Aktualitet

Kishin mbushur makinën plot me drogë dhe po e sillnin në Tiranë, arrestohen 2 persona

Në një njoftim për mediat bëhet me dije se janë sekuestruar 27 kilogram kanabis sativa. 
Featured image of article: Kishin mbushur makinën plot me drogë dhe po e sillnin në Tiranë, arrestohen 2 persona Makina me drogë

VLORË- Dy persona janë arrestuar në Vlorë, pasi janë kapur duke udhëtuar në një makinë që ishte mbushur me drogë. Në një njoftim për mediat bëhet me dije se janë sekuestruar 27 kilogram kanabis sativa. 

Policia gjatë një operacioni në një nga rrugicat e qytetit të Vlorës ka gjetur automjetin  e mbushur plot me dorgë, që do dërgohej në Tiranë. Në pranga kanë rënë shtetasit E. J., 38 vjeç, banues në Tiranë dhe F. D., 32 vjeçe, banuese në Belsh, Elbasan.

NJOFTIMI I PLOTË

Për më shumë bëhu pjesë e grupit më viral në Facebook, Dosja.al

Goditet një tjetër rast i tentativës për trafikim të lëndëve narkotike. Sekuestrohen 27 kg cannabis sativa, vihen në pranga 2 shtetas. Në vijim të punës intensive për goditjen e veprimtarisë kriminale në fushën e narkotikëve, specialistët e Seksionit për Hetimin e Narkotikëve pranë Drejtorisë Vendore të Policisë Vlorë, në bazë të informacioneve të siguruara në rrugë operative, kanë parandaluar dhe goditur një tjetër rast të tentativës për trafikim të lëndëve narkotike. Si rezultat i veprimeve të shpejta profesionale u bë e mundur që në një nga rrugicat e qytetit të Vlorës të lokalizohej automjeti i dyshuar se mund të transportonte lëndë narkotike dhe falë ndërhyrjes në kohë u bë kapja dhe arrestimi në flagrancë i shtetasve: E. J., 38 vjeç, banues në Tiranë dhe F. D., 32 vjeçe, banuese në Belsh, Elbasan.

Gjatë kontrollit të ushtruar në automjetin tip “Voslkwagen” me drejtues shtetasin E. J. dhe pasagjere shtetasen F. D., Policia gjeti në bagazh dhe sekuestroi në cilësinë e provës materiale rreth 27 kg lëndë narkotike cannabis sativa, të cilën këta shtetas do ta transportonin drejt Tiranës, me qëllim shitjen dhe shpërndarjen e saj. Materialet procedurale do t’i kalojnë Prokurorisë së Vlorës, në ngarkim të shtetasve E. J. Dhe F. D., për veprime të mëtejshme hetimore, për veprën penale “Prodhimi dhe shitja e narkotikëve”, e kryer në bashkëpunim.

(A.B. Dosja.al)

Shto Koment