Aktualitet

Kapen hajdutët e kostumeve në Kurbin, çifti vodhi 23 veshje kombëtare, iu gjenden edhe opinga popullore

Cifti u arrestua në flagrancë, ndërkohë që iu sekuestruan 23 kostume të vjedhura, 5 palë opinga popullore dhe 2 celularë.
Featured image of article: Kapen hajdutët e kostumeve në Kurbin, çifti vodhi 23 veshje kombëtare, iu gjenden edhe opinga popullore Foto ilustruese

KURBIN–Janë arrestuar nga Policia e Shtetit, dy persona të cilët akuzohen se kanë vjedhur dhe mashtruar duke vjedhur 23 kostume kombëtare në një pikë shitjeje në Kurbin. Cifti i grabitësve u ndalua pasi u lokalizua nga policia në një operacion të koduar Tapiza, pas denoncimit të pronarëve të kostumeve. S. B., 54 vjeç, banues në Tiranë, i dënuar më parë për “Mashtrim” dhe M. D., 51 vjeçe, banuese në Tiranë, u arrestuan në flagrancë, ndërkohë që iu sekuestruan 23 kostume të vjedhura, 5 palë opinga popullore dhe 2 celularë.

Njoftimi i plotë:

Kurbin-Finalizohet operacioni policor i koduar “Tapiza”.

Falë reagimit të shpejtë të Policisë lokalizohen, kapen dhe arrestohen 2 shtetas të cilët me anë të mashtrimit vodhën në një pikë shitje në Kurbin, disa kostume kombëtare. Specialistët për hetimin dhe parandalimin e krimit në Komisariatin e Policisë Kurbin, nisur nga kallzimi që shtetasit M. H., dhe K. B., bënë pranë Komisariatit të Policisë Kurbin, se dy shtetas me anë të mashtrimit iu kishin vjedhur në pikën e tyre të shitjes në Kurbin disa kostume kombëtare, organizuan operacionin policor të koduar “Tapiza”.

Si rezultat i zhvillimit të operacionit, falë dhe informacioneve të siguruara në rrugë operative se dy autorët e vjedhjes po lëviznin me mjet në drejtim të Tiranës, shërbimet e Policisë Kurbin kanë organizuar punën dhe janë vënë në ndjekje të tyre, ku në vendin e quajtur “Ura e Tapizës” është konstatuar dhe bllokuar mjeti me të cilën dy autorët po lëviznin.

Për më shumë bëhu pjesë e grupit më viral në Facebook, Dosja.al

Në vijim është ushtruar kontroll në mjetin e bllokuar, ku gjatë kontrollit u gjetë dhe u sekuestrua në cilësinë e provës materiale: 23 kostume kombëtare të llojeve të ndryshme, 5 palë opinga popullore (të vjedhura në pikën e shitjes në Kurbin) dhe dy aparate celular.

Në përfundim të veprimeve të para hetimore u bë arretimi në flagrancë për veprën penale “Vjedhje”, të dy autorëve, shtetasve:

– S. B., 54 vjeç, banues në Tiranë (i dënuar më parë për “Mashtrim”);
– M. D., 51 vjeçe, banuese në Tiranë.

Materialet procedurale u referuan për veprime të mëtejshme pranë Prokurorisë së Rrethit Gjyqësor Kurbin.

(F.G/DOSJA.AL)

Shto Koment