Aktualitet

FOTO/ Kanabis brenda kovave të djathit në Shkodër, 4 të arrestuar, i riu ia mbathi sa pa policët, kur e kontrolluan iu gjet “çokollata”

Gjithashtu, në kuadër të këtij operacioni, në bazë të informacioneve të marra në rrugë operative se një shtetas merrej me shitje dhe shpërndarje të lëndëve narkotike në qytetin e Shkodrës, specialistët e Seksionit Kundër Narkotikëve dhe Trafiqeve të Paligjshme në DVP Shkodër kanë ushtruar kontrolle në zona të ndryshme në qytet dhe si rezultat në sheshin “Demokracia” kanë konstatuar shtetasin G. S., i cili kur ka parë shërbimet e Policisë, ka tentuar të largohet. Gjatë kontrollit fizik, këtij shtetasi i është gjetur një sasi lënde narkotike e dyshuar cannabis sativa në formë çokollate.
Featured image of article: FOTO/ Kanabis brenda kovave të djathit në Shkodër, 4 të arrestuar, i riu ia mbathi sa pa policët, kur e kontrolluan iu gjet “çokollata” Foto e droges ne kova djathi

SHKODËR– 4 shtetas janë arrestuar nga Policia e Shtetit pasi kanë futur një sasi kanabisi në një kovë djathi me qëllim për ta fshehur atë nga kontrollet e policisë. Të arrestuarit janë: J.Sh.31 vjeç, B.S., 36 vjeç dhe K.S., 50 vjeç. Policia i zbuloi trafikantët përmes informacionit të marrë në rrugë operative se brenda një makine po transportohej kanabis. Ndërsa personi i katërt është arrestuar gjatë një kontrolli rutinë, ku ka parë policinë dhe është larguar me vrap. Kur efektivët e kanë ndaluar i kanë gjetur kanabisin në formë çokollate që mbante me vete.

NJOFTIMI I PLOTË: 

Shkodër Finalizohet operacioni policor i koduar “Armstrong”. Goditen dy raste të prodhimit dhe shitjes së lëndëve narkotike, sekuestrohet lëndë narkotike kanabis. Arrestohen në flagrancë 4 shtetas. Specialistët e Seksionit Kundër Narkotikëve dhe Trafiqeve të Paligjshme në DVP Shkodër, në zbatim të planit të masave dhe planit operacionit “Armstrong”, në bazë të informacioneve të marra në rrugë operative se një mjet po transportonte lëndë narkotike në drejtim të Shkodrës, kanë organizuar punën dhe kanë lokalizuar mjetin me drejtues shtetasin J. Sh. dhe pasagjerë shtetasit B. S. dhe K. S. Gjatë kontrollit të ushtruar në këtë mjet, shërbimet e Policisë kanë gjetur brenda një kove me djathë, një qese me lëndë narkotike, me peshë rreth 1 kg.

Për më shumë bëhu pjesë e grupit më viral në Facebook, Dosja.al

Gjithashtu, në kuadër të këtij operacioni, në bazë të informacioneve të marra në rrugë operative se një shtetas merrej me shitje dhe shpërndarje të lëndëve narkotike në qytetin e Shkodrës, specialistët e Seksionit Kundër Narkotikëve dhe Trafiqeve të Paligjshme në DVP Shkodër kanë ushtruar kontrolle në zona të ndryshme në qytet dhe si rezultat në sheshin “Demokracia” kanë konstatuar shtetasin G. S., i cili kur ka parë shërbimet e Policisë, ka tentuar të largohet. Gjatë kontrollit fizik, këtij shtetasi i është gjetur një sasi lënde narkotike e dyshuar cannabis sativa në formë çokollate.

Në përfundim të veprimeve u bë arrestimi në flagrancë i shtetasve: J. Sh. 31 vjeç, banues në fshatin Vrak, Malësi e Madhe; B. S., 36 vjeç, banues në fshatin Grude e Re, Shkodër; K. S., 50 vjeç, banues në fshatin Grude e Re , Shkodër dhe G. S., 21 vjeç, banues në Shkodër, për veprat penale “Prodhimi dhe shitja e narkotikëve” kryer në bashkëpunim” dhe “Pastrim i produktit të veprës penale”. Materialet iu referuan Prokurorisë së Rrethit Gjyqësor Shkodër, për veprime të mëtejshme.

(F.g/dosja.al)

Shto Koment