Aktualitet

I vrarë me armë zjarri, gjendet i vdekur 34-vjeçari në Vlorë, ekspertiza i zbulon plumbin në shpatull

  • Me plumb në shpatull, del ekspertiza për 34-vjeçarin nga Vlora: U vra me armë zjarri
  • Kreshnik Dashi vritet me armë zjarri në Vlorë. I ndjeri u vra pak pas mesnatës, pasi la punën. Trupi i pajetë u gjet sot paradite pranë pistës së avionëve në Vlorë. Nuk dihen autorët. 34-vjeçari ishte baba i një fëmije, punonte në një firmë këpucësh dhe nuk rezulton të ketë preçedentë penalë.
    Përditësuar:

    VLORË– Një 34-vjeçar i identifikuar si Kreshnik Dashaj është vrarë me armë zjarri ditën e sotme në Vlorë. Trupi i tij u gjet i pajetë pranë kupolës së avionëve në qytetin e Vlorës, në lagjen “Kushtrimi”.

    Burime nga policia e Vlorës bënë me dije për Dosja.al se 34-vjeçari është baba i një fëmije dhe punonte në një firmë këpucësh. Dashi është vrarë disa orë pasi ka lënë punën e tij në mesnatë, ndërsa trupi i pajetë u pikas vetëm paraditen e sotme.

    Fillimisht u dyshua se i riu kishte ndërruar jetë nga infarkti pasi kishte pasur probleme me zemrën, por ekspertiza e plotë mjeko-ligjore zbuloi plumbin në shpatull duke shuar çdo dyshim për mënyrën se si Dashi kishte humbur jetën. 

    Kreshnik Dashi nuk rezulton të jetë një person me precedentë penalë, kështu që ende nuk dihen shkaqet e vrasjes apo pistat e para për autorët. Ndërkohë që hetimet për ngjarjen vazhdojnë.

    (f.m/dosja.al)

    • 18:41

      Del FOTO/ U vra me armë pranë banesës, kush është 34-vjeçari nga Vlora

      VLORË– Dosja.al ka siguruar foton e 34-vjeçarit, Kreshnik Dashajt, i cili u gjet i pajetë mëngjesin e sotëm.  Fotoja është marrë nga njoftimi i vënë nga familjarët për ndarjen nga jeta të të afërmit të tyre.

    • 15:53

      Me plumb në shpatull, del ekspertiza për 34-vjeçarin nga Vlora: U vra me armë zjarri (VD)

      Kreshnik Dashi, viktima

      VLORË- Ekspertiza e plotë mjeko-ligjore ka zbuluar se 34-vjeçari që u gjet i vdekur në Vlorë pranë kupolës së avionëve është vrarë me armë zjarri. Burime nga policia e Vlorës, bëjnë me dije për Dosja.al se i ndjeri Kreshnik Dashi kishte një plagë në pjesën e pasme të shpatullës, që është shkaktuar nga një armë zjarri.

      Ende nuk bëhen me dije rrethanat e ngjarjes apo se kush mund të jenë autorët, ndërkohë që hetimet për rastin vazhdojnë.

      34-vjeçari Kreshnik Dashi punonjës në një firmë këpucësh në Vlorë u gjet i pajetë paraditen e sotem. Babai i një fëmije vuante nga probleme me zemrën dhe fillimisht u dyshua se kishte ndërruar jetë për shkaqe natyrale.

      Njoftimi i policisë:

      Në lidhje me ngjarjen ku në orët e para të mëngjesit të sotëm u gjet një person i pajetë në afërsi të banesës së tij në lagjen “Kushtrimi”, ku nga veprimet paraprake rezultoi pa shenja dhune, ju informojmë se:

      Pas hetimeve të mëtejshme, nga ekspertiza e plotë mjeko-ligjore, në trupin e 34 vjeçarit K.D, konkretisht në pjesën e pasme të shpatullës është konstatuar një plagë e cila dyshohet të jetë shkaktuar nga armë zjarri.

      34 vjeçari punonte në një firmë këpucësh në qytetin e Vlorës dhe nga ana e Policisë nuk njihet si person me precedent penal.

      Në Policinë e Vlorës është ngritur një grup i posaçëm hetimor me qëllim dokumentimin dhe zbardhjen e plotë të ngjarjes.

      Vijojnë hetimet e mëtejshme në bashkëpunim me Prokurorinë për sqarimin e rrethanave dhe vendosjen para përgjegjësisë penale të autorit/ve.

    • 13:36

      34-vjeçari i vdekur, policia jep detaje

      Policia në vendin e ngjarjes

      Njoftimi i policisë Vlorë

      Në orët e para të mëngjesit të sotëm, në lagjen “Kushtrimi” Vlorë, pranë kupolës së avionave është gjetur i shtrirë në tokë i pajetë shtetasi K.D., 34 vjeç.

      Nga kqyrja paraprake në trupin e viktimës nuk vërehen shenja dhune apo dëmtime të tjera. Dyshohet se vdekja mund ti ketë ardhur nga ndonjë arrest kardiak pasi ka patur probleme me zemrën.

    • 13:36

      Me shenja në kokë dhe shpatull, vdekja e 34-vjeçarit në Vlorë u shton dyshimet familjarëve, kërkojnë autopsinë

      Policia në vendin e ngjarjes

      Dosja.al ka zbardhur detaje të reja në lidhje me 34-vjeçarin që u gjet i pajetë në Vlorë pranë kupolës së avionëve.

      Mësohet se trupin e të ndjerit me inicialet K.D., janë pikasur shënja dhunë në shpatull dhe në kokë, gjë që u ka shtuar dyshimet familjarëve.

      Ata tashmë ndodhen jashtë morgut ku pop resin për rezultatet e autopsisë.

    • 13:36

      Ishte duke shkuar në punë, si e gjeti vdekjen 34-vjeçari në Vlorë, babai i një fëmije

      Kreshnik Dashi, viktima

      Dosja.al ka zbardhur detaje të reja për 34-vjeçarin që u gjet i pajetë pranë kupolës së avionëve në lagjen “Kushtrimi” në Vlorë.

      Mësohet se i ndjeri ishte baba i një fëmije. 34-vjeçari me inicialet K.D.. ishte nisur për në punë mëngjesin e sotëm dhe është rrëzuar në rrugë. ai kishte probleme me zemrën dhe mësohet se ky është një nga shkaqet që mund ta ketë çuar drejt vdekjes.

    Shto Koment