Aktualitet

E TRISHTE! Shkoi në Turqi për t’u kuruar nga COVID19/ Ndahet nga jeta presidenti i Fax News, Kasem Hysenbelliu

Kasem Hysenbelliu është themeluesi i Fax News dhe Faxweb.al, grupit mediatik që hyri në treg në vitin 2018, ndërsa më herët ka drejtuar News24, Panorama Group dhe Balkanweb. 
Featured image of article: E TRISHTE! Shkoi në Turqi për t’u kuruar nga COVID19/ Ndahet nga jeta presidenti i Fax News, Kasem Hysenbelliu Erion Veliaj, Ilir Meta, Kasem Hysenbelliu dhe Lulzim Basha
Përditësuar:

TURQI- Presidenti i Fax News, Kasem Hysenbelliu është ndarë nga jeta sot pas komplikacioneve të shkaktuara nga COVID19. Hysenbelliu ishte dërguar në Turqi prej disa ditësh ku po merrte trajtim mjekësor por për fat të keq, nuk mundi të fitojë betejën me COVID19. Ai u nda nga jeta në moshën 59-vjeçare.

Kasem Hysenbelliu është themeluesi i Fax News dhe Faxweb.al, grupit mediatik që hyri në treg në tetor të vitit 2017, ndërsa më herët ka drejtuar News24, Panorama Group dhe Balkanweb.

Për më shumë bëhu pjesë e grupit më viral në Facebook, Dosja.al

Ky lajm ka trishtuar me qindra gazetarë që e kanë njohur nga afër dhe kanë punuar me vite me Hysenbelliun. Dosja.al i shpreh ngushëllimet më të sinqerta familjes së tij, bashkëshortes dhe dy fëmijëve.

(f.g/dosja.al)

  • 22:34

    Artan Fuga mesazh ngushëllimi për ndarjen nga jeta të Kasem Hysenbelliut: Aktor mediatik, ekuilibronte shumë pushtete

    Artan Fuga

    Profesori dhe akademiku, Artan Fuga ka përcjellë një mesazh ngushëllimi për largimit nga jeta të presidentit të televizionit ‘’Fax News’’, Kasem Hysenbelliut. Në reagimin e tij, Fuga thotë se ka bashkëpunuar me Hysenbelliun për vite me radhë dhe kishte vlerësuar personalitetin e tij dhe mbështetjen që u jepte gazetarëve të rinj.

    MESAZHI NGA ARTAN FUGA

    Gjej rastin t’i shpreh ngushëllimet e mia familjes të të ndjerit Kasëm Hysenbelliu, drejtuesit dhe pronarit të televizionit Fax Neës! Sa herë kam bashkëpunuar me të për vite me radhë. Kisha vlerësuar shumë njeriun modest, të vëmendshëm ndaj mendimeve ndryshe, i apasionuar pas të resë, mikun dhe mbështetësin e gazetarëve të rinj, njeriun e përgjigjes të shpejtë ndaj çdo propozimi ose komenti, pa paragjykime për opinionet e aktorëve të shoqërisë civile që vinin te hapësira e tij televizive, korrekt me bashkëpuntorët, i qartë në orientimin e tij për trajtimin e problemeve të shoqërisë në televizion. Shqipëria humbi një aktor mediatik që ekuilibronte shumë pushtete dhe vetë pejzazhin televiziv të vendit. Televizioni që ai administronte ishte i ri, ka rrugë për të bërë, por ishte serioz, me dinjitet, dhe nuk ra kurrë në bastardime! I paharruar kujtimi i tij!

  • 17:22

    “Më fal o ba që s’të shpëtova dot”/ Vajza e Kasem Hysenbelliut rrënqeth me fjalët: Ma këpute shpirtin, si më le vetëm…

    Më fal o ba që s’të shpëtova”, janë fjalët e vajzës së Presidentit të ‘Faxnews’, Kasem Hysenbelliut, Inës, pas vdekjes së babait të saj. Mëngjesin e ditës së sotme në familjen Hysenbelliu ka pllakosur zia, pasi Kasem Hysenbelliu u nda nga jeta për shkak se nuk ia doli të fitonte betejën me sëmundjen vdekjeprurëse të Covid-19. Të shumta kanë qenë reagimet, dhe ngushëllimet nga zyrtarë, politikanë, miq, punonjës për vdekjen e Hysenbelliut, ku nuk ka munguar as reagimi i së bijës Inës, e cila ka rrënqethur me fjalët e saj. Në disa postime që ka bërë në Instastory krahas fotos së babait të saj, Ina shkruan:  Më fal baba që stë shpëtova dot. Ma këpute shpirtin o ba. Zemra ime që ua hape derën të gjithwve. Ah shpirti im që më le vetëm. Ishe mw i miri prej nesh. 

  • 17:41

    “Njeriu më luftarak që kam njohur”/ Eni Vasili kujton gjestin e Kasem Hysenbelliut: Ngriti në këmbë Shqipërinë për të shpëtuar fëmijën 10 vjeç

    Gazetarja dhe moderatorja, Eni Vasili ka reaguar pas ndarjes së parakohshme nga jeta të Presidentit të Fax News, Kasëm Hysenbelliu. Teksa i ka shprehur ngushëllimet familjes për këtë humbje të madhe, Eni ka kujtuar edhe kohën kur punonte më të. Ajo e ka cilësuar si personin më luftarak që ka njohur sakaq ka ka treguar edhe momentin kur Hysenbelliu ndihmoi një 10-vjeçar, i cili kishte nevojë për transplant mëlçie.

    “Institucionet e kishin harruar Kristin, nderkohe qe rasti i tij u pasqyrua ne lajmet e “Neës 24”. Asokohe Kasemi ngriti ne kembe gjithe Shqiperine per te mbledhur 50 mije euro per operacionin e Kristit. Televizioni u kthye ne nje media sensibilizuese per ti shpetuar jeten nje femije te vogel. “News 24” arriti te mbledhe ate shume per pak dite, duke permbyllur keshtu misionin e ideuar nga shpirti bujar i Kasemit”, shkruan ndër të tjera Vasili.

    Postimi i Plotë: 

    Sot humbi betejen me Covidin nje nga njerezit me luftarakë qe kam njohur ne jeten time, Kasem Hysenbelliu! Pata mundesinë te punoj me te ne “News 24” kur drejtoja emisionin “Studio e hapur”  për disa vite me rradhë. Drejtor Kasemi ishte njeri qe te surprizonte me kurajon, energjine, ambicien dhe shpirtin luftarak. Madje mendoj se beteja e vetme qe ai humbi, ishte ajo me virusin vdekjeprures. Te punoje me Kasemin ishte sfide dhe kenaqesi. Ai e donte shume njeriun opozitar, njeriun qe nuk bie dakord me fatin e tij, qe lufton per ta ndryshuar ate. Ne kete fryme ishte edhe menyra se si ai punonte. Por nje nga gjerat me te mrekullueshme qe ai ka bere gjate kohes qe drejtonte “Neës 24”, ishte perpjekja e jashtezakonshme per ti shpetuar jeten nje femije 10 vjecar. Kristi kishte rreth dy vite i shtruar ne spital dhe kishte nevoje per transplant melcie. Institucionet e kishin harruar Kristin, nderkohe qe rasti i tij u pasqyrua ne lajmet e “News24”. Asokohe Kasemi ngriti ne kembe gjithe Shqiperine per te mbledhur 50 mije euro per operacionin e Kristit. Televizioni u kthye ne nje media sensibilizuese per ti shpetuar jeten nje femije te vogel. “Neës24” arriti te mbledhe ate shume per pak dite, duke permbyllur keshtu misionin e ideuar nga shpirti bujar i Kasemit. Sot familja dhe shoqeria e humbi ate, por ai jetoi aq bukur dhe per kete arsye, kjo lamtumire qe ai na dha, eshte nje lamtumire pa pengje, por nje mungese e madhe per te gjithe ne! Ngushellime familjes!

  • 18:31

    Ndarja nga jeta e Kasem Hysenbelliu, VOA: Prej vitesh u përfshi në mediat më të rëndësishme në vend

    Themeluesi i televizionit informativ shqiptar “Fax News”, Kasem Hysenbelliu, u nda nga jeta mëngjesin e sotëm në një spital të Turqisë ku ai gjendej prej shumë ditësh, i prekur nga Koronavirusi. Në një betejë të gjatë me sëmundjen, zoti Hysenbelliu, nuk ja doli të rezistonte, pasi gjendja e tij shëndetësore erdhi duke u përkeqësuar. Kasem Hysenbelliu prej vitesh të tëra ishte përfshirë në botën e medias. Fillimisht punoi për një kohë të gjatë administrator i të përditshmes më të madhe shqiptare “Gazeta Panorama”. Ndërsa më pas, administrator i mediave të tjera të rëndësishme të grupit Hysenbeliu, si News24, Balkanëeb e Gazeta Shqiptare. Prej vitit 2017, kur themeloi televizionin informative “Fax News”, Kasem Hysenbelliu ishte president i kësaj medie. Për ndarjen e tij nga jeta, përveç përfaqësuesve të shumtë të botës së mediave që kanë bashkëpunuar me të, gazetarë e analistë, sot shprehën hidhërim, edhe autoritetet më të larta shtetërore e politike të vendit.

  • 20:23

    “Sot humbëm një mik të mirë”/ Taulant Balla shpreh ngushëllimet për ndarjen nga jeta të Kasem Hysenbelliut

    Kreu i grupit parlamentar të Partisë Socialiste, Taulant Balla ka shprehur ngushëllimet lidhur me ndarjen nga jeta të themeluesit dhe Presidentit të Fax News, Kasem Hysenbelliu. “Sot humbëm një mik të mirë, një sipërmarrës të guximshëm në fushën e medias! Ngushëllime familjes Hysenbelliu për humbjen e njeriut të tyre të dashur! U prehsh në paqe Kaso!,”-shkruan Balla. 

  • 20:52

    “Këtë vit s’më urove për ditëlindje”/ Prek me fjalët gazetarja për ndarjen nga jeta të Kasem Hysenbelliut: Nuk do harroj atë që bërë për mua dhe familjen time…

    Gazetarja Ola Bruko, ka reaguar, për ndarjen nga jeta të themeluesit dhe Presidentit të Fax News, Kasem Hysenbelli si pasojë e koronavirusit. Me anë të një statusi publik, Bruko shprehet se nuk do e harrojë kurrë atë që bëri Hysenbelliu për të dhe familjen e saj, sakaq ka shtuar se këtë vit i mungoi urimi i tij pasi ky i fundit po luftonte me sëmundjen vdekjeprurëse, e cila për fat të keq i mori jetën.

    Shkrimi i plotë:

    Nuk te them dot lamturire o njeriu i mire qe u kujdese per cdokend qe kishte nevoje per ndihme…, qe nuk me the kurre “jo” pas cdo kerkese qe te beja per te ndihmuar dike duke e transmetuar ne News24, ne emisionin “Njerez ne Fokus” qe bashke e krijuam… Nuk do kisha dashur kurre te postoja kete foto dhe kete pamje ku ti ndjek nga afer punen qe po behej per ndertimin e studios se emisionit “Njerez ne Fokus” qe aq shume doje.., per te shprehur dhimbjen per ikjen tende te parakohshme nga kjo jete… Nuk do harroj asnjehere gjithçka bere per mua dhe familjen time! Urimin per ditelindje kete vit nuk ma dergove dot sepse po luftoje per jeten… Ende nuk mund ta besoj kete lajm…! Kurre s’do kisha dashur te drejtoja nje trasmetim live. “in memoriam” per ty i dashur drejtor! Ngushellime familjareve; Keles, dy femijeve, vellerezve dhe nenes…!
    Do te te kujtoj gjithmone!

  • 20:59

    “Suksesi nuk e ndryshoi”/Ngushëllimi i Jozefina Topallit për ndarjen nga jeta të Kasem Hysenbelliut: Ishte i ri, gjithmonë me buzë në gaz e tepër miqësor

    Ish kryetarja e Kuvendit, Jozefina Topalli, ka përcjellë ngushëllimet për ndarjen nga jet të  Presidentit të Fax News, Kasem Hysenbelli në moshën 59 vjecare si pasojë e koronavirusi. Në një postim në rrjetet sociale, Topalli shkruan se Hysenbelliu, ishte një person, miqësor dhe i komunikueshëm, ku ka shtuar se suksesi që pati në jetë nuk e ndryshoi atë si person.

    Mesazhi i plotë: 

    Po lexoj se Kasem Hysenbelliu ka mbyllur syte pergjithmone. Nje lajm i keq per te gjithe ata qe e kane njohur. Nje pikellim i madh per familjen e njerezit e tij te dashur. Une e kam njohur Kasemin. Gjithmone me buze ne gaz, shume miqesor e i komunikueshem. Ishte kurajoz ne inisjativat e tij por po aq edhe njerezor. Kasemi ishte i thjeshte, punetor dhe suksesi ne jete nuk e ndryshoi. Mbeti i njejti ne raport me te tjeret. Shpreh ngushellimet me te thelle familjes se tij. Ishte shume i ri me u nda nga jeta , nga familja dhe nga endrrat e tij. Kasemi ka ditur te beje shume miq sepse nuk lidhej vetem nga interesi. Dinte te ndihmonte njerezit e te bente mire. Prandaj e donin shume dhe e respektonin. Kjo eshte nje kohe e veshtire per familjen e Kasemit . Zoti i forcofte! Pushofte ne paqe!
  • 20:23

    “Sot humbëm një mik të mirë”/ Taulant Balla shpreh ngushëllimet për ndarjen nga jeta të Kasem Hysenbelliut

    Kreu i grupit parlamentar të Partisë Socialiste, Taulant Balla ka shprehur ngushëllimet lidhur me ndarjen nga jeta të themeluesit dhe Presidentit të Fax News, Kasem Hysenbelliu.

    “Sot humbëm një mik të mirë, një sipërmarrës të guximshëm në fushën e medias! Ngushëllime familjes Hysenbelliu për humbjen e njeriut të tyre të dashur! U prehsh në paqe Kaso!,”-shkruan Balla. 

    POSTIMI I PLOTË:

  • 20:14

    Ndërroi jetë nga koronavirusi, mbërrin në Shqipëri trupi i pajetë i Kasem Hysenbellit

    Trupi i pajetë i themeluesit dhe Presidentit të Fax News, Kasem Hysenbelliu ka mbërritur në Shqipëri pasi ndërroi jetë nga koronavirusi në Turqi. Televizioni që ai drejtoi ka publikuar pamjet nga arkëmorti, teksa trupi i pajetë i tij por dërgohet në shtëpi.

  • 16:42

    Irfan Hysenbelliu pas vdekjes së vëllait: Humbëm djalin e përkushtuar dhe babanë model. Do mbështesë gjithmonë fëmijët e tij

    TIRANË– Irfan Hysenbelliu vëllai i  presidentit të Fax Neës, Kasem Hysenbelliu ka përcjellë një mesazh prekës për humbjen e trishtë.Irfan Hysenbelliu u shpreh mirënjohjen të gjithë atyre që e kanë ngushëlluar familjen e tij për këtë humbje të parakohshme, ndërsa shton se me ndarjen nga jeta të Kasemit familja ka humbur djalin, babanë shembullor e të përkushtuar dhe vëllanë e pazevëndësueshëm.Hysenbelliu shkruan pas humbjes së vëllait tij do të jetë, në mbështetje të plotë të fëmijëve të tij të mrekullueshëm, që të çojnë përpara aspirarat dhe në përmbushje të vullnetit të vetë Kasemit.

    Mesazh i z. Irfan Hysenbelliu, për ndarjen nga jeta të vëllait Kasëm Hysenbelliu:

    Të dashur miq dhe të afërm të familjes Hysenbelliu, kolegë dhe bashkëpunëtorë të vëllait tim të ndjerë!Një falenderim kolektiv për të gjithë ju do të ishte shumë pak, për të shprehur mirënjohjen time të thellë për gjithë mesazhet e ngushëllimit dhe mbështetjes që na keni ofruar në këtë ditë dëshpërimi. Situata që po kalojmë më detyron t’ju drejtohem publikisht e t’ju kërkoj ndjesë që s’mund të komunikoj dot me secilin prej jush.Sot familja humbi Kasëmin, në një dhimbje që s’mund të përshkruhet me fjalë: ne humbëm djalin e përkushtuar e babain model, bashkëshortin ideal e vëllain e pazëvendesueshëm, xhaxhain e dajën e dhimbsur, një njeri zemërbardhë. Ju, në një solidaritet unikal, na treguat se Kasëmi s’ishte vetëm “familjari model” por edhe një shok e mik i çmuar, drejtues i aftë, koleg e bashkëpuntor i vyer, njeri vizionar e i përkushtuar, mik i të gjithëve.Faleminderit nga zemra secilit prej jush!Jam thellësisht i tronditur nga kjo humbje e rëndë dhe të ndahemi prej tij do të jetë tepër e vështirë, por nuk do të na mungojë forca për ta mbështetur fort trashëgiminë e Kasëmit si edhe të gjitha projektet e nisura prej tij, në mënyrë që ato të shkojnë përpara, në veçanti televizioni Fax News. Pas humbjes së vëllait tim të shtrenjtë, do të jem gjithashtu në mbështetje të plotë të fëmijëve të tij të mrekullueshëm, që të çojnë përpara aspirarat dhe në përmbushje të vullnetit të vetë Kasemit.Ai iku për të na lënë të gjithëve në trishtimin e mungesës së tij, pa humorin e hollë, e planet e pafundme. Por edhe pse s’mundemi ta kemi më fizikisht Kasëmin, asgjë s’do ndryshojë në vazhdimin e misionit të tij. Bashkëshorja dhe fëmijët, gjithë familja e tij e madhe, jemi të gjithë bashkë, për të përjetësuar projektet dhe veprën e tij. Faxnews dhe Faxweb, produktet e shpirtit e mendjes së Kasëmit do të mbështeten pa kursyer asgjë për të përmbushur ëndrrën e Kasëmit, vëllait tim të paharruar. U prehtë në paqe!Presidenti i Fax News, Kasem Hysenbelliu është ndarë nga jeta sot pas komplikacioneve të shkaktuara nga COVID19. Hysenbelliu ishte dërguar në Turqi prej disa ditësh ku po merrte trajtim mjekësor por për fat të keq, nuk mundi të fitojë betejën me COVID19. Ai u nda nga jeta në moshën 59-vjeçare.

  • 16:40

    Sali berisha mesazh ngushëllimi për Kasem Hysenbelliun: Qëndoi burrërisht dhe i paepur kundër censurës. Uroj të gjej paqen e merituar!

    TIRANË– Ish-kryeministri Sali Berisha, ka përcjellë një mesazh ngushëllimi pas ndarjes së parakohshme nga jeta të themeluesit të Fax Media Neës, Kasem Hysenbelli. Në një postim në rrjetet sociale, Berisha e përshkruan si një person të sjellshëm dhe të guximshëm, sakaq shton se, Kasemi qëndroi burrërisht dhe i paepur kundër censurës dhe për pavarësinë e medias qe ai drejtonte.

    POSTIMI I PLOTË:

    Mesazh ngushellimi!
    Miq, Kasem Hysenbelliu, pronari dhe presidenti i Fax News, njeres prej mediave te reja me te hapura dhe me te pavarura ne 30 vitet e fundit, u nda nga jeta parakohe.
    Kasemi Hysenbelliu ne veprimtarine e tij u perball me presione te shumta politike te kryecensorit te vendit dhe lakejve te tij, qe kerkonin ti vrisnin endrren fisnike te medies se lire. I sjellshem dhe i guximshem Kasemi qendroi burrerisht dhe i paepur kunder censures dhe per pavaresine e medias qe ai drejtonte. Me vizionin e tij te qarte ai arriti me sukses te themeloje dhe te ngreje shpjet nje media te lire, te pavarur, te respektuar nga publiku duke dhene keshtu nje kontribut te vertet ne transparencen, luften kunder cesures ne shkalle vendi dhe krijuar nje media te respektuar. Me kete rast shpreh nderimin tim te thelle per ndihmesen e tij te çmuar dhe ngushellimet e mia te ndjera familjes, miqve, te afermve dhe stafit te mediave qe ai drejtonte. Une lutem se bashku me ta qe shpirti i Kasemit te gjeje paqen e merituar. Amin!! sb. 

  • 12:17

    "Na duhet për golin në minutën e fundit"/ Gazetari Artan Hoxha ndan kujtimet me Kasem Hysenbelliun: Ike mik dhe na braktise, lamtumirë! (KUJTIMI)

    Gazetari investigativ Artan Hoxha ka ndarë kujtimet e tij për botuesin e ndarë nga jeta, Kasem Hysenbelliu, i cili vdiq këtë mëngjes për shkak të komplikacioneve me COVID19. Hoxha ishte një nga bashkëpunëtorët e tij më të ngushtë, dhe rrëfen ndjesinë e tij kur mësoi se u nda nga jeta.
    POSTIMI I PLOTË I ARTAN HOXHËS:

    Shuhet Kasem Hysenbelliu 59 vjeç… Nje lajm i trishte për nje bashkepatriot, mik, dhe administrator i medias ku kam punuar. Nje njeri i mire me te cilin kam bashkepunuar, qe nga fillimi i viteve 2000, kur nisi punen si administrator te “Panorama”, në News24 nga viti 2011 e deri në 2016-en, e me vone në median e themeluar prej tij FAX NEWS. Lamtumire mik, te qofte e lehte rruga për në boten e pertejme. Ike shpejt, shume shpejt dhe beftas, pa u ndjere. Kemi bashkepunuar qindra here, kemi debatuar dhjetera here, por në fund Kasemi kthehej me nje buzeqeshje karakteristike dhe me batuten, “jemi skraparllinj, nese nuk e mbajme njeri-tjetrin mos prit të na mbaj njeri”… Sa here kishim ndonje histori me spec per te denoncuar “ata lart” pushtetin dhe politikanet, të cilet e dinin menyren si të benin presion të pronaret, udhezimi i Kasemit ishte, “Tance ma lere mua, fike telefonin dhe mos iu pergjigj askujt, madje as pronarit”. Pastaj kur debatonim, zgjaste me öre te tera, ndoshta me dite, nuk binim në nje mendje si dy kokeshkembinj Skrapari.
    Debati shkonte deri aty sa i kujtoja se vertete ishim nga e njejta zone por na ndante Kanioni Osumit. Por te nesermen origjina nga vinim, pasioni per punen qe benim, për te thene gjithnje te verteten dhe per ta mbajtur gjithmone News24, median nr.1 informative në vend, na bente serish bashke. Sa here drejtuesit poshte tij, drejtore, kryeredaktore, shkonin per ndonje ankese ose pakenaqesi ndaj meje, pergjigja e Kasemit ishte:” Mos u merrni me te, ma lini mua, na duhet per golin në minuten e fundit”…
    Ike mik dhe na braktise kur kishe ende shume ide e pune per te mbaruar.
    Do t’i mungosh familjes, krijeses tende, Fax news dhe stafit të saj, gjithkujt qe të ka njohur apo takuar qofte dhe njehere te vetme.
    Lamtumire Kasem Hysenbelliu…

  • 10:50

    FOTOT/ "Nuk ishte radha jote", rrjeti në zi pas vdekjes së botuesit Kasem Hysenbelliu, kolegë dhe politikanë shprehin ngushëllimet prekëse

    Lajmi i ndarjes nga jeta të botuesit Kasem Hysenbelli ka bërë bashkë sot të majtë dhe të djathtë, ish-punonjës dhe vartësit e tij në Fax Neës. Bashkëpunëtorë dhe kolegë të 59-vjeçarit kanë shprehur ngushëllimet në rrjetet sociale, ku shprehin tronditjen për ndarjen e parakohshme nga jeta.
    Gazetari Enkel Demi shkruan: Kasem, më ke tronditur thellësisht. Nuk ishte radha jote mik i shtrenjtë. Nuk punova asnjëherë me ty, por të pata përherë mik për kokë. Ishe nga të paktët njerëz të çiltër, të mirë dhe të guximshëm që kishte media në Shqipëri. U mësove të ngresh gjëra që ende nuk kishin mbirë në tokë, sikur deshe të thoje që nga dheu vimë tek ai do shkojmë. Zoti të bekoftë o njeri i mirë! Do më marrë shumë malli…

    Bashkëpunëtori i Hysenbelliut, Kastriot Cipi shkruan: Në dy vitet e punës sime në Faxneës, nuk më ndërhyri kurrë, për asnjë pikëpamje të shprehur në ekran. U prehsh në paqe Kasem Hysenbelli! Do të të kujtoj gjithmonë si themeluesin e një medie plotësisht të lirë!

    Zëdhënësja e Partisë Demokratike, Ina Zhupa shkruan: Kam pasur fatin ta kem mik te mire dhe ta di fare mire se ishte nje njeri mbeshtetes i fjales se lire, i te vertetes, i te rinjve, i te drejtes. Administrator i shkelqyer i disa mediave te suksesshme me pasion dhe perkushtim derisa krijoi dashurine e tij te madhe Fax News. Ngushellime te sinqerta familjes per kete humbje te madhe. Ngushellime miqve, shokeve, kolegeve dhe stafit te Fax News. U prehsh ne paqe!

    Nipi i tij, Fatmir Hysenbelli në një dedikim në rrjetet sociale shkruan: “Jam i tronditur nga lajmi. Do të të kujtoj gjithnjë me buzëqeshjen tënde, u prehsh në paqe, xhaxha”. 

    Reporterja e Fax News në Shkodër, Emi Kalaja shkruan se:
    https://www.facebook.com/emi.kalaja/posts/3694938213900675

    Gazetarja Anila Basha shkruan: Cfare lajmi i tmerrshem ky i humbjes se Kasos. Ai nuk ishte drejtori, administratori, pronari. Ishte si te gjithe ne, si armata e madhe e gazetareve qe i beri te gjithe miq. Per ngjarje te tilla mbetesh e pafjale, e aq me teper per nje njeri si Kasem Hysenbelli. U prehsh ne paqe o mik i mire, do te te kujtojme gjithmone. RIP.

  • 10:13

    Presidenti Meta mesazh për vdekjen e Kasem Hysenbelliut: Lajm tronditës! Jam pranë nënës dhe familjes së tij, u prehsh në paqen e merituar

    Presidenti Ilir Meta i ka dërguar një mesazh ngushëllimi familjes së botuesit Kasem Hysenbelliu, i cili u nda nga jeta mëngjesin e sotëm. Në një postim në rrjetet sociale, Meta thotë se lajmi është tronditës, ndërsa ngushëllon familjen dhe gazetarët e Fax News dhe Fax Web, dhe i solidarizon të kryejnë detyrën e tyre.

    POSTIMI I ILIR METËS: 

    Tronditës dhe i pabesueshëm lajmi për humbjen e parakohëshme nga jeta të Kasem Hysenbelliu, Presidentit të “Fax Neës”, kësaj media të lirë, të pavarur e dinjitoze. Në këto momente të vështira jam pranë nënës, bashkëshortes, fëmijëve, familjarëve, miqve, kolegëve e gazetarëve dhe ju shpreh ngushëllimet më të sinqerta për këtë humbje të pazëvendësueshme.

    Solidaritet me të gjithë gazetarët e “Fax Neës” dhe Faxëeb.al, të cilët i inkurajoj të vazhdojnë misionin dhe ëndrrën e lënë përgjysmë nga Presidenti Hysenbelliu, për të ndërtuar një media të lirë, zëri i çdo qytetari në nevojë dhe çdo kauze sociale, zëdhënëse e pakompromis e opinionit publik. I paharruar kujtimi i Kasem Hysenbelliut! U prehsh në paqen e merituar

  • 10:10

    Veliaj shpreh ngushëllime për ndarjen nga jeta të Kasem Hysenbelliut: Ditë e trishtë për gazetarinë

    Kryetari i Bashkisë së Tiranës, Erion Veliaj ka shprehur ngushëllimet familjes për ndarjen e parakohshme nga jeta si pasojë e Covid-19, të themeluesit të televizionit “Fax News”, Kasem Hysenbelliu. Me anë të një postimi në rrjetet sociale Veliaj shkruan se Hysenbelliu ishte njeri me guxim, duke vlerësuar punën e tij në dy televizione të rëndësishme në vend.

    “Kasëm Hysenbelliu investoi në median shqiptare me guximin e njeriut që e donte gazetarinë e mirë & për shumë vite administroi me sukses dy televizione. Sot ai u nda nga jeta – ditë e trishtë për gazetarinë & këdo që e njohu e punoi me të. Ngushëllime familjes! U prehtë në paqe!”, shkruan kryebashkiaku.

  • 10:07

    Vdekja e Kasem Hysenbelliut, Basha mesazh ngushëllimi: Jam i hidhëruar, luftëtar i medias së lirë! Shembull i njeriut kurajoz dhe të sinqertë

    Kryedemokrati Lulzim Basha ka ngushëlluar familjen e botuesit Kasem Hysenbelliu, i cili u nda nga jeta mëngjesin e sotëm. Në një reagim në rrjetet sociale, basha shkruan se është i tronditur, ndërsa shton se ai është një nga kontributorët e spikatur në fushën e medias.

    Jam i hidhëruar nga lajmi tonditës për ndarjen nga jeta të Kasem Hysenbelliut, një qytetar i angazhuar dhe luftëtar i medias së lirë. Ngushëllimet e mia më të ndjera familjes Hysenbelliu për këtë humbje të rëndë! Lutjet dhe mendimet e mia janë sot me ta, si dhe me miqtë, kolegët dhe ekipin e televizionit Fax Neës.

    Për ne që e kemi njohur personalisht, Kasemi do të mbetet shembulli i njeriut kurajoz, të sinqertë dhe të drejtpërdrejtë dhe një përkrahës i të drejtës dhe të vërtetës. Ai do të kujtohet si një ndër kontributorët e spikatur në fushën e medias, themelues dhe president i televizionit Fax Neës, administrator i gazetës më të madhe në vend “Panorama” dhe i televizionit “Neës24”.

    Trishtimi dhe dhimbja janë të mëdha për këtë humbje tragjike. U prehtë në paqe!”,-shkruan Basha në rrjetet sociale.

Shto Koment