Aktualitet

EMRAT/ ‘E dogjën’ në dasmë dhe rrethuan nusen, pezullohen efektivët e Shkodrës që u filmuan duke kërcyer, gjobitet me 1 mln lekë lokali ku u bë dasma, procedohen edhe shefat e komisariatit

Sipas njoftimit zyrtar të policisë, këta efektivë kishin shkuar që të ushtronin kontroll, duke qenë se në këtë periudhë pandemie nuk lejohen ceremonitë martesore, por në vend që të mbyllnin lokalin ku ishte dasma, ata vetë janë futur të kërcejnë, siç edhe u pa në videon e publikuar një ditë më parë, teksa efektivët rrethonin nusen.
Featured image of article: EMRAT/ ‘E dogjën’ në dasmë dhe rrethuan nusen, pezullohen efektivët e Shkodrës që u filmuan duke kërcyer, gjobitet me 1 mln lekë lokali ku u bë dasma, procedohen edhe shefat e komisariatit Policët duke kërcyer
Përditësuar:

SHKODËR– Policia e Shtetit ka pezulluar nga detyra katër efektivët që kërcyen në një damsë në Malësinë e Madhe. Specialisti i policisë kriminale Jakup Reka, Specialisti i zonës Nikolin Rushaj dhe dy punonjës të Patrullës së Përgjithshme Skender Kazazi, Anton Malotaj janë pezulluar nga puna.

Sipas njoftimit zyrtar të policisë, këta efektivë kishin shkuar që të ushtronin kontroll, duke qenë se në këtë periudhë pandemie nuk lejohen ceremonitë martesore, por në vend që të mbyllnin lokalin ku ishte dasma, ata vetë janë futur të kërcejnë, siç edhe u pa në videon e publikuar një ditë më parë, teksa efektivët rrethonin nusen.

Gjithashtu po me urdhër të Drejtorit të Përgjithshëm të Policisë së Shtetit, pas inspektimit të bërë nga grupi i kontrollit i ngritur për këtë qëllim, Drejtoria e Standarteve Profesionale ka filluar ecurinë disiplinore për shkelje të rëndë për Shefin e komisariatit Malësi e Madhe Leonard Ndreka; Shefin e Rendit Skerdi Kasimati dhe Shefin e Krimeve Klodian Ceka, pasi janë vënë në dijeni për shkeljen e efektivëve të mësipërm dhe nuk kanë reaguar. 

Lokali ku ishte zhvilluar dasma u ndëshkua me 1.000.000 lekë gjobë, për organizim dasme në kundërshtim e Aktin Normativ, dhe gjithashtu u procedua edhe pronari i lokalit shtetasi E. R, banues në Malësinë e Madhe.

Për më shumë bëhu pjesë e grupit më viral në Facebook, Dosja.al

Malësia e Madhe, Shkodër

Menjëherë pas transmetimtit në rrjetet sociale për një ceremoni martesore të organizuar në kundërshtim me Aktin Normativ për marrjen e masave kufizuese me qëllim parandalimin e përhapjes së COVID-19, dhe në këtë aktivitet u shfaqën disa punonjës policie të IEVP (burgu) Reç, Malësi e Madhe, Drejtori i Përgjithshëm i Policisë së Shtetit urdhëroi ngritjen e një grupi kontrolli për nxjerrjen e përgjegjësive. Nga verifikimet e kryera nga grupi i kontrollit në bashkëpunim me Drejtorinë Vendore të Policisë Shkodër, u evidentua lokali ku ishte zhvilluar dasma dhe u ndëshkua me 1.000.000 lekë gjobë, për organizim dasme në kundërshtim e Aktin Normativ, pronari i lokalit shtetasi E. R, banues në Malësinë e Madhe. Nga verifikimet e kryera rezultoi se punonjësit e policisë që mbulojnë zonën policore Specialisti i Policisë Kriminale shtetasi J. R., Inspektori i policisë së zonës N. R., dhe dy punonjës të Patrullës së Përgjithshme S. K., dhe A. M.) nuk kishin ushtruar kontroll për zbatimin e masave për parandalimin e përhapjes së COVID-19 dhe për këtë shkelje të rëndë me urdhër të Drejtorit të Përgjithshëm të Policisë së Shtetit janë pezulluar nga detyra. Gjithashtu po me urdhër të Drejtorit të Përgjithshëm të Policisë së Shtetit, pas inspektimit të bërë nga grupi i kontrollit i ngritur për këtë qëllim, Drejtoria e Standarteve Profesionale ka filluar ecurinë disiplinore për shkelje të rëndë për Shefin e Komisariatit të Malësisë së Madhe L. N; Shefin e Rendit S.K; dhe Shefin e Hetimit të Krimit K.C.

(f.m/dosja.al)

Shto Koment