Aktualitet

Asnjë gjurmë nga viktima/ Fshehu rrobat dhe sendet e Prengës, arrestohet në Kavajë anëtari i fisit Hajri, gjashtë të tjerë shpallen në kërkim

Gjithashtu, burime nga grupi hetimor bëjnë me dije se janë shpallur në kërkim edhe gjashtë persona të tjerë, po nga e njëta familje, të cilët dyshohen të jenë bashkëpunëtorë në këtë ngjarje të rëndë. 
Featured image of article: Asnjë gjurmë nga viktima/ Fshehu rrobat dhe sendet e Prengës, arrestohet në Kavajë anëtari i fisit Hajri, gjashtë të tjerë shpallen në kërkim Jan Prenga dhe foto ilustruese
Përditësuar:

KAVAJË– Policia e Shtetit ka vijuar zhvillimin e operacionit në kuadër të zbardhjes së pengmarrjes së 49-vjeçarit Jan Prenga. Dosja.al mëson se në pranga, mbrëmjen e sotme ka rënë një tjetër i afërm i famijes Hajri, në qytetin e Kavajës. Personi i arrestuar është me inicialet F.Xh., ndërkohë që ende nuk dihet identiteti i plotë i tij. I prangosuri dyshohet se është implikuar në krimin në fjalë duke zhdukur sendet e viktimës që u rrëmbye dhe u dhunua për vdekje më 17 janar, si dhe mund të ketë ndihmuar në groposjen e trupit të Prengës.

Gjithashtu, burime nga grupi hetimor bëjnë me dije se janë shpallur në kërkim edhe gjashtë persona të tjerë, po nga e njëta familje, të cilët dyshohen të jenë bashkëpunëtorë në këtë ngjarje të rëndë. 

Jak Prenga, 49 vjeç, babai i 5 fëmijëve u rrëmbye mesditën e 17 janarit. Familja Hajri, me makinën e vjedhur të një këngëtareje, shkoi në Kamëz dhe e mori zvarrë në qendër të qytetit, në rrugën ‘London’. Jak Prenga, u rrah dhe u torturua për vdekje përpara se të mbërrinte në kompleksin “Golden”, ku do të mbahej peng nga fisi Hajri.

Forcat RENEA zbarkuan një ditë më parë në resortin luksoz “Golden”, ku vunë në pranga të afërmit e dy pronarëve të godinës, Bajram Hajrin, djalin e tij, Leonard Hajrin, Olsi Turjan dhe Elton Hajrin. Në kërkim është shpallur Altin Hajri, një nga pronarët e “Golden”, që njihet edhe si koka e trafikut të drogës nga Afganistani me destinacion Italinë.

Për më shumë bëhu pjesë e grupit më viral në Facebook, Dosja.al

Shkak për këtë rrëmbim është bërë pikërisht konflikti i pazareve të drogës me të vëllanë e Jak Prengës, Astritin. Ky i fundit dyshohet të mos ketë dorëzuar 283 kg kokainë në destinacionin që duhej dhe mësohet se ka pasur konflikte të mëparshme me vëllezërit Hajri në Angli. Astrit Prenga është në burg aktualisht në Angli, ku rezulton i dënuar me 8 vite e gjysmë burg. Trupi i Prengës ende nuk është gjetur ndërkohë që vijon krehja e zonës së Shijakut, të fshatrave përreth, ku dyshohet se mund të jetë groposur.

(f.m/dosja.al)

Shto Koment