohës së që ai qëndronte në burg, ka bërë dhe disa reagime në Instagram duke hedhur dhe dyshime se mos ishte liruar, por më pas u mor vesh që rrjetet tij sociale menaxhoheshin nga miqtë.

    ARRESTIMI

    Stresi ra në prangat e Policisë në 17 tetor të vitit të kaluar, teksa ai ishte në një hotel në Linzë. Sipas uniformave blu ai ishte në shoqërinë e një femre, identiteti i të cilës nuk u bë publik kurrë. Në ato kohë u hodhën dyshime se ai mund të kishte tradhtuar dhe të dashurën e tij Kejsi, por këto zëra u shuan nga vet partnerja e tij. Policia në njoftimin e asaj kohe bënte me dije se arrestimi erdhi pasi emri dhe zëri i Stresit kishte dal në disa përgjime të grupit të “Bajrave”.

    Për më shumë bëhu pjesë e grupit më viral në Facebook, Dosja.al

    AKUZAT

    Akuza që ngriti policia për këngëtarin e njohur, ishin disa që nga marrja pjesë në grup kriminal deri tek trafiku i drogës. Në kohën e arrestimit Policia bëri me dije se “Gjykata e Shkallës së Parë Tiranë ka vendosur sot masën e sigurisë “arrest me burg” në lidhje me veprën penale “Prodhim dhe mbajtje pa leje të armëve luftarake”. Ndalimi i këtij shtetasit u bë pas një hetimi disa mujor në bashkëpunim me Prokurorinë pranë Gjykatës së Shkallës së Parë Tiranë me metoda speciale të hetimit që janë kryer në funksion të një grupi kriminal që operon në Tiranë në lidhje me aktivitetin e kundraligjshëm me tendencë “Trafikim narkotikësh” dhe “Krimeve kundër personit’.

    HISTORIA E ARRESTIMEVE

    Por ky arrestim nuk është i pari  për këngëtarin. Ai është një personazh i njohur për drejtësinë, pasi ai ka rënë disa herë në pranga. Para arrestimit në Linzë, ai u shoqërua pas një kontrolli të befasishëm të uniformave blu pranë shkollës “Partizani”. Këngëtari dhe disa miqtë e tij u shoqëruan dhe më pas u liruan. Po ashtu para pak vitesh Arkimed Lushaj u prangos për drejtim të gabuar të mjetit dhe më pas u arratis nga Komisariati duke u hedhur nga kati i dytë. Ai pas arratisjes nga Komisariati u arratis jashtë Shqipërisë dhe u rikthye kur kishte mbyllur hesapet me drejtësinë.

    (A.B. Dosja.al)

    Shto Koment