SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
TIRANË- Kryeministri Edi Rama i ka dërguar një letër të dytë publike kryedemokratit Lulzim Basha. Letra është e dyta brenda 24 orëve, dhe “kryefjalë” e saj është dialogu mes dy liderëve.
Kryeministri shprehet se nuk është i hapur nga refuzimi që Basha i bëri dje ftesës së tij për dialog.
Rama thotë se është i gatshëm të ofrojë dialog, si e vetmja rrugë në demokraci. Kryeministri thotë se është i hapur për një dialog pa kushte, dhe i kujton kryetarit të PD, se fushata nis më 31 maj, dhe se PD ka ende kohë të rikthehet në rrugën e arsyes.
Në letrën e tij, kryeministri thotë se nuk ka asnjë lëkundje nga data e zgjedhjeve, dhe shton se shkatërrimi i PD dhe LSI është një ogur i mirë për të, por jo për Shqipërinë.
Letra e plotë:
LETER E DYTE PUBLIKE LULZIM BASHES
Zoti Kryetar, e mora reagimin Tuaj ndaj letrës së djeshme ende pa u “tharë boja” e saj dhe nuk jam aspak i çuditur, me refuzimin brutal të Dialogut nga ana Juaj. Por, duke qenë se detyrimi im është të këmbëngul, pa humbur durimin, në të vetmen rrugë që njeh demokracia, Dialogun, mbetem i vendosur t’Ju ofroj të gjithë gatishmërinë time, për t’i hapur rrugë Dialogut.
Natyrisht, Ju jeni në të drejtën Tuaj ta udhëhiqni grupimin Tuaj politik drejt humnerës, duke marshuar përditë sikur jetoni në një botë paralele, pa ligje, pa rregulla, pa të tjerë që mendojnë krejt ndryshe nga Ju në këtë vend, e që janë shumica dërrmuese (përfshirë edhe shumicën e votuesve Tuaj) dhe jashtë këtij vendi – pa përjashtim të gjithë miqtë e partnerët e Shqipërisë.
Ju jeni në të drejtën Tuaj t’u drejtoheni shqiptarëve sikur janë gjindje pa vetëdije, që s’dinë ç’është demokracia, ligji e vetë liria dhe t’i trajtoni miqtë e partnerët ndërkombëtarë të vendit sikur nuk ekzistojnë.
Ju jeni po ashtu në të drejtën Tuaj të synoni tërheqjen pas Jush të pak individëve që mbase, kushedi, mund të jenë gati të kryejnë krime zgjedhore e të humbasin lirinë e tyre, sipas parashikimeve të Kodit Penal për ato krime dhe më tej akoma, t’i thonë lamtumirë edhe lirisë së hyrjes në SHBA dhe në vendet e Bashkimit Europian, si persona të padëshirueshëm në një botë që rrotullohet përmes zgjedhjeve demokratike, jo përmes dhunës mbi to.
Por, i dashur Lulzim, për fat të mirë Ju s’jeni vetëm në këtë vend dhe as ata që do vijojnë t’Ju ndjekin në aventurën Tuaj të pashoqe, gjithnjë e më të paktë, nuk janë asfare populli i këtij vendi. I cili lirinë dhe të drejtën për të zgjedhur, nuk i ka marrë borxh nga Ju apo nga unë dhe po ashtu, nuk Ju’a ka borxh as Juve, as mua e askujt në botë, mosmbajtjen në kohë e në paqe të zgjedhjeve të radhës.
Kështu që përsëri Ju bëj publikisht thirrje: Ejani të ulemi në Tryezën e Dialogut! Pa kushte dhe pa humbur kohë.
Fushata e zgjedhjeve nis zyrtarisht në 31 maj dhe ditët e numëruara që kanë mbetur, duhen shfrytëzuar për dialog politik, jo humbur me kërcënimet e dëshpërura dhunënxitëse që nuk Ju turpërojnë vetëm Juve, po edhe vendin tonë e të gjithëve ne bashkë me të.
Ejani në Dialog të arsyetojmë si njerëz me përgjegjësi të mëdha dhe t’i ballafaqojmë divergjencat tona të mëdha, me forcën e arsyes, përpara se sa inercia e rrugës së gabuar që keni marrë t’Ju ketë degdisur në esfeltin e irrelevancës politike, megjithë grupimin Tuaj. Edhe njëherë, mua s’më duhet fati Juaj politik dhe as fati politik i atij grupimi – madje sipas meje, troç fare, rrënimi i plotë me duart Tuaja i grupimit që po udhëhiqni qorrazi është ogur i mirë për këtë vend e për vetë të ardhmen e institucionit të pazëvendësueshëm të opozitës – por ky moment me rëndësi të veçantë për Shqipërinë, më imponon t’Ju lutem të ktheni rrugë! Sepse Shqipëria s’ka kohë për të humbur për llogaritë e gabuara politike dhe aventurat antidemokratike të kujtdoqoftë.
Duke Ju garantuar se jam në dispozicionin Tuaj, në çdo moment dhe pa kushte për një Dialog për Shqipërinë, si edhe duke Ju siguruar se sikur të tërë të dëshpëruarit nga Reforma në Drejtësi të hidhen përpjetë, nuk kanë për të ndalur dot as zbatimin e Reformës në Drejtësi, as zhvillimin e zgjedhjeve në 30 qershor, uroj rikthimin Tuaj sa më të shpejtë në rrugën e arsyes.
Edi Rama
23 maj, 2019
Ditën e djeshme, kryeministri Edi Rama i drejtoi një letër të hapur kryetarit të PD, Lulzim Basha.
Rama ofronte në letrën e tij, dialog pa kushte duke lënë të hapur për herë të parë mundësinë për të shtyrë datën e zgjedhjeve.
Kryedemokrati Basha i kthyeu përgjigje negative nga Durrësi duke u shprehur se nuk do të bëjë asnjë hap pas.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Sekretari Ligjor i Partisë Demokratike, Ivi Kaso në një deklaratë për mediat pas mbledhjes së KQZ ka hedhur akuza ndaj anëtarëve që votuan kundër k...
TIRANË- 4 anëtarë të KQZ janë deklaruar kundër regjistrimit të komisionerëve të Partisë Demokratike dhe LSI në zgjedhjet lokale të 30 qershorit. Kryetari i...
KORÇË- Ambasadori turk në Shqipëri, Murat Ahmet Yoruk foli nga Korça për marrëdhëniet ndërmjet dy vendeve.Në fjalën e tij, ambasadori Yoruk u...
TIRANE- Seanca e sotme në parlament është përfshirë nga akuza të shumta dhe deklarata për punën e Institutit të Studimeve të Krimeve dhe Pasojave të Komunizmit....
TIRANË- Zëdhënësi i Presidenit të Republikës, Tedi Blushi i është përgjigjur kryeministrit Edi Rama dhe ambasadorit të BE në Shqipëri për Reformën në Drej...
Tërmet Peçi u zgjodh për herë të parë në krye të Bashkisë së Tepelenës në vitin 2011 dhe mori një mandat të dytë në zgjedhjet lokale të 21 qershorit 2015...
TIRANË- Debate të forta në mbledhjen e radhës në Komisionin Qendror të Zgjedhjeve, ku është rrëzuar kërkesa për regjistrimin e komisionerëve të PD dhe LSI ...
TIRANË– Deputeti i Ballit Kombëtar, Adriatik Alimadhi, ka shpërthyer kundër Spartak Brahos, duke e quajtur budalla dhe një njeri që nuk njeh historinë. Ai ...
TIRANE-Deputeti i Partisë Socialiste, Spartak Braho në fjalën e tij në Kuvend nuk i ka ndalur akuzat për Agron Tufën.Braho i bëri thirrje Lleshajt të rezervojë ...
TIRANË- Ministri i Brendshëm Sandër Lleshaj, i është përgjigjur në Kuvend deputetit Myslim Murrizi, i cili i tha se ai nuk i ka dhënë informacion instituti...