Aktualitet

Sherr mes 4 të rinjve, kris arma në Durrës, Policia identifikon autorin dhe rrethon zonën (EMRI)

FOTO
  • Kush është i riu që “i iku nga duart” policisë në Durrës. E shkuara e tij dhe problemet me efektivët
  • Të shtëna me armë zjarri janë regjistruar në lagjen Nr.13 të qytetit të Durrësit. Katër të rinj janë përfshirë në një sherr, një prej tyre ka qëlluar me armë në ajër. I riu i identifikuar si Alvaro Strefi është shpallur në kërkim.
    Featured image of article: Sherr mes 4 të rinjve, kris arma në Durrës, Policia identifikon autorin dhe rrethon zonën (EMRI) Policia në vendngjarje

    DURRËS -Të shtëna me armë zjarri në lagjen nr.13 të qytetit të Durrësit. Ngjarja ka ndodhur pasditen e sotme, në afërsi të një hoteli në pranë urës së Dajlanit, ku katër persona janë përfshirë në një konflikt me njëri-tjetrin.

    Policia në vendngjarje

    Njëri prej tyre, i identifikuar si Alvaro Strefi, ka qëlluar me armë zjarri në ajër, dhe më pas është larguar. Ndërsa tre të tjerët, gjithashtu të përfshirë në sherr janë shoqëruar në Komisariatin e qytetit.

    Policia në vendngjarje

    Policia ka gjetur në tokë 5 gëzhoja, ndërsa asnjë nga personat e përfshirë në konflikt nuk ka mbetur i lënduar.  Pasi “blutë” e Durrësit e kanë identifikuar autorin Strefi janë vënë në ndjekje të tij. Ndërkohë grupi hetimor ndodhet në vendngjarje dhe ka nisur punën për zbardhjen e plotë të ngjarjes.

    Policia në vendngjarje

    Strefi nuk është një emër i panjohur për Policinë e Durrësit, pasi ai rezulton si person me precedentë të mëparshëm penalë. Në vitin 2014, gjatë operacionit “Klienti”, ai u arrestua pasi akuzohej për ‘falsifikim dokumentash’.

    NJOFTIMI I POLICISË:

    Për më shumë bëhu pjesë e grupit më viral në Facebook, Dosja.al

    Durrës/Informacion  paraprak

    Më datë 02.07.2020, rreth orës 16:30, në lagjen nr.13, Durrës,  pas një konflikti të çastit,  shtetasi A.V dyshohet se ka  qëlluar  në ajër me  armë zjarri.

    Shërbimet e Policisë janë vënë në ndjekje të autorit.

    Ndërkohë janë shoqëruar në Polici  për sqarimin e rrethanave të ngjarjes, disa persona që dyshohet se janë përfshirë në konflikt.

    (g.sh.k.m./dosja.al)

    Shto Koment