Aktualitet

E RËNDË në Lezhë/ Fqinji plagos 43-vjeçarin me pushkë pas sherreve për pronat, i terrorizon gruan dhe fëmijët që po çonte në shkollë, arrestohet pas dy orësh ndjekje nga policia

VIDEO
Plagoset me pushkë Hilë Gjini, 43 vjeç, banues në Kodër-Balldre të Lezhës. Ngjarja ndodhi mëngjesin e sotëm në sy të gruas dhe fëmijëve të 43-vjeçarit. Autori, fqinj i të plagosurit, Gjergj (Gjin) Gjini, arrestohet pas dy orësh ndjekje nga policia.
Featured image of article: E RËNDË në Lezhë/ Fqinji plagos 43-vjeçarin me pushkë pas sherreve për pronat, i terrorizon gruan dhe fëmijët që po çonte në shkollë, arrestohet pas dy orësh ndjekje nga policia Hilë Gjini dhe pamje nga vendi i ngjarjes

LEZHË– Hilë Gjini, 43 vjeç dhe banues në Kodër-Balldre të Lezhës, u terrorizua mëngjesin e sotëm teksa dërgonte tre fëmijët e tij në shkollë, bashkë me të shoqen. Fqinji i 43-vjeçarit, Gjergj (Gjin) Gjini, pas konflikteve të vazhdueshme për motive pronësie me të, i preu rrugën dhe i doli para automjetit “Mercedez Bnez”, duke e qlluar dy herë me pushkë.

Për pasojë, Hilë Gjini mbeti i plagosur, ndërsa gruaja e fëmijët u frikësuan pasi panë të gjithë skenën. Ashtu i gjakosur, 43-vjeçari qëndroi në makinë derisa në vendin e ngjarjes mbërriti policia dhe ambulance për t’i dhënë ndihmën e parë mjekësore.

Ndërsa autori i plagosjes, 69 vjeç, u largua bashkë me armën e krimit. Pas dy orësh ndjekje nga policia, Gjergj Gjini u vu në pranga, ndërsa pushka me të cilin qëlloi fqinjin u sekuestrua. Tashmë i plagosuri Hilë Gjini ndodhet në spitalin e Lezhës, jashtë rrezikut për jetën, ku po merr dhe ndihmën e nevojshme mjekësore.

Për më shumë bëhu pjesë e grupit më viral në Facebook, Dosja.al

Dosja.al ka sjellë edhe pamje nga vendi i ngjarjes që tronditi Lezhën mëngjesin e sotëm. Dosja.al ka mësuar edhe se Hilë Gjini, ka qenë këshilltar komunal në Balldre të Lezhës në vitet 2011-2015, gjë e cila u dyshua si shkaku i plagosjes. Por pista e hetimit, është fokusuar më tepër tek konflikti për pronat, duke qenë se i plagosuri dhe autori janë fqinj me njëri-tjetrin. Në pyetje po merren edhe fqinjët e tjerë të dyja palëve, bashkë me gruan e 43-vjeçarit.

(f.m/dosja.al)

  • 16:51

    Plagosi me 2 plumba në këmbë fqinjin në Lezhë, zbardhet DËSHMIA e autorit: Kishim konflikt që në 2004, më helmoi delet!

    Është zbarudhur dëshmia e 69-vjeçarit Gjergj Gjini, i cili plagosi me armë zjarri fqinjin e tij Hilë Gjinin, teksa ky i fundit po çonte në shkollë dy fëmijët e tij. Burime për Dosja.al bëjnë me dije se autori i plagosjes është shprehur para Policisë se konflikti me 43-vjeçarin ka nisur që në vitin 2004, pasi sipas tij ai i kishte helmuar delet. “Kishim konflik që në 2004 pasi ai më helmoi delet,”- ka thënë autori mes të tjerash. Por nuk ka mbaruar këtu!  Ai ka shtuar se me Gjinin ka pasur edhe konflikte edhe për çështje pronësie, për të cilat kishin debatuar disa ditë më parë.

  • 16:52

    Plagosi me 2 plumba në këmbë fqinjin në Lezhë, zbardhet DËSHMIA e autorit: Kishim konflikt që në 2004, më helmoi delet!

    Zbardhet dëshmia e 69-vjeçarit Gjergj Gjini, i cili plagosi me armë zjarri fqinjin e tij Hilë Gjinin, teksa ky i fundit po çonte në shkollë dy fëmijët e tij. Autori i plagosjes është shprehur para Policisë se konflikti me 43-vjeçarin ka nisur që në vitin 2004, pasi sipas tij ai i kishte helmuar delet.

    “Kishim konflik që në 2004 pasi ai më helmoi delet,”- ka thënë autori mes të tjerash. Por nuk ka mbaruar këtu!

    Ai ka shtuar se me Gjinin ka pasur edhe konflikte edhe për çështje pronësie, për të cilat kishin debatuar disa ditë më parë.

  • 10:26

    Plagosi me automatik Hilë Gjinin dhe i terrorizoi gruan e fëmijët arrestohet pas dy orë ndjekjeje autori i ngjarjes

    Arrestohet Gjergj (Gjin) Gjini. 69-vjeçari është vënë në pranga nga Policia e Lezhës dhe akuzohet se ka plagosur Hilë Gjinin, mëngjesin e sotëm. Sipas njoftimit zyrtar të policisë, Gjini pas një debate për motive pronësi, i ka prerë rrugën fqinjit të tij 43 vjeç, dhe e ka qëlluar dy herë me pushkë, duke e lënë të plagosur. Hilë Gjini ishte duke dërguar fëmijët në shkollë me makinë, bashkë me të shoqen, të cilët panë të gjithë skenën e tmerrit. Tashmë, i plagosuri ndodhet në spitalin e Lezhës, jashtë rrezikut për jetën. Njoftimi i policisë Lezhë: Policia e Lezhës zbardhi dhe dokumentoi në kohë rekord ngjarjen e ndodhur mëngjesin e sotëm, ku mbeti i plagosur me armë zjarri shtetasi H. Gj. Kapet pas dy orë ndjekjeje nga shërbimet e Policisë së Lezhës, autori i dyshuar i plagosjes me armë zjarri të 43-vjeçarit. Shërbimet e Policisë gjetën dhe sekuestruan edhe armën e zjarrit tip “Pushkë”, me të cilën autori kreu plagosjen. Policia e Lezhës, menjëherë pas njoftimit të marrë për ngjarjen e ndodhur në fshatin Balldre, Lezhë, organizoi punën dhe falë reagimit në kohë dhe veprimeve të shpejta e profesionale bëri të mundur që pas dy orë ndjekjeje dhe kërkimesh, falë edhe mbështetjes së qytetarëve, të kapë në rrethinat e fshatit Balldre dhe të vërë në pranga shtetasin Gj. Gj., 69 vjeç, banues në Balldre. Ky shtetas dyshohet se për motive pronësie ka plagosur në këmbë, me armë zjarri, shtetasin H. Gj., i cili ndodhet në spital, nën kujdesin e mjekëve, jashtë rrezikut për jetën. Strukturat hetimore të DVP Lezhë, nën drejtimin e Prokurorisë së Rrethit Gjyqësor Lezhë, po vijojnë punën për dokumentimin e plotë te kësaj ngjarjeje.

  • 10:03

    Detaje të reja nga plagosja e Hilë Gjinit, kjo është detyra që ka mbajtur 43 vjeçari në vitet 2011-2015

    Kanë dalë në dritë detaje të reja nga plagosja e Hilë Gjinit në Balldre të Lezhës. Bëhet e ditur se Gjini ka qenë këshilltar komunal në Balldre të Lezhës në vitet 2011-2015. Kjo mund të ketë qënë dhe arsyeja e plagosjes që iu bë nga Gjin Gjini mëngjesin e sotëm. Mirëpo nga ana tjetër është ngritur si mundësi dhe konflikti për pronat.

  • 9:23

    Ky është Hilë Gjini, mbeti i plagosur teksa çonte fëmijët në shkollë

    Personi që po shikoni në foto është Hilë Gjini, i cili mbeti i plagosur mëngjesin e sotëm në Kodër-Balldre në Lezhë.

  • 9:17

    Qan e ulëret nga frika! Pamje të RËNDA nga vendi ku u plagos Hilë Gjini në Lezhë, momenti kur e shoqja nxjerr djalin e vogël nga makina

    Pamjet që po shikoni vijnë nga skena e rëndë që ndodhi mëngjesin e sotëm në Lezhë ku mbeti i plagosur Hilë Gjini. Siç shihet edhe në videon e publikuar nga Balkanweb, në vendin e ngjarjes janë ende fëmijët e Gjinit, ndërsa njërin prej tyre e nxjerr e ëma nga makina. I trembur nga gjithçka që ka parë, djali nis të qajë e të ulërasë. Ndërsa vajza tjetër, pak më e madhe në moshë, qëndron më e përmbajtur me çantën e shkollës në krahë.

     

  • 9:10

    Zbulohet emri i AUTORIT/ Ky është personi që plagosi Hilë Gjinin teksa çonte fëmijët në shkollë

    Gjin Gjini është personi që plagosi Hilë Gjinin në Lezhë. Dosja.al ka mësuar se autori është me të njëjtin mbiemër me të plagosirin, por nuk dihet nëse mes tyre ka lidhje familjare apo jo. Policia e ka shpallur në kërkim Gjin Gjinin, ndërsa Hila ndodhet në spital ku po merr ndihmën e nevojshme mjekësore. Në pyetje po merren fqinjët e të dy palëve për të mësuar shkaqet e ngjarjes, ndërsa raportohet paraprakisht se mund të ketë ndodhur për shkaqe pronësie.

  • 9:02

    FOTOT/ Kjo është makina ku u qëllua me automatik Hilë Gjini, gruaja dhe fëmijët panë horror me sy

    Fotot që po shikoni vijnë nga vendi ku ndodhi plagosja në Lezhë mëngjesin e sotëm. Aty dallohet qartë automjeti i llojit “Mercedez Benz” me ngjyrë gri, brenda të cilit ndodhej Hilë Gjini, bashkë me gruan dhe fëmijët të cilët po i dërgonte në shkollë. Por, rruga iu pre nga një person, që e qëlloi dy herë me automatik, duke e lënë të plagosur rëndë, gruaja dhe fëmijët panë horror me sy. Gjini ndodhet në spital në gjendje të rëndë për jetën.

  • 8:45

    FOTO NGA VENDNGJARJA/ Po çonte fëmijët në shkollë, si mori dy plumba në bark Hilë Gjini në Lezhë, qëndroi në makinë i gjakosur derisa shkoi policia

    Dosja.al ka zbardhur detaje të reja nga ngjarja që ka tronditur Lezhën mëngjesin e sotëm. Mësohet se 40-vjeçari i identifikuar si Hilë Gjini është nisur këtë mëngjes të dërgonte fëmijët në shkollë, por i është ‘prerë’ rruga. Një person, ende i paidentifikuar e ka qëlluar me armë zjarri dy herë në bark, duke e lënë të plagosur. Pavarësisht plagëve të marra, Hila ka qëndruar në makinën e tij, i gjakosur, derisa në vendin e ngjarjes ka mbërrritur policia.

  • 8:36

    Zbardhet EMRI/ Ky është personi që ka mbetur i plagosur me armë zjarri në Lezhë, autori, banor i zonës

    Dosja.al ka zbardhur emrin e personit që ka mbetur i plagosur mëngjesin e sotëm me armë zjarri në Lezhë. Mësohet se bëhet fjalë për 40-vjeçarin e identifikuar si Hilë Gjini. Ai ëshyë banues në Balldre dhe për momentin ndodhet në spital, ku po merr mjekimin e nevojshëm.

  • 8:20

    Njoftimi i policisë: Hilë Gjini qëllohet në këmbë, ndodhet jashtë rrezikut për jetën

    Lezhë/Informacion paraprak Në fshatin Balldre , Lezhë, pas një konflikti për motive ende të paqarta, shtetasi Gj.Gj.,ka plagosur me armë zjarri në këmbë shtetasin H.Gj.,43 vjeç, banues në fshatin Balldre, i cili është transportuar në spitalin Rajonal , Lezhë dhe ndodhet nën kujdesin e mjekëve, jashtë rrezikut për jetën. Grupi hetimor ndodhet ne vendngjarje dhe po punon për zbardhjen e plotë të rrethanave të ngjarjes. Shërbimet e Policisë të D.V.P. Lezhë dhe të Komisariatit të Policisë Lezhë po krehin zonën si dhe janë ngritur pika kontrolli për kapjen e autorit.

Shto Koment