Politike

‘Kemi gati strategji adoptimi’, Rama jep lajmin për urbanet: Në fillim të qershorit do prezantojmë metodologjinë, zgjasim fashat orare në zonat e gjelbra….kam diçka për ata që thonë se virusi del me orar

VIDEO
Ai në konferencën me gazetarët tha se gjithçka do të shihet ditë pas dite dhe do të ketë monitorim të rreptë.
Featured image of article: ‘Kemi gati strategji adoptimi’, Rama jep lajmin për urbanet: Në fillim të qershorit do prezantojmë metodologjinë, zgjasim fashat orare në zonat e gjelbra….kam diçka për ata që thonë se virusi del me orar Kryeministri, Edi Rama

TIRANË- Kryeministri Edi Rama ka folur sot për lehtësimin e masave dhe tha se për fillimin e qershorit do të shihet mundësia për hapjen e transportit urban. Ai në konferencën me gazetarët tha se gjithçka do të shihet ditë pas dite dhe do të ketë monitorim të rreptë.

“Dua të sjell në vëmendje që masat lehtësuese, sërish Tirana mbetet problem. Lehtësimi në Tiranë apo në zonat e tjera të kuqe, për momentin që flasim duket i pamundur edhe këtë javë. Në pjesën tjetër do të vijojmë. Kemi diskutuar lidhur me mundësinë për hapjen e kopështeve dhe çerdheve më 1 qershor, nëse numrat do të vijojnë të jenë stabël, ne do të hapim kopështet dhe çerdhet, me rregulla komplet të tjera nga ato që kanë ekzistuar më parë. Do të vijojmë me lehtëismin e qarkullimit, zgjatjen e orareve, jashtë zonave të kuqe. Me këtë rast dua të përfitoj t’ju jap përgjigje për ata që ironizojnë si ato fasha orare, kur del virusi dhe kur ikën në shtëpi.

Për më shumë bëhu pjesë e grupit më viral në Facebook, Dosja.al

Shtrirja e fashave orare ka shqetësimin që lidhet me nevojën për t’u grumbulluar dhe për të hapur aktivitete të tjera, ndaj këto zhvillohen në mënyrë të balancuar. Serbia ka bërë hapa më të shpejtë për shkak të zgjedhjeve lokale që ka. Dua të përsëris që të gjitha lokalet duhet të jenë brenda rregullave. Do t’i monitorojmë nga shumë afër. Duhen masa të rrepta. Janë nën detyrim për të mbrojtur shëndetin e shqiptarëve. Koreja e Jugut u kthye mbrapsht për shkak të një zinxhiri infeksioni nga lokalet. Kemi nisur punën për një strategji adoptimi të transportit. Do e japim në fillim të qershorit. Si do të jetë transporti në kushtet jo vetëm nga virusi, por sidoqoftë është e rëndësishme çfarë bëjnë njerëzit vetë“, u shpreh Rama.

(K.M. Dosja.al)

Shto Koment