Aktualitet

Tragjedi në Ostren! Rrjedhje gazi nga bombola në familjen Tolaj, vdes nëna dhe dy fëmijët e saj, vajza tjetër mbijeton (VD)

  • Meta viziton të mbijetuarën e familjes Tolaj: I tronditur. Do jem gjithmonë pranë tyre
  • Flet e afërmja e familjes Tola: E mësova përmes televizorit. Ata ngroheshin me dru
  • E rëndë në Bulqizë! Nëna me dy fëmijët e saj janë helmuar nga gazi i një bombole. Fëmija i tretë jashtë rrezikut për jetën. 40-vjeçarja është identifikuar si Rajmonda Tolaj, ndërsa fëmijët si Rudina, Fatjon dhe Merita.
    Featured image of article: Tragjedi në Ostren! Rrjedhje gazi nga bombola në familjen Tolaj, vdes nëna dhe dy fëmijët e saj, vajza tjetër mbijeton (VD) Pamje nga banesa ku ndoshi ngjarja

    BULQIZË– Tragjedi në fshatin Guri në njësinë administrative Ostren i Madh në Bulqizë. Nëna me dy fëmijët e saj kanë humbur jetën si pasojë e rrjedhjes së gazit nga një bombolë gjatë natës. Ndërsa vajza tjetër, Merita Tolaj ndodhet nën kujdesin e mjekëve në spitalin e Tiranës dhe fatmirësisht ka arritur t’i mbijetoje helmimit të gazit që u mori jetën tre familjarëve të saj. 

    Presidenti Ilir Meta ka vizituar të mbijeturën e familjes Tola, Merita pak pas lajmit se vajza e kaloi rrezikun. Meta u shpreh se do të jetë gjithmonë pranë familjes Tolaj dhe do t’i ndihmojë ta kalojnë këtë tragjedi.

    Burime të Dosja.al bëjnë me dije se ka ndërruar jetë nëna e identifikuar si Rajmonda Tolaj, 40 vjeç bashkë me fëmijët e saj Rudinën (19 vjeç) dhe Fajtonin (14 vjeç). Ndërsa Merita (vajza e vogël 16 vjeçe) ndodhet në spitalin e Tiranës. Mësohet se ka qenë kunata e Rajmondës ajo që zbuluar tragjedinë në momentin kur kishte shkuar për t’i hedhur bagëtive për të ngrënë. Ajo trokiti rreth orës 11:30 në banesën e kunatës por askush nuk u përgjigj. Pasi njoftoi edhe fqinjët, të cilët hapën me forcë derën, u përball me tragjedinë e ndodhur në banesë.

    Për më shumë bëhu pjesë e grupit më viral në Facebook, Dosja.al

    Në banesë gjatë natës ndodhej vetëm Rajmonda me tre fëmijët e saj pasi bashkëshorti Ylber Tola ndodhej në Greqi, ku edhe punonte.  Sipas policisë tragjedia e trefishtë në Ostren u shkaktua si pasojë e asfiksisë nga rrjedhja e gazit, ndërsa mjeku i zonës nuk përjashton as mundësinë që familja të jetë helmuar nga ushqimi. Ai u shpreh se bombola ndodhej jashtë shtëpisë.

    E afërmja e famijes Tola, Lumturije Bajrami rrëfen se ngjarjen e ka mësuar nga televizori, pasi ka parë emrin e mbesës. Ajo tregon se familja Tola përdorte dru për ngrohje, jo gaz.

    Ndërkohë, Inspektorati Shtetëror Teknik Industrial ka shkuar në banesën e familjes Tola në ostren të Bulqizës, për të bërë verifikimet mbi shkaqet e vdekjes së tre anëtarëve. ISHT ngre dyshimet se familja Tola mund të jetë asfiksuar nga tymi i sobës me dru.

    (F.g.k.m;f.m/dosja.al)

    • 21:02

      Mbërrijnë në morg tre trupat e pajetë të familjes Tolaj, ekspertiza do të përcaktojë shkakun e tragjedisë së trefishtë

      Foto ilustruese

      Kanë mbërritur në morgun e spitalit Rajonal të Dibrës tre trupat e pajetë të familjes Tolaj, Rajmonda, Rudina e Fatjon, për t’iu nënshtruar ekspertizës mjeko-ligjore. Tre pjesëtarët e familjes Tola, nëna 40 vjeçe, vajza e madhe 20 vjeçe dhe djali 15 vjeç dyshohet se humbën jetën nga asfiksia e rrjedhjes së gazit, por nga ana tjetër ekziston mundësia që asfiksimi i tyre të ketë ardhur nga mangalli apo të jenë helmuar nga ushqimi. Ndërkohë, një ekip i ekspertizës mjekoligjore është nisur drejt Peshkopisë për të bërë verifikimin dhe përcaktimin e shkaqeve të vërteta të tragjedisë së trefishtë në familjen Tolaj.

    • 19:41

      ISHT ngre dyshime: Familja Tola mund të jetë asfiksuar nga tymi i sobës me dru

      Në foto, shtèpia e familjes Tola

      Pas tragjedisë së ndoodhur ditën e sotme, Inspektorati Shtetëror Teknik Industrial  (ISHTI), me një grup ekspertësh ka shkuar në banesën e familjes Tola në ostren të Bulqizës, për të bërë verifikimet mbi shkaqet e vdekjes së nënës bashkë me dy fëmijët brenda banesës së tyre. Nga kqyrja e vendngjarjes, grupi i ekspertëve ka konstatuar një bombol gatimi me gaz në ballkonin e shtëpisë, e cila ishte me siguresë të mbyllur, ndërsa në banesë nuk është ndjerë erë gazi, gjë që heq dyshimet e tyre se familja mund të jetë asfiksuar nga gazi. Por në banesë ndodhej një sobë me dru, me të cilën ngrohej familja Tola çka ngre dyshimet që familja mund të jetë asfiksuar nga tymi i përhapur në dhomën ku ata ishin duke fjetur.

      Bombola e gazit në shtëpinë e familjes Tola

      “Kjo në foto është bombola e gazit në shtëpinë e familjes Tola në Bulqizë e gjetur nga grupi i ekspertëve të Inspektoriatit Shtetëror Teknik Industrial – ISHTI. Ajo ka qenë në pjesën e ballkonit të banesës. Kjo bombol mban rreth 10 litra gaz por në momentin kur është gjetur nga ekspertët ka rezultuar me 5 litra por me siguresë të mbyllur. Ndërkohë në pjesën e brendshme të shtëpisë në një dhomë të vogël grupi i ekspertëve ka evidentuar një sobë drush çka ka bërë që të dyshojnë që vdekja e anëtarëve të familjes Tola të ketë ardhur si pasoje e sasisë së madhe të druve dhe mbushjes së dhomës me sasi të madhe tymi. Gjithashtu ekspertët e ISHTI thonë që në momentin që kanë shkuar në banesë por edhe nga komunikimet me fqinjët nuk kanë ndjerë erë gazi. Fakti që bombola e gazit ka qenë me siguresë të mbyllur i bën ata të presin rezultatet e ekspertizës për të dhënë përgjigjen e saktë sa i takon arsyes që i mori jetën nënës dhe dy fëmijëve të familjes Tola në Bulqizë”, bën të ditur ISHTI përmes një njoftimi për mediat.

    • 18:34

      Tragjedia në Bulqizë/ Flet e afërmja e familjes Tola: E mësova përmes televizorit. Ata ngroheshin me dru

      Lumturije Bajrami

      E afërmja e familjes Tola ka folur për ngjarjen e rëndë që ndodhi ditën e sotme në Bulqizë, kur nëna sëbashkimme dy fëmijët e saj u gjetën të pajetë brenda banesës së tyre. Nusja e dajës së Rajmonda Tolës, Lumturije Bajrami rrëfen se ngjarjen e ka mësuar nga televizori, pasi ka parë emrin e mbesës. Ajo tregon se familja Tola përdorte dru për ngrohje, jo gaz. Sipas saj familja merredj mem bagëti, pasi ndodhej në gjendje të vështirë ekonomike.

      “E mora vesh përmes televizorit. Bashkëshorti është emigrant në Greqi. Ata përdornin zjarr për t’u ngrohur. Rajmonda ishte shtëpiake. Merren me bagëti se nuk kishin gjendje të mirë ekonomike”, rrefeu Lumturija.

      Thuhet se u helmuan nga rrjedhja e gazit, dini gjë ju?

      Lumturije: Unë skam asnjë informacion, i kam marrë në telefon dhe dëgjoj vetëm të qara.

    • 17:23

      Fije shprese mes tragjedisë së Ostrenit, 16-vjeçarja e familjes Tolaj i mbijeton helmimit nga gazi

      16-vjeçarja, anëtarja e familjes Tolaj në Ostren të Bulqizës ka dalë nga rreziku për jetën. Dosja.al mëson se Merita Tolaj ndodhet nën kujdesin e mjekëve në spitalin e Tiranës dhe fatmirësisht ka arritur t’i mbijetoje helmimit të gazit që u mori jetën tre familjarëve të saj.

    • 13:10

      Tragjedia në Bulqizë, policia jep detaje: Vajza tjetër në gjendje të rëndë

      Foto ilustruese

      Policia e Bulqizës ka dhënë informacion paraprak, lidhur me ngjarjen e rëndë në Bulqizë, një nënë sëbashku me dy fëmijët e saj, u gjetën të pajetë në banesën e tyre. Në njoftimin e policisë, bëhet me dije se vajza e dytë e familjes Tola ndodhet në gjendje të rëndë në spital.

      Informacion paraprak

      Bulqizë

      Në Ostren, Bulqizë, është marrë informacion se në banesë janë gjetur pa shenja jete shtetasja R.T, rreth 40 vjeçe, dhe dy fëmijët e saj (vajza dhe djali), që dyshohet se janë helmuar nga bombola gazit. Në gjendje të rëndë shëndetësore është dhe një pjestar tjetër i familjes ku po transportohet për në spital. Grupi hetimor ka shkuar në vendngjarje dhe vijon hetimet për zbardhjen e ngjarjes”.

    • 16:47

      Meta: Thellësisht i tronditur, do të jemi gjithmonë pranë familjes Tola

      Ilir Meta dhe pamje nga Bulqiza

      Presidenti Ilir Meta ka shprehur ngusëllimet për tragjedinë e ndodhur sot në Bulqizë, ku humbën jetën nëna me dy fëmijët, ndërsa vajza tjetër ndodhet në gjendje të rëndë. Përmes një mesazhi në “Facebook”, kreu i shtetit shpreh dhimbjen e madhe për këtë tragjedi, ndërsa i uron shërbim të shpejtë vajzës së mitur,  e cila po lufton me jetën

      “Thellësisht i tronditur nga tragjedia në Ostren të Bulqizës. Duke ndarë dhimbjen e madhe me familjen Tolaj, të afërmit dhe mbarë komunitetin e Bulqizës, shpreh ngushëllimet më të sinqerta dhe uroj shërim sa më të shpejtë të vajzës së mitur që po merr ndihmën mjekësore. Do të jemi gjithmonë pranë familjes Tolaj!”, shkruan Meta në Facebook.

    • 15:21

      Detaje të reja nga tragjedia në Bulqizë, mjeku: Dyshohet helmim nga ushqimi, pritet ekspertiza mjeko-ligjore

      Spitali i Bulqizës

      Detaje të reja nga vdekja e nënës me dy fëmijët në Bulqizë. Ngjarja e rëndë fillimisht u raportua si asfiskim për shkak të bombolës së gazit, tashmë dyshohet që shkaktar për këtë të jetë helmimi nga ushqimi.Mjeku i zonës ka deklaruar se bombola e gazit ka qenë jashtë dhomës, ku u gjetën të pajetë nëna me dy fëmijët, si dhe dritaret e saj kanë qenë të hapura.

      “Bombola e gazit ka qenë jashtë dhomës. Dyshohet helmim nga ushqimi, pritet ekspertiza mjeko-ligjore”, ka thënë mjeku i zonës.

    • 14:19

      Basha: Me tronditje dhe dhimbje ndoqa këtë lajm

      Kreu i Partisë Demokratike, Lulzim Basha, ka reaguar në lidhje me tragjedinë që ndodhi sot në Ostren të Bulqizës. Në një reagim në mediat sociale, Basha shkruan se shpreh ngushëllimet për këtë tragjedi dhe i uron shërim të shpejtë vazjës që po merr ndihmë mjekësore.

      Lulzim Basha, kreu i Partisë Demokratike

      Me tronditje dhe dhimbje ndoqa lajmin për tragjedinë në Ostren të Bulqizës ku humbën jetën një nënë dhe dy fëmijët e saj. Shpreh ngushëllimet e mia të thella për familjen Tolaj dhe uroj shërim të shpejtë vajzës tjetër të familjes që po merr ndihmën mjekësore”, shkruan Basha.

    • 13:33

      Nëna me tre fëmijët u helmuan nga gazi, kush i gjeti trupat në ‘gjumin e vdekjes’, kryefamiljari emigrant në Greqi

      Ambulancat në vendin e ngjarjes

      Detaje të reja janë zbuluar nga ngjarja e rëndë e ndodhur në Bulqizë, ku nëna me tre fëmijët janë helmuar nga bombula e gazit. Si pasojë ajo dhe dy fëmijët kanë ndërruar jetë, ndërsa vajza e vogël është në gjendje të rëndë. Mësohet se ka qënë kunata e Rajmondës ajo që zbuluar tragjedinë në momentin kur kishte shkuar për t’i hedhur bagëtive për të ngrënë. Ajo trokiti rreth orës 11:30 në banesën e kunatës por askush nuk u përgjigj. Pasi njoftoi edhe fqinjët, të cilët hapën me forcë derën, u përball me tragjedinë e ndodhur në banesë. Në banesë gjatë natës ndodhej vetëm Rajmonda me tre fëmijët e saj pasi bashkëshorti Ylber Tola ndodhej në Greqi, ku edhe punonte.

    • 13:10

      Vdiq vetë bashkë me dy fëmijët, zbulohet identiteti i nënës 40-vjeçare nga Bulqiza

      Pamje nga banesa

      Zbulohet identiteti i nënës nga fshati Guri në njësinë administrative në Ostrenjë. Mësohet se ka humbur jetën 40-vjeçarja Rajmonda Tola bashkë me fëmijët e saj Rudinën dhe Fajtonin. Ndërsa Merita (vajza e vogël 14 vjeçe) ndodhet në spital në gjendje të rëndë.

    • 12:25

      Kreu i Bashkisë së Bulqizës: Viktimat mund të jenë asfiksuar nga gazi

      Lefter Alla

      Kreu i bashkisë së Bulqizës, Lefter Alla ka deklaruar se viktimat që kanë humbur jetën në fshatin Ostren i Madh janë të familjes së Ylber Tola. Ai theksoi se viktimat mund të jenë asfiksuar nga gazi dhe se vetëm një nga vajzat e familjes ka mundur të shpëtojë.

      “Ka ndodhur në banesën e Ylber Allës. Viktimat janë të familjes Tola  Është një zonë e lartët, duhet kohë që të mbërish aty, i orë larg nga qyteti. Dyshohet për bobël, për asfiksim nga gazi, është nisur policia në drejtim të fshatit. Mes viktimave ka fëmijë. ka shpëtuar vetëm vajza e familjes Tola, “, u shpreh për |”Fax News” Lefter Alla.

    • 12:13

      Helikopteri niset me urgjencë drejt Bulqizës, më lehtë shkohet në Maqedoni

      Foto ilustruese

      Detaje të reja janë zbuluar nga ngjarja e rëndë në fshatin Ostren i Madh në Bulqizë, ku nga shpërthimi i një bombole gazi kanë vdekur 3 persona dhe 1 është plagosur rëndë. Mësohet se fshati Ostren i Madh është fshati më i largët i qarkut të Dibrës. Burime të Dosja.al bëjnë me dije se një helikopter është nisur për të dërguar të plagosurin në spital. Por ndërkohë më afër është që i plagosuri të transportohet në Maqedoni për shkak të afërsisë.

    Shto Koment